ខេត្តព្រះសីហនុ ៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានដឹកនាំបញ្ជាផ្ទាល់ដល់កម្លាំងជំនាញផែនការងារនគរបាលព្រហ្មទណ្ឌ សហការជាមួយកម្លាំងនគរបាលក្រុងព្រះសីហនុ កម្លាំងនគរបាលស្រុកព្រៃនប់ កម្លាំងនគរបាលស្រុកកំពង់សីលា…
ខេត្តព្រះសីហនុ ៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានដឹកនាំបញ្ជាផ្ទាល់ដល់កម្លាំងជំនាញផែនការងារនគរបាលព្រហ្មទណ្ឌ សហការជាមួយកម្លាំងនគរបាលក្រុងព្រះសីហនុ កម្លាំងនគរបាលស្រុកព្រៃនប់ កម្លាំងនគរបាលស្រុកកំពង់សីលា និងកម្លាំងនគរបាលស្រុកស្ទឹងហាវ បានបំបែកសំបុកក្រុមចោរ (ធាក់ម៉ូតូផ្តួល រួចប្រើដាវ កាំប៉ិតបុ័ងតោ ដំបងដែកកាប់ និងវាយប្លន់យកម៉ូតូ ព្រមទាំងសម្ភារៈមានតម្លៃ) ដោយកម្លាំងជំនាញស្រាវជ្រាវបង្ក្រាបបានជាបន្ដបន្ទាប់ចំនួន ៥នាក់ ក្នុងចំណោមបក្ខពួក ៩នាក់ ។
ករណីធាក់ប្លន់ និងកាប់យកទ្រព្យសម្បត្តិនេះ កើតឡើងកាលពីវេលាម៉ោង ២០និង៣០នាទីនៅថ្ងៃទី១០ ខែមករា ឆ្នាំ២០២២ នៅចំណុចផ្លូវដើមឈើចាំស្នេហ៍ ស្ថិតនៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ បង្កឡើងដោយជនសង្ស័យ មានគ្នា០៥នាក់ ជិះម៉ូតូ ០២គ្រឿង (ម៉ាកហុងដា ស្គុបពី ស៊េរីឆ្នាំ២០២២ ពណ៌ស ពាក់ស្លាកលេខ កំពត 1S-8446 និងម៉ាកហុងដា សេ១២៥ ស៊េរីឆ្នាំ២០២២ ពណ៌ខ្មៅ ស្លាកលេខ កំពត 1R-7442) បានធ្វើសកម្មភាព ធាក់ផ្តួលម៉ូតូរបស់ប្រជាពលរដ្ឋ ក្នុងខណៈពេលដែលជនរងគ្រោះកំពុងជិះម៉ូតូ ធ្វើដំណើរតាមផ្លូវ ដោយបុរសជាអ្នកបើកម៉ូតូ រីឯនារីជាសង្សារជិះពីក្រោយ បណ្តាលឲ្យដួលរងរបួស បន្ទាប់មកក្រុមជនសង្ស័យ បានប្រើដាវ កាំប៉ិតបុ័ងតោ ដំបងដែកកាប់ និងវាយទៅលើជនរងគ្រោះបន្ថែមទៀត ប្លន់យកម៉ូតូ ០១គ្រឿង ម៉ាក Honda Scoppy-I ស៊េរីឆ្នាំ២០២០ ពណ៌ស ពាក់ស្លាកលេខ ព្រៃវែង 1R-6102 ព្រមទាំងប្លន់យកកាបូបស្ពាយចំហៀង ០១ ពណ៌ប្រផេះ មានទូរស័ព្ទដៃ ០២គ្រឿង ម៉ាក iPhone11 pro ពណ៌ខ្មៅ iPhone8 ពណ៌ខ្មៅ និងគ្រឿងសម្អាងមួយចំនួន កាបូបតូចវែង ០១ ពណ៌ខ្មៅ មានលុយខ្មែរ ចំនួន ២០០,០០០រៀល (ម្ភៃម៉ឺនរៀល) និងកាត់ផ្សេងៗ មួយចំនួន រួចជិះគេចខ្លួនបាត់ ។
ជនរងគ្រោះទាំង ០២នាក់ រួមមាន ៖
ទី១-ឈ្មោះ តាត់ ភត្ត្រា ភេទប្រុស អាយុ ២៣ឆ្នាំ មុខរបរបុគ្គលិកក្រុមហ៊ុនកាស៊ីណូ វិមានខ្សាច់ស មានទីលំនៅ ភូមិ៤ សង្កាត់៤ ក្រុង-ខេត្តព្រះសីហនុ ។
និងទី២-ឈ្មោះ ប្រាក់ ច័ន្ទដាលីន ភេទស្រី អាយុ ២០ឆ្នាំ មុខរបរ បុគ្គលិកក្រុមហ៊ុនកាស៊ីណូ មានទីលំនៅ ភូមិ២ សង្កាត់៣ ក្រុង-ខេត្តព្រះសីហនុ ។
សម្ភារដែលបាត់បង់ រួមមាន ៖
-ម៉ូតូ ០១គ្រឿង ម៉ាក Honda Scoppy-I
-កាបូបស្ពាយចំហៀង ០១ ពណ៌ប្រផេះ
-ទូរស័ព្ទដៃ ០២ គ្រឿង (ម៉ាក iPhone11 pro និង iPhone8)
-គ្រឿងសម្អាងមួយចំនួន
-កាបូបលុយតូចវែង ០១ ពណ៌ខ្មៅ
-លុយខ្មែរ ចំនួន ២០០,០០០៛ (ម្ភៃម៉ឺនរៀល)
-អត្តសញ្ញាណប័ណ្ណ ០២សន្លឹក និងកាតចាក់វ៉ាកសាំង ០២សន្លឹក ។
បន្ទាប់ពីទទួលបានព័ត៌មាននេះភ្លាម លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានចាត់ឲ្យកម្លាំងជំនាញផែនការងារនគរបាលព្រហ្មទណ្ឌ សហការជាមួយកម្លាំងនគរបាលក្រុងព្រះសីហនុ កម្លាំងនគរបាលស្រុកព្រៃនប់ កម្លាំងនគរបាលស្រុកកំពង់សីលា និងកម្លាំងនគរបាលស្រុកស្ទឹងហាវ បានធ្វើការស្រាវជ្រាវយ៉ាងយកចិត្តទុកដាក់ និងបានដាក់កម្លាំងតាមដងផ្លូវត្រង់ចំណុចសំខាន់ ដើម្បីចាំស្ទាក់ចាប់ជនសង្ស័យ រហូតដល់វេលាម៉ោង២១និង១៥នាទីយប់ថ្ងៃដដែល ទើបធ្វើការស្ទាក់ចាប់ឃាត់ខ្លួនបានជនសង្ស័យចំនួន ០៤នាក់ ជាជនជាតិខ្មែរ នៅចំណុចផ្លូវជាតិលេខ៤ ស្រុកព្រៃនប់ ខេត្តព្រះសីហនុ រីឯជនសង្ស័យ ០១នាក់ ទៀត ជាជនជាតិខ្មែរ បានផ្តួលម៉ូតូចោល រួចរត់គេចខ្លួនចូលទៅក្នុងព្រៃបាត់ កម្លាំងសមត្ថកិច្ចយើងកំពុងស្វែងរកចាប់ខ្លួន ។
ក្នុងកិច្ចប្រតិបត្តិការណ៍នេះ កម្លាំងសមត្ថកិច្ចជំនាញ បានបន្តការស្រាវជ្រាវរហូតដល់វេលាម៉ោង០៣និង២០នាទីទៀបភ្លឺឈានចូលថ្ងៃទី១១ ខែមករា ឆ្នាំ២០២២ ធ្វើការចាប់ឃាត់ខ្លួនបក្ខពួករបស់ជនសង្ស័យបាន ០១នាក់ទៀត ជាជនជាតិខ្មែរ ភេទប្រុស ។
ជនសង្ស័យទាំង០៥នាក់ រួមមាន ៖
១-ឈ្មោះ ហុក ចិត្រា ភេទប្រុស មុខរបរ មិនពិតប្រាកដ មានទីលំនៅ រាជធានីភ្នំពេញ (មិនពិតប្រាកដ) ។
២-ឈ្មោះ ព្រំ ឈៀងសៀវថង ភេទប្រុស មុខរបរ មិនពិតប្រាកដ មានទីលំនៅ ភូមិសឹង ឃុំរការខ្នង ស្រុកដូនកែវ ខេត្តតាកែវ ។
៣-ឈ្មោះ ហន ប៊ុនថុង ភេទប្រុស មុខរបរ មិនពិតប្រាកដ មានទីលំនៅ ភូមិល្អាង ឃុំល្អាង ស្រុកដងទង់ ខេត្តកំពត ។
៤-ឈ្មោះ យ៉ាង វាសនា ភេទប្រុស មុខរបរ មិនពិតប្រាកដ មានទីលំនៅ ឃុំព្រែកប្រើស ស្រុកកំពង់ត្រាច ខេត្តកំពត ។
៥-ឈ្មោះ អំ ពេជ ហៅ ពេជ្រ ភេទប្រុស មុខរបរ មិនពិតប្រាកដ មានទីលំនៅ ភូមិស្វាយទងខាងត្បូង ស្រុកកំពង់ត្រាច ខេត្តកំពត ។
វត្ថុតាង ដកហូតបាន រួមមាន ៖
-កាំប៉ិតបុ័ងតោ ០១ដើម (ឧបករណ៍ធ្វើសកម្មភាព)
-កាបូបស្ពាយចំហៀង ០១ ពណ៌ប្រផេះ មានគ្រឿងសម្អាងមួយចំនួន (ផលនៃអំពើប្លន់)
-កាបូបលុយតូចវែង ០១ ពណ៌ខ្មៅ មានកាត់ផ្សេងៗមួយចំនួន (ផលនៃអំពើប្លន់)
-ទូរសព្ទដៃ ០១គ្រឿង ម៉ាក iPhone11 pro ពណ៌ខ្មៅ (ផលនៃអំពើប្លន់)
-ម៉ូតូចំនួន ០៥គ្រឿង រួមមាន ៖
១-ម៉ាកហុងដាសេ១២៥ ស៊េរីឆ្នាំ២០១៩ ឡើងតែមឆ្នាំ២០២២ ពណ៌ខ្មៅ ស្លាកលេខ កំពត 1R-7442 (មធ្យោបាយជិះធ្វើសកម្មភាព និងជាផលនៃអំពើប្លន់នៅខេត្តកំពត)
២-ម៉ាកហុងដាសេ១២៥ ស៊េរីឆ្នាំ២០២២ ពណ៌ខ្មៅ គ្មានស្លាកលេខ (ផលនៃអំពើប្លន់)
៣-ម៉ាក Honda Scoppy-I ស៊េរីឆ្នាំ២០២០ ពណ៌ស ពាក់ស្លាកលេខៈ ព្រៃវែង 1R-6102 (ផលនៃអំពើប្លន់)
៤-ម៉ាក Honda Scoppy ស៊េរីឆ្នាំ២០២១ ពណ៌ស ពាក់ស្លាកលេខៈ កំពត 1S-8446 (មធ្យោបាយជិះធ្វើសកម្មភាព)
៥-ម៉ាកហុងដាសេ១២៥ ស៊េរីឆ្នាំ២០២០ ឡើងតែមឆ្នាំ២០២២ ពណ៌ខ្មៅ ស្លាកលេខៈ កំពត 1Q-7988 (មធ្យោបាយជិះធ្វើសកម្មភាព) ។
បន្ទាប់ពីធ្វើការសាកសួរ ជនសង្ស័យបានសារភាពថា ក្រុមបក្ខពួករបស់គេ ដែលចេញធ្វើសកម្មភាពធាក់ម៉ូតូផ្តួល រួចប្រើដាវ កាំប៉ិតបុ័ងតោ ដំបងដែកកាប់ និងវាយប្លន់យកម៉ូតូ ព្រមទាំងសម្ភារមានតម្លៃ សរុបមានគ្នា ចំនួន ០៩នាក់ ដោយបច្ចុប្បន្ន ត្រូវសមត្ថកិច្ចចាប់ឃាត់ខ្លួនបានចំនួន ០៥នាក់ ។
បើតាមប្រវត្តិធ្វើសកម្មភាព ដែលបានប្រព្រឹត្តកន្លងមក ៖
១-នៅក្នុងទឹកដីនៃខេត្តព្រះសីហនុ ពួកគេធ្វើសកម្មភាពធាក់ម៉ូតូផ្តួល រួចប្រើដាវ កាំប៉ិតបុ័ងតោ ដំបងដែកកាប់ និងវាយប្លន់យកម៉ូតូ ព្រមទាំងសម្ភារៈមានតម្លៃបានចំនួន ០៨ករណី ។
២-នៅខេត្តកំពត ពួកគេធ្វើសកម្មភាពធាក់ម៉ូតូផ្តួល រួចប្រើដាវ កាំប៉ិតបុ័ងតោ ដំបងដែកកាប់ និងវាយប្លន់យកម៉ូតូ ព្រមទាំងសម្ភារមានតម្លៃ បានចំនួន ០៥ករណី ។
៣-នៅរាជធានីភ្នំពេញ ពួកគេធ្វើសកម្មភាពធាក់ម៉ូតូផ្តួល រួចប្រើដាវ ,កាំប៉ិតបុ័ងតោ ,ដំបងដែក កាប់ និងវាយប្លន់យកម៉ូតូព្រមទាំងសម្ភារមានតម្លៃ បានចំនួន ០៦ករណី ។
៤-នៅខេត្តតាកែវ មានដីកាបង្គាប់អោយចាប់ខ្លួនរបស់សាលាដំបូងខេត្តតាកែវ ផងដែរ ។
ចំពោះជនសង្ស័យ ទាំង៥នាក់ខាងលើ កម្លាំងការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តព្រះសីហនុ កំពុងកសាងសំណុំរឿងបញ្ជូនទៅសាលាដំបូងខេត្តព្រះសីហនុ ដើម្បីផ្តន្ទាទោសតាមផ្លូវច្បាប់ ។ ចំពោះបក្ខពួករបស់ជនសង្ស័យដែលរត់គេចខ្លួន កម្លាំងសមត្ថកិច្ចជំនាញ កំពុងបន្តស្រាវជ្រាវស្វែងរកចាប់ខ្លួន មកផ្ដន្ទាទោសតាមច្បាប់ផងដែរ ៕
ចែករំលែកព័តមាននេះ