ពិតជាមិនធម្មតាទេ! ប្អូនស្រីមួយរូបខ្លាំងមែនបាននិទ្ទេស A គ្រប់មុខវិជ្ជា
- ភ្នំពេញ
រាជធានីភ្នំពេញ ៖ ពិតជាមិនសរសើរមិនបាននោះទេ ប្អូនស្រីមួយរូបមកពីវិទ្យាល័យ ហ៊ុន សែន ស្អាង ខេត្តកណ្តាល បានប្រឡងជាប់និទ្ទេស A…
រាជធានីភ្នំពេញ ៖ ពិតជាមិនសរសើរមិនបាននោះទេ ប្អូនស្រីមួយរូបមកពីវិទ្យាល័យ ហ៊ុន សែន ស្អាង ខេត្តកណ្តាល បានប្រឡងជាប់និទ្ទេស A…
រាជធានីភ្នំពេញ ៖ ពិតជាមិនសរសើរមិនបាននោះទេ ប្អូនស្រីមួយរូបមកពីវិទ្យាល័យ ហ៊ុន សែន ស្អាង ខេត្តកណ្តាល បានប្រឡងជាប់និទ្ទេស A គ្រប់មុខវិជ្ជា ។ និយាយរួម គឺ ប្អូនស្រី ជាប់ A គ្រប់វិញ្ញាសារ ៧ មុខផ្សេងៗគ្នាតែម្តង ។
ប្អូនស្រីដែលទទួលបាននិទ្ទេស A ទាំង ៧ វិញ្ញាសារនៃការប្រឡងសញ្ញាបត្រទុតិយភូមិ (បាក់ឌុប) មានឈ្មោះថា យិន សុខលាភ ភេទស្រី មានថ្ងៃកំណើត ៧ កក្កដា ឆ្នាំ២០០៣ មកពីមណ្ឌលវិទ្យាល័យ ហ៊ុន សែន ស្អាង នៃខេត្តកណ្តាល ប្រឡងថ្នាក់វិទ្យាសាស្ត្រ ។
សូមបញ្ជាក់ថា ក្រសួងអប់រំ យុវជន និងកីឡា បានប្រកាសលទ្ធផលប្រឡងបាក់ឌុបឆ្នាំ២០២១ ក្នុងនោះជាប់បាក់ឌុបជាប់និន្ទេសA១៧៥៤នាក់ B៥២១៥នាក់ និងC១១៦៣៤នាក់ ។
យោងតាមសេចក្ដីប្រកាសព័ត៌មានរបស់ក្រសួងអប់រំ នៅថ្ងៃទី១៤ មករា ស្តីពី លទ្ធផលនៃការប្រឡងសញ្ញាបត្រមធ្យមសិក្សាទុតិយភូមិសម័យប្រឡង ៖ ២៧ ធ្នូ ២០២១ បានឲ្យដឹងថា ការប្រឡងសញ្ញាបត្រមធ្យមសិក្សាទុតិយភូមិ ដែលបានប្រព្រឹត្តទៅកាលពីថ្ងៃទី២៧-២៨ ខែធ្នូ ឆ្នាំ២០២១ មានមណ្ឌលប្រឡងនៅគ្រប់រាជធានីខេត្តសរុប២០៤មណ្ឌល, បន្ទប់ប្រឡង ៤ ៦១៥ បន្ទប់, និងបេក្ខជនចុះឈ្មោះក្នុងបញ្ជីសរុប ១១៤ ១៨៧នាក់ ដែលក្នុងនោះ ១០៤២៩៩ នាក់ ជាបេក្ខជនចំណេះទូទៅ៤ ៤១៧ នាក់ ជាបេក្ខជនស្វៃរិន, ៣៤៣៦នាក់ ជាបេក្ខជនបំពេញវិជ្ជា និង២០៣៥នាក់ ជាបេក្ខជនស្វៃរិនបំពេញវិជ្ជា ។
ដំណើរការនៃការប្រឡង រួមបញ្ចូលទាំងដំណើរការសំណេរ កំណែ ស្រង់បូកពិន្ទុដោយកុំព្យូទ័រ, និងផ្ទៀងផ្ទាត់ ពិន្ទុបានប្រព្រឹត្តទៅប្រកបដោយជោគជ័យ និងពុំមានឧបទ្ទវហេតុអ្វីគួរឱ្យកត់សម្គាល់ឡើយ ។
ការប្រកាសលទ្ធផលនឹងប្រព្រឹត្តទៅនារសៀល ថ្ងៃទី១៤ ខែមករា ឆ្នាំ២០២២ សម្រាប់រាជធានីភ្នំពេញ និងខេត្តកណ្តាល នៅព្រឹកថ្ងៃទី១៥ ខែមករា ឆ្នាំ២០២២ សម្រាប់ខេត្តដទៃទៀត ។ បេក្ខជនប្រឡងជាប់មានចំនួន ៧២០១៦ នាក់ ត្រូវជា ៦៥.៦៥%(បើប្រៀបធៀបនឹងឆ្នាំ២០១៩ ចំនួន ៦៨.៦២%) ក្នុងនោះបេក្ខជនដែលទទួលបាននិទ្ទេស A មានចំនួន ១៧៥៣ នាក់ (ឆ្នាំ២០១៩ ចំនួន ៤៤៣ នាក់), និទ្ទេស B មានចំនួន ៥ ២១៥ នាក់ (ឆ្នាំ២០១៩ ចំនួន ២ ៤៣០ នាក់), និទ្ទេស C មានចំនួន ១១ ៦៣៤ នាក់ (ឆ្នាំ២០១៩ ចំនួន ៥៨៤៧ នាក់), និទ្ទេស D មានចំនួន ២៣ ៤៩៩ នាក់ (ឆ្នាំ២០១៩ ចំនួន ១៤ ១០០ នាក់), និងនិទ្ទេស E មានចំនួន ២៩ ៩១៥ នាក់ (ឆ្នាំ២០១៩ ចំនួន៥៦២៣២នាក់)។
ចែករំលែកព័តមាននេះ