ខេត្តក្រចេះ ៖ មានករណីក្មេងប្រុសអាយុ៣ឆ្នាំ ដែលទាំង២នាក់គឺជាបងប្អូនភ្លោះបានស្លា.ប់.ក្នុងហេតុការណ៍លង់ទឹកទន្លេក្រោយផ្ទះ កាលពីល្ងាចថ្ងៃទី១១ មករា២០២២ នៅចំណុចទន្លេមេគង្គភូមិកាកុត ឃុំសំបុក ស្រុកចិត្របុរី ខេត្តក្រចេះ។
ស.ព.កុមារា ទី១-ឈ្មោះ ម៉ី សោទី អាយុ០៣ឆ្នាំ ជនជាតិខ្មែរ និងទី២-ឈ្មោះ ម៉ី សោទ្រី អាយុ០៣ឆ្នាំ ជាជនជាតិខ្មែរ កុមារាទាំងពីររស់នៅក្នុងភូមិឃុំកេីតហេតុខាងលេី។
តាមប្រភពពីសម្ថកិច្ចឲ្យដឹង នៅថ្ងៃកើតហេតុខាងលើ ឈ្មោះ សាយ ម៉ី ត្រូវជាឪពុក បានចេញពីផ្ទះទៅលក់បន្លែតាមភូមិនិគមន៍ជន ដោយទុកអោយប្រពន្ធឈ្មោះ វង សុខណា លក់ឥវ៉ាន់នៅផ្ទះ ដែលមានកូនប្រុសចំនួនពីរនាក់ឈ្មោះ ម៉ី សោទី និង ឈ្មោះ ម៉ី សោទ្រី នៅផ្ទះជាមួយ។ ខណៈពេលឈ្មោះ វង សុខណា កំពុងតែរវល់តែលក់ ឥវ៉ាន់(បន្លែ) ពុំបានចាប់អារម្មណ៍មើលកូន ស្រាប់តែកុមារទាំងពីរនាក់បងប្អូន នាំគ្នាចុះទៅលេងទឹកទន្លេនៅក្រោយផ្ទះចម្ងាយប្រហែល៥០ម៉ែត្រលង់ស្លា.ប់ទាំងពីរនាក់តែម្ដង។
ក្រោយពីទទួលបានព័ត៌មាន កម្លាំងជំនាញនិងកម្លាំងប៉ុស្តិ៍នគរបាលរដ្ឋបាល សំបុក នៃអធិការដ្ឋាននគរបាលស្រុកចិត្របុរី ចុះដល់កន្លែងកើតហេតុ ពិនិត្យឃើញថា: សពកុមារា(ម៉ី សោទី,ម៉ី សោទ្រី) ពុំមានពាក់ ព័ន្ធនឹងបទល្មើសព្រហ្មទណ្ឌឡើយ ហើយ ក៏បានធ្វើកំណត់ហេតុប្រគល់អោយក្រុមគ្រួសារយកទៅធ្វើបុណ្យតាមប្រពីណៃ។
ចែករំលែកព័តមាននេះ