កា​ម៉េ​រូ​ន ៖ ការ​ប្រកួត​ពានរង្វាន់​ជើងឯក​ទ្វីបអាហ្វ្រិក Africa Cup of Nations 2021 ដែល​រៀបចំ​ឡើង​នៅ​ប្រទេស​កា​ម៉េ​រូ​ន បាន​ដំណើរការ​ប្រកួត​របស់​ខ្លួន​ជា​ផ្លូវការ​ហើយ កាលពី​ថ្ងៃ​ទី​៩ ខែមករា ឆ្នាំ​២០២២​។

លទ្ធផល​ការ​ប្រកួត​ថ្ងៃ​បើក​ឆាក​៖
-​កា​ម៉េ​រូ​ន ២-១ បួ​គី​ណា​ហ្វា​សូ
-​អេ​ត្យូ​ពី ០-១ Cape Verde

បួ​គី​ណា​ហ្វា​សូ បាន​បើក​ការ​នាំ​មុខមុន​រកបាន​ដោយ​ខ្សែបម្រើ Gustavo Sangaré នៅ​នាទី​២៤​។ មុន​ពេល​កា​ម៉េ​រូ​ន​វាយបក​យកឈ្នះ​វិញ សម្រេច​បាន​ដោយ​ខ្សែប្រយុទ្ធ Vincent Aboubakar នៅ​នាទី​៤០ និង​៤៥+៣​។ ចំណែក​១​គូ​ទៀត ខ្សែប្រយុទ្ធ Júlio Tavares គឺជា​អ្នករក​គ្រាប់​ជ័យជម្នះ​សម្រាប់ Cape Verde ដែល​សម្រេច​បាន​នៅ​នាទី ៤៥+១​។ ជាមួយ​លទ្ធផល​នេះ ម្ចាស់ផ្ទះ​កា​ម៉េ​រូ​ន​ឈរ​នៅ​កំពូល​តារាង​ពូ​ល A មាន​៣​ពិន្ទុ​ស្មើគ្នា​ជាមួយ Cape Verde​។

សូម​ជម្រាប​ជូន​ថា ការ​ប្រកួត​ពានរង្វាន់ Africa Cup of Nations 2021 ចាប់ផ្តើម​ដំណើរការ​ប្រកួត​នៅ​ថ្ងៃ​ទី​៩ ខែមករា រហូត​ដល់​ថ្ងៃ​ទី​៦ ខែ​កុ​ម្ភះ ឆ្នាំ ២០២២ ដោយ​មាន​២៤​ក្រុម ដែល​ត្រូវ​ចែក​ចេញ​ជា​៦​ពូ​ល​ធ្វើការ​ប្រកួតប្រជែង​គ្នា​៕