រដ្ឋបាលក្រុងប៉ៃលិន បានពិនិត្យឃើញថា បងប្អូនអាជីវករដែលលក់ដូរនៅលើទ្រូងផ្លូវ នៅលើចំណីផ្លូវទាំងអស់ បានធ្វើឱ្យខូចសណ្តាប់ធ្នាប់សាធារណៈ និងអាចបង្កគ្រោះថ្នាក់ដល់
ខេត្តប៉ៃលិន ៖ នៅក្នុងលិខិតរបស់រដ្ឋបាលក្រុងប៉ៃលិន បានចេញសេចក្តីជូនដំណឹង លេខ០០២/២២ សជណ កាលពីថ្ងៃទី០៦ ខែមករា ឆ្នាំ២០២២ ស្តីពីការរុះរើតូបអាជីវករលក់ដូរនៅលើទ្រូងផ្លូវ និងចំណីផ្លូវនៅមុខផ្សារក្រោម (ផ្សារជាងអូន)។
ប្រភពព័ត៌មាននៅក្នុងលិខិតរបស់រដ្ឋបាលក្រុងប៉ៃលិន បានឱ្យដឹងថា ៖ រដ្ឋបាលក្រុងប៉ៃលិន បានពិនិត្យឃើញថា បងប្អូនអាជីវករដែលលក់ដូរនៅលើទ្រូងផ្លូវ នៅលើចំណីផ្លូវទាំងអស់ បានធ្វើឱ្យខូចសណ្តាប់ធ្នាប់សាធារណៈ និងអាចបង្កគ្រោះថ្នាក់ដល់អ្នកដែលធ្វើដំណើរនៅលើដងផ្លូវនោះផងដែរ។
ក្នុងលិខិតខាងលើបន្តថា ដូចនេះ បងប្អូនអាជីវករទាំងអស់ កំពុងតែលក់ដូរលើទ្រូងផ្លូវ ត្រូវរុះរើតូបទាំងអស់ក្នុងរយៈពេល៣ថ្ងៃ គឺចាប់ពីថ្ងៃទី០៧ ខែមករា ដល់ថ្ងៃទី០៩ ខែមករា ឆ្នាំ២០២២នេះជាកំហិត។
ដូច្នេះទទួលបាននូវសេចក្តីជូនដំណឹងរដ្ឋបាលក្រុងប៉ៃលិន សង្ឃឹម និងជឿជាក់ថា បងប្អូនអាជីវករទាំងអស់នឹងអនុវត្តតាមខ្លឹមសារ នៃសេចក្តីជូនដំណឹងនេះប្រកបដោយស្មារតីទទួលខុសត្រូវខ្ពស់បំផុត។
គួរបញ្ជាក់ថា នៅក្នុងលិខិតខាងលើនេះ ក៏បានបញ្ជាក់ទៀតថា បើមិនអនុវត្តតាមសេចក្តីជូនដំណឹងនេះទេ រដ្ឋបាលក្រុងប៉ៃលិននឹងចាត់វិធានការរដ្ឋបាលជាធរមាន៕
ចែករំលែកព័តមាននេះ