អ្នកដើរលេងជាង ២ លាននាក់ពេលឆ្លងឆ្នាំបង្ហាញអារម្មណ៍ធូរស្រាលពីកូវីដ-១៩
- ភ្នំពេញ
រាជធានីភ្នំពេញ ៖ រយៈពេល ៣ ថ្ងៃ ក្នុងឱកាសឈប់សម្រាកចូលឆ្នាំសកល និងចុងសប្តាហ៍ កន្លងមកនេះមានភ្ញៀវទេសចរផ្ទៃក្នុងជាង ២ លាននាក់…
រាជធានីភ្នំពេញ ៖ រយៈពេល ៣ ថ្ងៃ ក្នុងឱកាសឈប់សម្រាកចូលឆ្នាំសកល និងចុងសប្តាហ៍ កន្លងមកនេះមានភ្ញៀវទេសចរផ្ទៃក្នុងជាង ២ លាននាក់…
រាជធានីភ្នំពេញ ៖ រយៈពេល ៣ ថ្ងៃ ក្នុងឱកាសឈប់សម្រាកចូលឆ្នាំសកល និងចុងសប្តាហ៍ កន្លងមកនេះមានភ្ញៀវទេសចរផ្ទៃក្នុងជាង ២ លាននាក់ បានដើរកម្សាន្តតាមរមណីយដ្ឋាននានា នៅទូទាំងប្រទេស ក្នុងនោះមានភ្ញៀវជាតិ ១ ៩៩០ ៤២៩ នាក់ និងភ្ញៀវបរទេសដែលកំពុងស្ថិតនៅក្នុងប្រទេសមានចំនួន ១១ ៨៦៩ នាក់ ។
លោករដ្ឋមន្ត្រីក្រសួងទេសចរណ៍ បានបញ្ជាក់ថា ចំនួនភ្ញៀវទេសចររយៈពេល ៣ ថ្ងៃនេះ មានចំនួនច្រើនលើសពីការរំពឹងទុក ដោយមានការកើនឡើងប្រមាណ ៧៤.២៤% ធៀបនឹងឆ្នាំ ២០២១ ។ ទន្ទឹមនឹងនេះ ក្រៅពីគោលដៅទេសចរណ៍ និងរមណីយដ្ឋានសំខាន់ៗ ក៏មានប្រជាពលរដ្ឋជាច្រើនផ្សេងទៀត ដើរកម្សាន្តមិនឆ្ងាយពីគេហដ្ឋានជាលក្ខណៈក្រុមគ្រួសារ និងមិត្តភ័ក្ត ដើម្បីជួបជុំញាំអាហារ នៅតាមអាហារដ្ឋាន ភោជនីយដ្ឋាន និងកន្លែងដែលមានការរៀបចំកែច្នៃជាក្ចុស និងកន្លែងអង្គុយជាដើម ។
គោលដៅទេសចរណ៍សំខាន់ៗ ដែលអ្នកទេសចរបានដើរកម្សាន្តក្នុងរយៈពេល៣ថ្ងៃនេះរួមមាន នៅរាជធានីភ្នំពេញ ៦០៨ ៨៥៥ នាក់ ខេត្តសៀមរាប ២៨៧ ៨៣៧ នាក់ ខេត្តព្រះសីហនុ ១៥៦ ៧៥៣ នាក់ ខេត្តកំពត ១៥០ ៦០១ នាក់ ខេត្តបាត់ដំបង ១២២ ០៣៧នាក់ ខេត្តកែប ១១៤ ២២២ នាក់ និងខេត្តកំពង់ស្ពឺ ១០២ ៣៨១ នាក់ ។
លោករដ្ឋមន្ត្រីលើកឡើងទៀតថា «ចំពោះភ្ញៀវទេសចរ យើងសង្កេតឃើញជារួមថា ពួកគាត់មានភាពរីករាយ និងហាក់មានអារម្មណ៍កាន់តែធូរស្រាលក្នុងចិត្ត ក្នុងការដើរកម្សាន្តបានពេលលេញ ពិសេសក្រោយពេលដែលបានចាក់វ៉ាក់សាំង បានពេញលេញ និងស្ថានភាពទូទៅកំពុងត្រឡប់ ទៅរកប្រក្រតីភាពថ្មីជាបណ្តើរៗ» ។
ចរន្តភ្ញៀវនាឱកាសឆ្លងឆ្នាំសាកលនេះ មន្ត្រីអះអាងថា គឺសញ្ញាវិជ្ជមានមួយនៃការចាប់ផ្តើមឡើងវិញ ពេញលេញនៃវិស័យទេសចរណ៍ ពិសេសទេសចរណ៍ផ្ទៃក្នុង ដើម្បីឈានទៅទទួលភ្ញៀវទេសចរអន្តរជាតិឡើងវិញ ស្របពេលដែលចំណូលពីលំហូរភ្ញៀវទេសចរនេះបានចាក់បញ្ចូលក្នុងចរន្តសេដ្ឋកិច្ចជាតិ និងសេដ្ឋកិច្ចមូលដ្ឋាន ដោយឈរលើមូលដ្ឋាននៃការបន្តប្រុងប្រ័យត្ន និងសម្របខ្លួនកាន់តែពេញលេញ ក្នុងគន្លងប្រក្រតីភាពថ្មីនៃបរិបទជំងឺកូវីដ-១៩ ៕ សុខ សារ៉ាយ
ចែករំលែកព័តមាននេះ