ខេត្តតាកែវ ៖ ពាក់ព័ន្ធទៅនឹងករណីផ្លូវក្រាលកៅស៊ូមួយខ្សែប្រវែងជាង១៥គីឡូម៉ែត្រ ភ្ជាប់ពីចំណុចផ្សាសៃវ៉ាទៅដល់ផ្សារជ្រែម៉ៅការស្ថាបនាដោយក្រុមហ៊ុន«អមតៈ»ដែលត្រូវរងការខូចខាតវិញ ក្រោយសម្ពោធមិនបានប៉ុន្មានថ្ងៃផងនោះ ឥឡូវនេះ លោក អ៊ូច ភា អភិបាលខេត្តតាកែវ បានស្នើដល់អ្នកសារព័ត៌មាន សូមជួយឃ្លាំមើលរថយន្ត ដែលដឹកលើសទម្ងន់ ឆ្លងកាត់ផ្លូវនេះ
ផង។
លោក អ៊ូច ភា បាន លើកឡើងថា ផ្លូវនេះ ជាផ្លូវជនបទកំរិត៤ មិនមែនផ្លូវជាតិថ្នាក់កម្រិត១នោះទេ ដូច្នេះ គុណភាពខុសគ្នាតម្លៃ ក៏ខុសគ្នាដែរ ។ ត្រង់ចំណុចនេះ ប្រជាពលរដ្ឋ បានសម្តែងនូវការហួសចិត្តជាខ្លាំង ចំពោះការលើកឡើងរបស់លោកអភិបាល ខេត្តតាកែវដោយថា អញ្ចឹងការធ្វើផ្លូវរបស់រដ្ឋបាលខេត្តកន្លងមក គឺមិនបានគិតពីគុណភាពប្រើប្រាស់នោះទេ ដែលប្រហែល គ្រាន់តែធ្វើឲ្យតែបានៗដូចជាករណីផ្លូវមួយខ្សែនេះ គ្រាន់តែធ្វើ ហើយភ្លាមក៏ខូចខាតទៅវិញដែរ ដោយមិនការទទួលខុសត្រូវ ពី ក្រុមហ៊ុនស្ថាបនាសោះ ។ តើក្រុមហ៊ុន«អមតៈ» រត់ទៅណាបាត់ហើយ? ឱ! លោកខេត្តអើយ … ហេ! …ហេ!
បើតាមការលើកឡើងរបស់ប្រជាពលរដ្ឋផ្លូវកៅស៊ូប្រវែងជាង១៥គីឡូម៉ែត្រ ពីចំណុចផ្សាសៃវ៉ាទៅដល់ផ្សារជ្រៃឆ្លងកាត់ឃុំចំនួន៣ គឺឃុំព្រៃផ្តៅ ឃុំកំពែង និងឃុំអង្កាញ់ បានផ្ដើមធ្វើការស្ថាបនាកាលពីឆ្នាំ២០១៩ ក្រោយសម្ពោធដាក់ឲ្យប្រើប្រាស់ ដោយ លោកអភិបាលខេត្ត មិនបានប៉ុន្មានផង ផ្លូវមួយខ្សែនេះ ក៏ខូច ទៅវិញជាបណ្តើរៗហើយជារណ្តៅជាថ្លុកក្របី ហើយមកទល់ពេលនេះ កន្លែងខ្លះខូច សឹងតែលើសកាលមុនមិនទាន់ធ្វើផ្លូវថែមទៀត ។
មានប្រជាពលរដ្ឋខ្លះបានលើកឡើងថា ការ ដែលក្រុមហ៊ុន «អមតៈ! ស្ថាបនាផ្លូវមួយនេះមិនបានល្អ ក៏ប្រហែលជាអាចមានករណីចាក់ក្រាស់ស៊ីស្តើងហើយ ព្រោះជាធម្មតា ក្រុមហ៊ុនធ្វើ ផ្លូវគេមានការធានាក្នុងរយៈពេលណាមួយ តែក្រុមហ៊ុននេះ គ្រាន់តែធ្វើ ហើយភ្លាម ក៏ដកគ្រឿងចក្រទៅអស់ ហើយផ្លូវ ក៏ចាប់ផ្តើមខូចដែរ៕
ចែករំលែកព័តមាននេះ