រាជធានីភ្នំពេញ ៖ នារីក្រមុំអាយុ១៨ឆ្នាំម្នាក់បានដាក់ពាក្យបណ្ដឹងចោទប្រកាន់ថា យុវជនម្នាក់បានយកកូនកាំបិតគំរាមសម្លា.ប់ និងចាប់រំលោ.ភនាងរហូតបានសម្រេច២ដងជាបន្តបន្ទាប់គ្នា
រាជធានីភ្នំពេញ ៖ នារីក្រមុំអាយុ១៨ឆ្នាំម្នាក់បានដាក់ពាក្យបណ្ដឹងចោទប្រកាន់ថា យុវជនម្នាក់បានយកកូនកាំបិតគំរាមសម្លាប់ និងចាប់រំលោភនាងរហូតបានសម្រេច២ដងជាបន្តបន្ទាប់គ្នាកាលពីយប់រំលងអធ្រាត្រឈានចូលថ្ងៃទី៩ ខែមិថុនា ឆ្នាំ២០១៦ នៅចំណុចផ្លូវលំ ភូមិទួលគោក សង្កាត់ទួលសង្កែ ខណ្ឌឫស្សីកែវ ប៉ុន្តែជនសង្ស័យថាពួកគេស្រលាញ់គ្នា និងព្រមព្រៀងដេកជាមួយគ្នាដោយគ្មានការបង្ខិតបង្ខំឡើយ ។
សមត្ថកិច្ចឲ្យដឹងថា យុវជនឈ្មោះ សារ៉ុន តារ៉ា អាយុ២៣ឆ្នាំ មុខរបរជួយលក់គ្រឿងក្លែងនៅមុខរោងចក្រ ស្នាក់នៅក្នុងផ្ទះកើតហេតុខាងលើមានស្រុកកំណើតនៅភូមិសំរោង ឃុំតាឃ្លាំង ស្រុកល្វាឯម ខេត្តកណ្តាល ត្រូវចាប់ខ្លួនកាលពីវេលាម៉ោង១០ និង៣០នាទីព្រឹក ថ្ងៃទី០៩ ខែមិថុនា ឆ្នាំ២០១៦ ។ ចំណែកនារីរងគ្រោះឈ្មោះ ឡ.គ.ឡ អាយុ១៨ឆ្នាំ ស្នាក់នៅជាមួយគ្នា មានស្រុកកំណើតនៅឃុំឈើទាល ស្រុកបាណន់ ខេត្តបាត់ដំបង ។
តាមនារីរងគ្រោះបានអោយដឹងថា នាងទើបតែទៅធ្វើការជួយលក់គ្រឿងក្លែមនេះបានប្រមាណ១ខែប៉ុណ្ណោះ ស្រាប់តែនៅវេលាម៉ោងប្រមាណ១១យប់ថ្ងៃទី៨ ខែមិថុនា ពេលនាងចប់ការងារលក់គ្រឿងក្លែមក៏បានធ្វើដំណើរទៅដេកផ្ទះថៅកែដូចសពមួយដង ក្រោយមកស្រាប់តែឈ្មោះ សារ៉ុន តារ៉ា ដែលជាក្មួយថៅកែបានចូលទៅកន្លែងរបស់នាងដេក និងបានគំរាមកុំឲ្យស្រែក បើស្រែកនឹងសម្លាប់ចោល ហើយបានធ្វើសកម្មភាពចាប់រំលោភសេពសន្ថវៈរហូតបានសម្រេចម្តង លុះដល់ម៉ោងប្រមាណ១យប់ជននោះក៏បានចាប់បង្ខំនាងរំលោភរហូតបានសម្រេចម្តងទៀត ។ នាងបញ្ជាក់ថា នៅយប់នោះនាងមិនអាចស្រែកបានទេ ព្រោះផ្ទះនោះត្រូវបានគេចាក់សោរបិទជិត មានតែដេកយំរង់ចាំភ្លឺប៉ុណ្ណោះ ។ លុះនៅព្រឹកឡើងនាងក៏រត់ចេញទៅប្រាប់បងជីដូនមួយ ហើយនាំគ្នាទៅប្តឹងនគរបាលប៉ុស្តិ៍ទួលសង្កែតែម្តង ។
នៅចំពោះមុខសមត្ថកិច្ច យុវជនសង្ស័យបានឲ្យដឹងថា ខ្លួនមិនបានចាប់រំលោភនោះទេ គឺពួកគេបានស្រលាញ់ និងព្រមព្រៀងដេកជាមួយគ្នាដោយគ្មានការបង្ខិតបង្ខំឡើយ ។ទោះជាយ៉ាងណាក៏ដោយ ក្រុមគ្រួសារនារីរងគ្រោះបានដាក់ពាក្យបណ្តឹងឲ្យសមត្ថកិច្ចជួយរកយុត្តិធម៌ និងទាមទារសំណងព្រហ្មចារីយ៍ចំនួន១ម៉ឺនដុល្លារ ៕
ចែករំលែកព័តមាននេះ