ADផ្ទាំងផ្សព្វផ្សាយពាណិជ្ជកម្ម

Picture

បើ​អ្នកមាន​ប្រាក់​ប្រព្រឹត្ត​អីចឹង បញ្ជាក់​ថា អាជ្ញាធរ​ខេត្តព្រៃវែង​អន់​ណាស់​(​វី​ដេ​អូ​)

2 ឆ្នាំ មុន
  • កណ្តាល

ដី​សាធារណៈ​របស់​រដ្ឋ​មួយ​កន្លែង​នៅ​ជាប់​បណ្តោយ​ផ្លូវជាតិ​លេខ​១ ត្រង់​ចំណុច​គល់​ស្ពាន​ស្ទឹង​ស្លូត ស្ថិត​ក្នុងភូមិ​ព្រៃខ្លា ឃុំ​កំពង់​សឹង ស្រុក​ព្រះស្តេច ខេត្តព្រៃវែង ត្រូវ​បាន​បុគ្គល​អ្នកមាន​លុយ មាន​អំណាច​ចាក់​ដី​

ខេត្តព្រៃវែង ៖ ដី​សាធារណៈ​របស់​រដ្ឋ​មួយ​កន្លែង​នៅ​ជាប់​បណ្តោយ​ផ្លូវជាតិ​លេខ​១ ត្រង់​ចំណុច​គល់​ស្ពាន​ស្ទឹង​ស្លូត ស្ថិត​ក្នុងភូមិ​ព្រៃខ្លា ឃុំ​កំពង់​សឹង ស្រុក​ព្រះស្តេច ខេត្តព្រៃវែង ត្រូវ​បាន​បុគ្គល​អ្នកមាន​លុយ មាន​អំណាច​ចាក់​ដី​រំ​លោ​.​ភ​បំពាន​យក​ធ្វើ​ជា​កម្មសិទ្ធិ​ផ្ទាល់ខ្លួន​។

អ្វី​ដែល​គួរ​អោយ​កត់សម្គាល់​នោះ គឺ​បុគ្គល​ម្នាក់​នោះ ថ្លើម​ធំ​ហ៊ាន​កាត់រ​ណាំង​ដែក​ស្លាក​សញ្ញា​សម្គាល់​បញ្ជៀ​ស​គ្រោះថ្នាក់​ចរាចរណ៍​នៅ​ពេល​យប់ ត្រង់​គល់​ស្ពាន​អស់​ប្រវែង​ប្រហែល​ជាង​១០​ម៉ែត្រ ដើម្បី​បើកផ្លូវ​អោយ​ឡាន​ដឹក​អាច​ម៌​ដី​ចេញ​-​ចូល ក៏​គ្មាន​អាជ្ញាធរ​សមត្ថកិច្ច ឬ​មន្ត្រី​ជំនាញ​ស្ថាប័ន​ណាមួយ​អើពើ​ឡើយ​។

បើ​តាម​ប្រជាពលរដ្ឋ​រស់នៅ​ក្បែរ​ដី​នោះ បាន​លួច​ខ្សឹប​ប្រាប់​អ្នក​សារព័ត៌មាន​ថា ដី​ចំណី​មាត់​ស្ទឹង​ជាប់​គល់​ស្ពាន​ស្ទឹង​ស្លូត​នេះ គឺជា​ដី​សាធារណៈ​របស់​រដ្ឋ ហើយ​ក៏​មាន​សារៈសំខាន់​ខ្លាំង​ណាស់​សម្រាប់​ពលរដ្ឋ​ទូទៅ​មាន​ផ្លូវ តាម​មាត់​ស្ទឹង​ចុះ​ទៅ​រក​អុស​ដុត ឬ​នេសាទ​ត្រី​ជា​លក្ខណៈ​គ្រួសារ​ចិញ្ចឹមជីវិត ជា​ពិសេស​ផ្លូវ​កំពង់​ដែល​ពលរដ្ឋ​ចុះ​ទៅ​ស្ទឹង យក​ទឹក​មក​ប្រើប្រាស់​តាំងពី​ដូនតា​មក​ម្ល៉េះ​។ តែ​ឥឡូវ បើ​មាន​គេ​មក​ចាក់​ដី​លុប​យក​ធ្វើ​ជា​កម្មសិទ្ធិ​ផ្ទាល់ខ្លួន​អ​ញ្ចឹ​ង​ប្រាកដជា គេ​បិទ​ជិត​លែង​មាន​ផ្លូវ​ទៅ​អាស្រ័យ​ផល​ទៀត​ហើយ​។

ពលរដ្ឋ​បញ្ជាក់​បន្ថែម​ថា គាត់​មិន​ស្គាល់ឈ្មោះ​អ្នក​រំ​លោ​.​ភយ​ក​ដី​រដ្ឋ​នេះ​ទេ គ្រាន់តែ​ដឹង​ថា គេ​ជា​អ្នកមាន​លុយ មាន​អំណាច នៅ​តំបន់​អ្នក​លឿង​ត្រើយ​ខាងកើត​។ ហេតុ​ដូច្នេះ​ហើយ ពួក​គាត់​ជា​ពលរដ្ឋ​ស្លូតត្រង់​មិន​ហ៊ាន​ចេញ​មុខ​តវ៉ា បាន​ត្រឹមតែ​ជម្រាប​ប្រាប់​អាជ្ញាធរ​ភូមិ​-​ឃុំ​អោយ​ជួយ​ទប់ស្កាត់ ប៉ុន្តែ​ហាក់បីដូចជា​គ្មាន​ប្រសិទ្ធភាព​សោះ ឃើញ​តែ​ចុះ​មក​ពិនិត្យ​មើល រួច​នាំ​គ្នា​ទៅ​វិញ​អស់ ធ្វើ​អោយ​បុគ្គល​រូប​នេះ ឆ្នាំទៅ​ចាក់​ដី​លុប​តែ​បន្តិច​ទេ ស្រាប់តែ​នៅ​ឆ្នាំ​នេះ បានចិត្ត​ចាក់​ដី​លុប​ស្ទើរតែ​ទាំងស្រុង​តែ​ម្តង​។

ពលរដ្ឋ​បន្ត​ទៀត​ថា ចំណែក​ចំណាំង​ដែក​ស្លាក​សម្គាល់​សញ្ញា​គ្រោះថ្នាក់​ចរាចរណ៍​នោះ បុគ្គល​រំ​លោ​.​ភយ​ក​ដី​រដ្ឋ ទើបនឹង​ជួល​ជាង​មក​កាត់​ថ្មី​ៗ​នេះ​ទេ​។ ទោះ​យ៉ាងណា ពលរដ្ឋ​ស្នើ​សុំ​សំណូមពរ​អោយ​អាជ្ញាធរ​គ្រប់​ជាន់ថ្នាក់ មេត្តា​ចុះ​មក​ពិនិត្យ​មើល​ជាក់ស្តែង និង​ជួយ​ទប់ស្កាត់​ការ​រំ​លោ​.​ភយ​ក​ដី​សាធារណៈ​របស់​រដ្ឋ​នៅ​ចំណុច​គល់​ស្ពាន​ស្ទឹង​ស្លូត​នេះ​ផង ។

ពាក់ព័ន្ធ​នឹង​បញ្ហា​ខាងលើ​នេះ នៅ​រសៀល​ថ្ងៃ​ទី​២០ ខែធ្នូ ឆ្នាំ​២០២១ ភ្នាក់ងារ​យើង​ព្យាយាម​ទំនាក់ទំនង​សុំ​ការ​បំភ្លឺ​ពី​អាជ្ញាធរ​ភូមិ​-​ឃុំ​-​ស្រុក​ដែរ តែ​មិន​អាច​ទាក់ទង​បាន​។ ដោយឡែក​មន្ត្រី​សុរិយា​ដី និង​អាជ្ញាធរ​ខេត្តព្រៃវែង ក៏​មិន​អាច​ទំនាក់ទំនង​សុំ​ការ​បំភ្លឺ​បាន​ដែរ ដោយសារ​ទូរស័ព្ទ​ចូល​គ្មាន​អ្នក​ទទួល​៕

អត្ថបទសរសេរ ដោយ

កែសម្រួលដោយ