ខេត្តកំពង់ឆ្នាំង ៖ រោងត្រីឆ្អើរមានទំហំ ៨គុណ៤៥ម៉ែត្រ ត្រូវបានអគ្គីភ័យឆេះខ្ទេចទាំងស្រុង កាលពីវេលាម៉ោង៤ និង១៤ នាទីព្រឹក ថ្ងៃទី១៧ ខែធ្នូ ឆ្នាំ២០២១ នៅចំណុចយុគន្ធរ ស្ថិតក្នុងភូមិឆ្នុកទ្រូ ក្នុងភូមិលោកគ្រូស្រុកបរិបូណ៌ ។
សមត្ថកិច្ចនគរបាល មូលដ្ឋានបានឲ្យដឹងថា ម្ចាស់រោង និងត្រីឆ្អើរខាងលើមានឈ្មោះ ហ៊ុន ជួន អាយុ ៣៧ ឆ្នាំ មានទីលំនៅភូមិឃុំកើតហេតុខាងលើ ។ ក្នុងករណីនេះបណ្ដាលឲ្យឆេះអស់ត្រីឆ្អើរចំនួនជាង២ម៉ឺនចង្កាក់ ឆេះៗប្រមាណជាង២៥០ម៉ែត្រគូប និងសម្ភារៈមួយចំនួនដែលសរុបទឹកប្រាក់មានប្រមាណ ៣ម៉ឺនដុល្លារ ។
ចំពោះមូលហេតុដែលបណ្ដាលកើតមានអគ្គីភ័យនេះ គឺដោយសារឆាបឆេះខ្លាញ់ឆ្អើរត្រី ស្រក់ចូលភ្លើងខ្លាំងពេក ។
ក្នុងករណីនេះដែរ រថយន្តពន្លត់អគ្គីភ័យរបស់អធិការនគរបាលស្រុកបរិបូណ៌ បានចេញអន្តរាគមន៍ដែរ តែគ្មានផ្លូវចូលដល់កន្លែងកើតហេតុ ហើយក៏ប្រើប្រាស់ម៉ាស៊ីនបូមទឹក របស់ប្រជាពលរដ្ឋ៥គ្រឿង និង រំលត់កំពុងពន្លត់អគ្គីភ័យផងដែរ ទើបបាញ់ពន្លត់បានទាំងស្រុង ៕
ចែករំលែកព័តមាននេះ