ទីលានបា.ញ់គ្រាប់ពិតនៅជើងភ្នំជំរាយ ក្នុងខេត្តកំពង់ឆ្នាំង ចាប់ផ្តើមសាងសង់នាថ្ងៃនេះ
- កំពង់ឆ្នាំង
ខេត្តកំពង់ឆ្នាំង ៖ ក្នុងឱកាសអញ្ជើញជាអធិបតីភាព ក្នុងពិធីបញ្ចុះបឋមសិលាកសាងទីលានបា.ញ់គ្រាប់ពិត នៅជើងភ្នំ ជំរាយ
ខេត្តកំពង់ឆ្នាំង ៖ ក្នុងឱកាសអញ្ជើញជាអធិបតីភាព ក្នុងពិធីបញ្ចុះបឋមសិលាកសាងទីលានបា.ញ់គ្រាប់ពិត នៅជើងភ្នំជំរាយ ស្ថិតក្នុងឃុំពាម ឃុំក្រាំងល្វា ស្រុកសាមគ្គីមានជ័យ និងឃុំក្បាលទឹក ស្រុកទឹកផុស ខេត្តកំពង់ឆ្នាំង នាព្រឹកថ្ងៃទី ១៧ ខែធ្នូ ឆ្នាំ ២០២១ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ មានប្រសាសន៍ថា តាមរយៈគោលនយោបាយឈ្នះឈ្នះ របស់សម្ដេចអគ្គ មហាសេនាបតីតេជោហ៊ុន សែន ធ្វើឱ្យប្រទេសជាតិ មានសុខសន្តិភាពពេញលេញ ស្ថេរភាពនយោបាយ និងការអភិវឌ្ឍរីកចម្រើន លើគ្រប់វិស័យ ក្នុងនោះវិស័យកិច្ចសហប្រតិបត្តិការរវាងបណ្ដាប្រទេសនានា ពិសេសកិច្ចសហប្រតិបត្តិការរវាងកម្ពុជា-ចិន ធ្វើឱ្យប្រទេសទាំង២ មានចំណងសាមគ្គីភាពយូរអង្វែង។
សម្ដេចពិជ័យសេនាបាញ់បានបន្តថា ទោះស្ថិតក្នុងកាលៈទេសៈដែលកម្ពុជាកំពុងទទួលវិបត្តិកូវីត19 យ៉ាងណាក្តី ក៏កងរាជអាវុធហត្ថ នៅតែមានលទ្ធភាពកសាងសមិទ្ធផលនានា បានដោយរលូន ពិសេសកសាងទីលានបា.ញ់គ្រាប់ពិត ដែលឆ្លុះបញ្ចាំងពីស្មារតីទទួលខុសត្រូវខ្ពស់ប្រកបដោយឆន្ទៈ មោះមុតទាំងកម្លាំងកាយ កម្លាំងចិត្ត និងធនធាន ថវិកាស្របតាមកំណែទម្រង់របស់កងយុទ្ធពលខេមរៈភូមិន្ទ លើកម្មវិធីនយោបាយ និងយុទ្ធសាស្ត្រចតុកោណ របស់រាជរដ្ឋាភិបាល ។
សម្តេចពិជ័យសេនា បានបន្តទៀតថា ឆ្លៀតឱកាសនេះ ខ្ញុំសូមលើកទឹកចិត្តដោយស្មោះ ដល់ នាយ នាយរង និងពលកងរាជអាវុធហត្ថទាំងអស់ដែលបានពុះពារ ជំនះរាល់ឧបសគ្គ និងស្មារតីសាមគ្គីភាព ឯកភាពផ្ទៃក្នុង យ៉ាងរឹងមាំរួមគ្នា ជាមួយកងកម្លាំងប្រដាប់អាវុធមានសមត្ថកិច្ច ក្រសួងពាក់ព័ន្ធ តស៊ូប្ដូរផ្ដាច់ការពារខឿនសន្តិសុខជាតិសណ្តាប់ ធ្នាប់សង្គម និងបានរួមគ្នាយ៉ាង សកម្មក្នុងការប្រយុទ្ធប្រឆាំងនឹងជំងឺកូវីដ 19។
នៅក្នុងឱកាសនោះដែរ លោកនាយឧត្តមសេនីយ៍ សៅ សុខា មេបញ្ជាការរងកងទ័ពជើងគោក និងជា មេបញ្ជាការកងរាជអាវុធហត្ថលើផ្ទៃប្រទេស មានប្រសាសន៍ថា កន្លងមកសាលាហ្វឹកហ្វឺនកងរាជអាវុធហត្ថ មានតែមួយកន្លែងគឺនៅកំបូល ។ នៅឆ្នាំ ២០០៩ ឯកឧត្តម បានស្នើសុំទីតាំងជើងភ្នំជំរាយនេះ ពី រាជរដ្ឋាភិបាល ហើយបានសម្រេចកសាងសាលាហ្វឹកហ្វឺនកងរាជអាវុធហត្ថនៅជើងភ្នំជំរាយ នេះនៅឆ្នាំ ២០១២ ដោយបានកសាងច្រើន ដំណាក់កាល ដូចជាការរៀបចំប្រព័ន្ធផ្លូវតភ្ជាប់ផ្លូវ តភ្ជាប់ចូលមកមជ្ឈមណ្ឌលផ្លូវខ្វាត់ខ្វែងក្នុងមជ្ឈមណ្ឌល ។
លោកមេបញ្ជាការបានបន្តថា កសាងអគារស្នាក់នៅរឹងមាំអគារទីចាត់ការផ្ទះភ្ញៀវ ។ជីកដីទំហំ 105 ហើយតាសម្រាប់សាងសង់ទីលានបាញ់និងកសាងអគារហ្វឹកហាត់តាមប្រព័ន្ធបច្ចេកទេស។ បន្តរៀបចំកសាងមជ្ឈមណ្ឌលពិព័រណ៍ បច្ចេកទេសនិងសាងសង់ទីលានសម្រាប់បម្រើការលំហាត់ថ្នាក់ប្រយុទ្ធ ។ ដោយឡែកថ្ងៃនេះបានធ្វើពិធីបញ្ចុះបឋមសិលាកសាងទីលានបា.ញ់គ្រាប់ពិត ដោយសាធារណរដ្ឋប្រជាមានិតចិន ដែលត្រៀមធ្វើជាម្ចាស់ផ្ទះក្នុងការបាញ់កាំភ្លើងកីឡាអាស៊ានឆ្នាំ ២០២៣ដែរ។
ក្នុងឱកាសនោះដែរ លោកវ៉ាង វិនធាន អគ្គរដ្ឋទូតសាធារណរដ្ឋប្រជាមានិតចិនមានប្រសាសន៍ថា ការបញ្ចុះបឋមសិលាកសាងទីលានបា.ញ់គ្រាប់ពិតនៅពេលនេះគឺជាជំនួយរបស់ក្រសួងការពារជាតិនៃសាធារណរដ្ឋប្រជាមានិតចិនដែលបង្ហាញពីចំណងមិត្តភាពជាដែកថែបដ៏រឹងមាំ ។ទីលានបាញ់គ្រាប់ពិតនេះដែរ ក៏ជាចំណែកលើកកម្ពស់កិច្ចសហប្រតិបត្តិការជាមួយកងទ័ពអាស៊ាននៅលើវិស័យការពារជាតិដើម្បីពង្រឹងសន្តិភាពនិងតំបន់ ៕
ចែករំលែកព័តមាននេះ