រាជធានីភ្នំពេញ ៖ នៅថ្ងៃទី២៤ ខែឧសភា ឆ្នាំ២០១៦ មានករណីគ្រោះថ្នាក់ចរាចរណ៍ទូទាំងប្រទេសកើតឡើងចំនួន៩លើក (យប់៣លើក) បណ្តាលឱ្យមនុស្សប្រុសស្លាប់៥នាក់ រងរបួសធ្ងន់៦នាក់ (១ស្រី) និងរបួសស្រាលប្រុស៣នាក់ ។
នៅក្នុងហេតុការណ៍គ្រោះថ្នាក់ចរាចរណ៍ទាំង៩លើកនេះបណ្តាលឱ្យខូចខាតយានយន្តសរុបចំនួន១៣គ្រឿងរួមមាន ម៉ូតូ១០គ្រឿង, រថយន្តធុនតូច២គ្រឿង និងថ្មើរជើងម្នាក់ ។
មូលហេតុដែលបណ្តាលឱ្យកើតមានគ្រោះថ្នាក់ចរាចរណ៍រួមមាន ល្មើសល្បឿន៤លើក(ស្លាប់៣នាក់), ស្រវឹង២លើក(ស្លាប់១នាក់), មិនប្រកាន់ស្តាំ២លើក(ស្លាប់១នាក់), បត់គ្រោះថ្នាក់ ១លើក ។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ចំនួន៤នាក់ ។
គ្រោះថ្នាក់លើដងផ្លូវរួមមាន ផ្លូវជាតិចំនួន ៦លើក ផ្លូវខេត្ត-ក្រុង២លើក, ផ្លូវលំ១លើក ។ ដោយឡែកយានយន្តដែលបង្កហេតុរួមមាន ម៉ូតូ ៤លើក រថយន្តធុនតូច៤លើក ថ្មើរជើង១លើក។ គ្រោះថ្នាក់ប៉ះទង្គិចមូ៉តូនិងមូ៉តូ៣លើកស្លាប់១នាក់, មូ៉តូនិងរថយន្តតូច៣លើកស្លាប់១នាក់,មូ៉តូដួលខ្លួនឯង១លើកស្លាប់១នាក់, រថយន្តតូចនិងថ្មើរជើង១លើក ស្លាប់១នាក់ និងរថយន្តតូចក្រឡាប់ខ្លួនឯង១លើកស្លាប់១នាក់ ។
ខេត្ត-រាជធានី ដែលមានគ្រោះថ្នាក់រួមមាន បន្ទាយមានជ័យ២លើកស្លាប់១នាក់ របួស៣នាក់, កណ្តាល១លើក ស្លាប់១នាក់ របួស១នាក់, ព្រៃវែង១លើក ស្លាប់១នាក់, ព្រះសីហនុ២លើក ស្លាប់១នាក់ និងឧត្តរមានជ័យ១លើកស្លាប់១នាក់ ។ លទ្ធផលត្រួតពិនិត្យការអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើសសរុបទូទាំងប្រទេសមានចំនួន៥.១៤៦គ្រឿង ក្នុងនោះបានធ្វើការអប់រំចំនួន២.១៤៧គ្រឿង និងពិន័យសរុប២.៩៩៩គ្រឿង ៕
ចែករំលែកព័តមាននេះ