លោក កឹម សុខាថា ទស្សនៈនយោបាយរបស់លោករៀនពីលោកតា សឺន សាន
រាជធានីភ្នំពេញ ៖ ប្រធានស្តីទីគណបក្សសង្រ្គោះជាតិ លោក កឹម សុខា បានមានប្រសាសន៍ថា ទស្សនៈនយោបាយរបស់លោក គឺលោករៀនសូត្រពីលោកតា សឺន…
រាជធានីភ្នំពេញ ៖ ប្រធានស្តីទីគណបក្សសង្រ្គោះជាតិ លោក កឹម សុខា បានមានប្រសាសន៍ថា ទស្សនៈនយោបាយរបស់លោក គឺលោករៀនសូត្រពីលោកតា សឺន សាន ដែលជាវីរជនខ្មែរកម្ពុជា ។
មេបក្សប្រឆាំងមានប្រសាសន៍ខាងលើបែបនេះបានធ្វើឡើងនៅទីស្នាក់ការកណ្ដាលគណបក្ស នៅព្រឹកថ្ងៃអាទិត្យទី២២ ខែឧសភា ឆ្នាំ២០១៦ នៅក្នុងជំនួបជាមួយយុវជនស្នូលខ្មែរកម្ពុជា ។
បើតាមលោក កឹម សុខា ដែលសរសេរនៅលើបណ្តាញទំនាក់ទំនងសង្គមបានបញ្ជាក់ទៀតថា ទស្សនៈដែលលោករៀនសូត្រពីលោកតាសឺន សាន រួមមាន៖
១.អ្នកដឹកនាំ ត្រូវតែជាអ្នកបម្រើប្រជាពលរដ្ឋ ប្រជាពលរដ្ឋជាចៅហ្វាយរបស់អ្នកដឹកនាំ
២.មិនត្រូវយកខ្មែរណាធ្វើជាសត្រូវឡើយ ។ សត្រូវរបស់ខ្មែរគឺជា៖ អំពើឈ្លានពាន អំពើផ្ដាច់ការ និងអំពើពុករលួយ
៣.បើចង់បំបាត់អំពើពុករលួយត្រូវបំបាត់ពីលើចុះក្រោម ត្រូវលុបបំបាត់ពីអ្នកធំជាមុន។ ហើយបើចង់អភិវឌ្ឍន៍ប្រទេសឲ្យចាកផុតពី ភាពក្រីក្រ ត្រូវអភិវឌ្ឍពីក្រោមទៅលើ គឺជួយអ្នកទន់ខ្សោយ អ្នកក្រីក្រ អ្នកតូចតាចមុន៕
ចែករំលែកព័តមាននេះ