នៅក្នុងគម្ពីរធម្មទស្សន៍មានពន្យល់ថា ភាពដ៏ប្រសើរលើស ដែលត្រឹមត្រូវពិតប្រាកដនោះគឺការប្រសើរលើសលើខ្លួនឯង ដោយមិនមានការប្រៀបផ្ទឹម ប្រជែងជាមួយអ្នកណាៗទាំងអស់ ។
ការប្រៀបផ្ទឹមថា យើងប្រសើរជាងគេ ឬអន់ជាងគេ ឬក៏ស្មើនឹងគេ ក្នុងព្រះធម៌សម្តែងថា គឺជាតួមានះ ដែលជាអកុសលចេតសិកមួយប្រភេទ ។
បុគ្គលដែលមិនមានការប្រៀបផ្ទឹមខ្លួននឹងអ្នកដទៃរមែងរស់នៅយ៉ាងស្ងប់រៀបរយ មិនចាញ់អ្នកណា ហើយក៏មិនឈ្នះអ្នកណាដែរ ជាបុគ្គលមានតែសេចក្តីស្ងប់សុខ ធ្វើការងារអ្វីគឺធ្វើដោយអនុគ្រោះ សំដៅទៅរកប្រសិទ្ធភាពក្នុងប្រយោជន៍ខ្លួន និងអ្នកដទៃ ។
បុគ្គលដូចពោលមកនេះ ជាមនុស្សមិនប្រជែង ឈ្នះខ្លួនឯងរួចស្រេចទៅហើយ នេះហើយជាសេចក្តីសុខក្នុងជីវិត ៕ សាន សារិន
ចែករំលែកព័តមាននេះ