ជឿជាក់ប្រិយមិត្តប្រាកដជាបានទទួលជ្រាបរួចមកហើយ ទាក់ទងនឹងដំណឹងដ៏ក្រៀមក្រំបំផុតដែលបុរសម្នាក់ឈ្មោះ ឈឿន សំណាង ជាអ្នកចម្រៀងនៅក្លិបអេលីត បានទទួលមរណភាពនៅក្នុងហេតុការណ៍ឆេះក្លិប
ខេត្តសៀមរាប ៖ ជឿជាក់ប្រិយមិត្តប្រាកដជាបានទទួលជ្រាបរួចមកហើយ ទាក់ទងនឹងដំណឹងដ៏ក្រៀមក្រំបំផុតដែលបុរសម្នាក់ឈ្មោះ ឈឿន សំណាង ជាអ្នកចម្រៀងនៅក្លិបអេលីត បានទទួលមរណភាពនៅក្នុងហេតុការណ៍ឆេះក្លិបកាលពីយប់ថ្ងៃទី០១ ខែធ្នូ ឆ្នាំ២០២១ ស្ថិតនៅចំណុចអគារផ្សារទំនើបអាស៊ីផ្លាហ្សា និងភោជនីយដ្ឋាន អេលីត ជាន់ក្រោមដី ស្ថិតក្នុងភូមិតាភុល សង្កាត់ស្វាយដង្គំ ក្រុងសៀមរាប ។
យ៉ាងណាមិញ ស្រាប់តែកាលពីពេលថ្មីៗនេះមានការរៀបរាប់ទាំងព្រឺសម្បុរអំពីដំណើរសាច់រឿងអបិយជំនឿ ដែលមានព្រាយក្រឡាភ្លើងនៅចាំក្លឹប បានបន្លំចូលសណ្ឋិតខ្លួនសាច់ញាតិរបស់ជនរងគ្រោះខាងលើ រួចបានកុហកថា ខ្លួនជាជនរងគ្រោះមកលាក្រុមគ្រួសារ ប៉ុន្តែត្រូវបានអាចារ្យនិយាយថា «មិនមែនជាព្រលឹងរបស់ជនរងគ្រោះនោះទេ» ។
ហើយខណៈពេលដែលកំពុងបូជាស.ពជនរងគ្រោះនោះ ស្រាប់តែព្រាយក្រឡាភ្លើងនេះ ក៏បានចូលសណ្ឋិតម្តង ទៀតក្នុងខ្លួនសាច់ញាតិម្នាក់ និងបានយំស្រែកទួញសោក ហើយពេលនោះ ក៏ត្រូវបានអាចារ្យធំដែលចេះមើលក៏បាននិយាយថា «មិនមែនជាព្រលឹងអ្នកដែលស្លា.ប់ទេ» ទើបព្រាយក្រឡាភ្លើងនោះក៏បានចេញចរឹតពិត និងបានសារភាពថា វាស្រលាញ់បុរសម្នាក់ហ្នឹង ហើយក៏មានចិត្តមិនចង់ឲ្យសាច់ញាតិទៅអញ្ជើញព្រលឹងឱ្យចេញមកវិញ ដើម្បីឱ្យបាននៅជាមួយវា។
បន្ទាប់មកទៀត អ្នកដែលចេះខាងផ្លូវងងឹតក៏បានសមាធិ ហើយក៏មើលឃើញព្រលឹងជនរងគ្រោះយំ ហើយស្រែកច្រៀងទាំងមិនទាន់ដឹងខ្លួនផងដែរថាបានស្លា.ប់នោះទេ ព្រោះតែមិនទាន់គ្រប់ប្រាំពីរថ្ងៃ។ ដឹងដូចនេះហើយ ក្រុមគ្រួសាររបស់ជនរងគ្រោះក៏បានគិតថា ត្រូវទៅអញ្ជើញព្រលឹងជនរងគ្រោះចេញពីទីនោះ ដើម្បីបានទៅចាប់ជាតិ តែត្រូវព្រាយនោះបានគំរា.មថា «នឹងមិនដោះលែងព្រលឹងម្នាក់ប្រុសហ្នឹងឱ្យចាប់ជាតិទេ ហើយវានឹងសម្លា.ប់សមាជិកក្នុងគ្រួសារខាងប្រុសម្តងមួយៗ»។
ដោយមើលឃើញបែបនេះ ខាងក្រុមគ្រួសារក៏បានសម្របសម្រួលជាមួយព្រាយ ហើយព្រាយ រួចក៏បាននិយាយថា «ទាល់តែរៀបចំពិធីមង្គលការឱ្យវា» ដល់អញ្ចឹងហើយ ក្រុមគ្រួសារក៏បានរៀបចំពិធីមង្គលការ ដោយមានរូបម៉ារាកាំងជាតំណាង និងមានអាចារ្យ ក៏ដូចជា ភ្លេងខ្មែរប្រគំដូចពិតៗតែម្តង ។ គួររំលឹកទៀតថា ៖ ឆេះក្លឹបកម្សាន្ត នៅក្រុងសៀមរាប សម្លា.ប់ ៣នាក់ និងសង្គ្រោះបន្ទាន់ម្នាក់ ។
ដូច្នេះដើម្បីជ្រាបកាន់តែច្បាស់ សូមប្រិយមិត្តទស្សនានូវឃ្លីបវីដេអូខាងក្រោមនេះ ដូចតទៅ ៖
ចែករំលែកព័តមាននេះ