ADផ្ទាំងផ្សព្វផ្សាយពាណិជ្ជកម្ម

Picture

ផ្លូវជាតិ​លេខ​១០ ត​ភ្ជាប់​ខេត្តបាត់ដំបង​-​ពោធិ៍សាត់​-​កោះកុង សាងសង់​បាន​ជិត​៥៥%

1 ខែ មុន

ខេត្តកោះកុង ៖ ឯកឧត្តម​ទេស​រដ្ឋមន្ត្រី ស៊ុន ចាន់​ថុ​ល រដ្ឋមន្ត្រីក្រសួង​សាធារណការ និង​ដឹក​ជញ្ជូន នៅ​ថ្ងៃ​ទី​០៣ ខែធ្នូ ឆ្នាំ​២០២១…

ខេត្តកោះកុង ៖ ឯកឧត្តម​ទេស​រដ្ឋមន្ត្រី ស៊ុន ចាន់​ថុ​ល រដ្ឋមន្ត្រីក្រសួង​សាធារណការ និង​ដឹក​ជញ្ជូន នៅ​ថ្ងៃ​ទី​០៣ ខែធ្នូ ឆ្នាំ​២០២១ បាន​អញ្ជើញ​ដឹកនាំ​ក្រុមការងារ​បច្ចេកទេស ក្រសួង​ពាក់ព័ន្ធ ចុះ​ពិនិត្យ​វឌ្ឍនភាព​ការងារ​សាងសង់​ផ្លូវជាតិ​លេខ​១០ ដោយ មានការ​ចូលរួម​ពី​តំណាង​ក្រសួង​សេដ្ឋកិច្ច និង​ហិរញ្ញវត្ថុ តំណាង​ក្រសួងបរិស្ថាន តំណាង​ក្រសួង​រ៉ែ និង​ថាមពល អភិបាល នៃ​គណៈ​អភិបាល ខេត្តកោះកុង តំណាង​អភិបាល នៃ​គណៈ​អភិបាលខេត្ត​ពោធិ៍សាត់ តំណាង​ក្រុមហ៊ុន​សាងសង់ តំណាង​ក្រុមហ៊ុន​ទីប្រឹក្សាបច្ចេកទេស មន្ត្រី​ជំនាញ និង​ភាគី​ពាក់ព័ន្ធ​ផង​ដែរ ។

Picture

គម្រោង​សាងសង់​ផ្លូវជាតិ​លេខ​១០ មាន​ប្រវែង​សរុប​ចំនួន ១៩៨,៧១​គីឡូម៉ែត្រ ត​ភ្ជាប់​ពី​សំឡូត​(​បាត់ដំបង​)-​វាល​វែង​(​ពោធិ៍សាត់​) -​អូរ​សោម​(​ពោធិ៍សាត់​) ដល់​ក្រុង​ខេ​មរ​ភូមិ​ទ្ទ​(​កោះកុង​) សាងសង់​ស្រប​តាម​បទដ្ឋាន​បច្ចេកទេស កម្រិត​៣ របស់​សាធារណរដ្ឋ​ប្រជាមានិត​ចិន មាន​ទទឹង​តួ​ផ្លូវ សរុប​ចំនួន ៩​ម៉ែត្រ ជា​ប្រភេទ​ផ្លូវ​កៅស៊ូ ពីរ​ស្រទាប់ (DBST) សាងសង់​ស្ពាន​ចំនួន ២៣​កន្លែង ប្រវែង​១៧២១,៤៦​ម៉ែត្រ ដែល​ក្នុង​នោះ មាន​ស្ពាន​ខ្ពស់​ជាងគេ​មួយ​ដែល​មាន​កម្ពស់ ៧៥​ម៉ែត្រ បណ្តោយ ៥៣០​ម៉ែត្រ និង​ទទឹង ១០​ម៉ែត្រ ព្រមទាំង​មាន​បំពាក់​ផ្លា​ក​សញ្ញា​ចរាចរណ៍ គំនូស​ចរាចរណ៍ បង្គោលគីឡូម៉ែត្រ និង​បង្គោល​សុវត្ថិភាព​ផង​ដែរ ។

Picture

គម្រោង​ផ្លូវ​នេះ​ត្រូវ​បាន​បើក​ការដ្ឋាន​សាងសង់ កាលពី​ថ្ងៃ​ទី​០៩ ខែមីនា ឆ្នាំ​២០២០ ក្រោម​អធិបតីភាព​ដ៏​ខ្ពង់ខ្ពស់​សម្តេច​នាយក​រដ្ឋមន្ត្រី ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា ។

គិត​ត្រឹម​ដំណាច់ខែ​វិច្ឆិកា ឆ្នាំ​២០២១ វឌ្ឍនភាព​ការងារ​ជា​រួម​សម្រេច​បាន ៥៤,៨៩% ។ គម្រោង​ផ្លូវ​នេះ មានការ​ជ្រើសរើស​គន្លង​ផ្លូវ​ថ្មី​ប្រវែង​សរុប ៦៥,៨៩​គីឡូម៉ែត្រ ដើម្បី​ធ្វើ​ផ្លូវ​ពង្វាង​ពី​ភ្នំក្រវាញ ព្រោះតែ​មិន​ចង់​វះកាត់​ភ្នំក្រវាញ​ជា​ពីរ នាំ​ឲ្យ​ប៉ះពាល់​ដល់​បរិស្ថាន និង​ជម្រក​សត្វព្រៃ​ធ្ងន់ធ្ងរ ដែល​នេះ​ជា​ការ​បង្ហាញ​ឲ្យ​ឃើញ​ពី​ការ​យកចិត្តទុកដាក់​ខ្ពស់​របស់​រាជរដ្ឋាភិបាល លើ​ការ​ថែរក្សា​បរិស្ថាន ។

Picture

ក្នុង​ដំណើរ​ចុះ​ពិនិត្យ​នេះ ឯកឧត្តម​ទេស​រដ្ឋមន្ត្រី បាន​ដឹកនាំ​ក្រុមការងារ​បច្ចេកទេស ធ្វើ​ដំណើរ​យ៉ាង​ស្វិតស្វាញ​បំផុត ក្នុង​ការ​ត្រួសត្រាយ​តម្រាយ​ផ្លូវជាតិ​លេខ​១០ ពុះពារ​គ្រប់​ឧបសគ្គ ឆ្លងកាត់​ជ្រោះ​ជ្រោង​ជ្រលង​ដងអូរ កាត់​ខ្នងភ្នំ​ក្រវាញ ដើម្បី​ពិនិត្យ​ស្ថានភាព​ទឹកដី​ភូមិសាស្ត្រ សម​ស្រប​សម្រាប់​ការ​សាងសង់ ។

Picture

គម្រោង​ផ្លូវ​នេះ គ្រោង​ចំណាយ​ថវិកា​សរុប​ប្រមាណ ១៨៨,៣៨​លាន​ដុល្លារ​សហ​អា​មេ​រិ​ក ជា​ហិរញ្ញប្បទាន ពី​រដ្ឋាភិបាល នៃ​សាធារណរដ្ឋ​ប្រជាមានិត​ចិន រួម​ជាមួយ​ថវិកាបដិភាគ​របស់​រាជរដ្ឋាភិបាល​កម្ពុជា សម្រាប់​ការ​ដោះស្រាយ​ផល​ប៉ះពាល់ ការ​បោសសម្អាត​គ្រាប់​មីន យុទ្ធ​ភ័​ណ្ឌ​មិន​ទាន់​ផ្ទុះ សាងសង់​ដោយ​ក្រុមហ៊ុន សាជីវកម្ម​ស្ពាន​ថ្នល់​ចិន (CRBC) ត្រួតពិនិត្យ​បច្ចេកទេស​សាងសង់ ដោយ​ក្រុមហ៊ុន​ទីប្រឹក្សាបច្ចេកទេស​ក្វា​ង​ចូ​វ វ៉ា​ន​អាន និង​គ្រោង​ចំណាយពេល​សាងសង់​ចំនួន ៤៨​ខែ ចាប់ពី​ខែធ្នូ ឆ្នាំ​២០១៩ ដល់​ខែធ្នូ ឆ្នាំ​២០២៣ ។

Picture

គួរ​កត់​សម្គាល់ថា ផ្លូវជាតិ​លេខ​១០ គឺជា​សរសៃឈាម​សេដ្ឋកិច្ចជាតិ ដ៏​មាន​សក្តានុពល​របស់​កម្ពុជា អាច​ជួយ​សម្រួល​ដល់​កា​រត​ភ្ជាប់​ទំនាក់ទំនង​គមនាគមន៍ ធ្វើ​សមាហរណកម្ម​ត​ភ្ជាប់​ផ្ទៃក្នុង​ប្រទេស និង​ជាមួយ​តំបន់ រួមចំណែក​ក្នុង​ការ​លើកកម្ពស់​ប្រសិទ្ធភាព​នៃ​ការ​ដោះ​ដូរ​ពាណិជ្ជកម្ម វិនិយោគ ដំណាំ​កសិផល ក​សិ​-​ឧស្សាហកម្ម និង​ទេសចរណ៍​បាន​ឆាប់រហ័ស និង​ចំណាយ​តិច ជា​ពិសេស​ជាមួយ​ប្រទេស​ជិតខាង ។

Picture

គួរ​រំឭក​ផង​ដែរ​ថា នៅ​សម័យ​សង្គ្រាម​តំបន់​វាល​វែង​នេះ គឺជា​សមរភូមិ​ប្រយុទ្ធ​យ៉ាង​ក្តៅ​គគុក ប៉ុន្តែ​តាម​រយៈ ការ​អនុវត្ត​នយោបាយ​ឈ្នះ​ឈ្នះ​របស់​សម្ដេច​តេ​ជោ​នាយក​រដ្ឋមន្ត្រី តំបន់​នេះ ត្រូវ​បាន​ធ្វើ​សមាហរណកម្ម ទាំងស្រុង និង​បាន​ប្រែ​ក្លាយទៅជា​ដែនដី​រដ្ឋបាល​តែ​មួយ នៃ​ព្រះរាជាណាចក្រ​កម្ពុជា និង​ត្រូវ​បាន​អភិវឌ្ឍ គ្រប់​វិស័យ​ជា​បន្តបន្ទាប់ ក្រោម​ម្លប់​សន្តិភាព និង​សេរីភាព​ពេញលេញ ៕

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture