រាជធានីភ្នំពេញ ៖ ក្រុមក្មេងទំនើងដែលមានរហស្សនាម Black boy ចំនួន៩នាក់ កាលពីរសៀលថ្ងៃទី០២ ធ្នូ ឆ្នាំ២០២១ ត្រូវបានកម្លាំងសមត្ថកិច្ចនគរបាលខណ្ឌសែនសុខបញ្ជូនទៅកាន់សាលាដំបូងរាជធានីភ្នំពេញ ដែលសំណុំរឿងនេះបានស្ថិតនៅលោក ទី មុនិន្ទ ព្រះរាជអាជ្ញារងតំណាងអយ្យការបើកការស៊ើបសួរ ។
ក្រុមក្មេងទំនើងទាំង៩ នាក់មាន ៖ ១.ឈ្មោះ សា រឿនរក្សា ភេទប្រុស អាយុ១៨ ឆ្នាំ មុខរបរ សិស្ស សាលាពាមអ៊ុកញ្ញាអុង ស្នាក់នៅភូមិលើដែក ស្រុកល្វាឯមខេត្តកណ្តាល (មានសារធាតុញៀន) អវិជ្ជមានកូវិដ ។ ២.ឈ្មោះ ប្រាជ្ញ ថាវិរះ ភេទប្រុស អាយុ១៨ ឆ្នាំ សិស្សសាលាចតុមុខ ស្នាក់នៅផ្ទះជួលផ្លូវលំ សង្កាត់ទន្លេបាសាក់ចំការមន រាជធានីភ្នំពេញ (មានសារធាតុញៀន)អវិជ្ជមានកូវិដ ។ ៣.ឈ្មោះ សែម វិរះឆ័យយុទ្ធ ភេទប្រុស អាយុ១៨ ឆ្នាំ មុខរបរនៅផ្ទះ ស្នាក់នៅផ្លូវបេតុង ភូមិ១ សង្កាត់ជ្រោយចង្វារ ខណ្ឌជ្រោយចង្វារ (គ្មានសារធាតុញៀន) អវិជ្ជមានកូវិដ ។ ៤.ឈ្មោះ សឿន សុខឡា ភេទប្រុស អាយុ១៨ ឆ្នាំ មុខរបរ កម្មករស្នាក់នៅផ្លូវបេតុង ភូមិដើមគរ សង្កាត់ជ្រោយចង្វារ រាជធានីភ្នំពេញ (មានសារធាតុញៀន)អវិជ្ជមានកូវិដ ។
៥.ឈ្មោះ ជឿន ជីវន្ត័ ភេទប្រុស អាយុ១៨ ឆ្នាំ មុខរបរ កម្មករស្នាក់នៅផ្ទះជួលម្តុំរង្វង់មូលកាំកូ សង្កាត់បឹងកក់២ ខណ្ឌទួល គោក រាជធានីភ្នំពេញ (មានសារធាតុញៀន)អវិជ្ជមានកូវិដ ។ ៦.ឈ្មោះ វឿន វណ្ណះ ភេទប្រុស អាយុ១៨ ឆ្នាំ មុខរបរ នៅផ្ទះស្នាក់នៅភូមិព្រែកអញ្ចាញ ស្រុកមុខកំពូល ខេត្តកណ្តាល (មានសារធាតុញៀន)អវិជ្ជមានកូវិដ ។ ៧.ឈ្មោះ សំ ណាងចំណាន ភេទប្រុស អាយុ១៨ ឆ្នាំ មុខរបរសិស្សសាលាទួលទំពូង ស្នាក់នៅផ្ទះលេខពុំស្គាល់ ផ្លូវលេខ ៣៤៨ សង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ (មានសារធាតុញៀន) អវិជ្ជមានកូវិដ ។
៨.ឈ្មោះសិត បញ្ចបាន ភេទប្រុស អាយុ១៨ ឆ្នាំ មុខនៅផ្ទះ ស្នាក់ផ្លូវបេតុង ក្រុម២ ភូមិត្នោតជ្រុំ សង្កាត់បឹងទំពុនខណ្ឌមានជ័យ រាជធានីភ្នំពេញ (មានសារធាតុញន)អវិជ្ជមានកូវិដ ។ ៩,ឈ្មោះ យឹង កុកម៉េង ភេទប្រុស អាយុ១៨ ឆ្នាំ សិស្សសាលាយុទ្ធគន្ធរ ស្នាក់នៅផ្ទះលេខ៤៨៨ ផ្លូវលេខ២៨៨ ភូមិ៥សង្កាត់បឹងកីងកង២ ខណ្ឌបឹងកីងកង រាជធានីភ្នំពេញ (គ្មានសារធាតុញៀន)អវិជ្ជមានកូវិដ ។ ក្មេងទំនើងទាំង៩ នាក់ជាប់ពាក់ពន្ធពីបទ.ហឹង្សាដោយចេតនាមានស្ថានទំងន់ទោស (ប្រើកាប់បិតតាំងតោកាប់ជនរងគ្រោះរងរបួសជាទំងន់) ។
សូមរម្លឹកថា នៅថ្ងៃទី២៨ ខែវិច្ឆិកា ឆ្នាំ២០២១ វេលាម៉ោងម៉ោង២០.០០នាទី នៅចំនុចផ្លូវ៩៣ក្រុម១៥ភូមិចុងខ្សាច់សង្កាត់ទួលសង្កែទី១ខណ្ឌឬស្សីកែវមានករណីហឹង្សា កាប់ជនរងគ្រោះនិងកាំបិតតាំងតោបណ្តាលឲ្យរងរបួសជាទំងន់ កំពុងសំរាកនៅមន្ទីរពេទ្យកាលម៉ែត្រ ។ដើមបណ្តឹងក្នុងរឿងនេះមានឈ្មោះ សេង ខួច ភេទស្រីអាយុ៥៥ ឆ្នាំ មុខរបរ នៅផ្ទះស្នាក់នៅផ្ទះលេខ៥៨៧ ផ្លូវបេតុងក្រុម១៥ សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ (ត្រូវជាម្តាយ) ។ ដែលជនរងគ្រោះឈ្មោះ វឿង ចិត្រា ភេទប្រុសអាយុ ២៣ឆ្នាំ សិស្សសាលាសន្ធរម៉ុខ ស្នាក់នៅជាមួយម្តាយ (រងរបួសខ្នង៣កាំបិត ក្បាល២កាំបិតកំពុងសំរាកព្យាបាលនៅមន្ទីពេទ្យកាលម៉ែត្រសង្គ្រោះបន្ទាន់) ។ ពេលចាប់ខ្លួនសមត្តកិច្ចបានធ្វើការដកហូតវត្ថុតាងរួមមាន ៖
១.កាំបិតតាំងតោ ២ , ២ដាវ១ ៣.ច្រវ៉ាក់១ ខ្សែ ៤.ម៉ូតូ៣ គ្រឿង .ម៉ូតូC125មួយគ្រឿងពាក់ស្លាកលេខPP1iG1266 .ម៉ូតូនិចពណ៍ស១គ្រឿងពាក់ស្លាកលេខក-ច1X2089 .ម៉ូតូC125ពណ៍ក្រហមគ្មានស្លាកលេខ ។
ដំណើររឿងវេលាម៉ោងខាងលើ ជនរងគ្រោះកំពង់អង្គុយហូបការហ្វេផ្ទះល្វែងកន្លែងកើតហេតុ ក៏មានជនសង្ស័យ១ ក្រុមជិះម៉ូតូ៥.៦ គ្រឿង មានគ្នា១២នាក់ ប្រដាប់ដោយកាំបិតតាំងតោដាវច្រវ៉ាក់ បានចុះពីលើម៉ូតូដេញកាប់ជនរងគ្រោះបណ្តាលឲ្យរងរបួសក្បាលនិងខ្នងត្រូវជាទំងន់ រួចត្រូវក្រុមគ្រួសារបញ្ជូនទៅមន្ទីរពេទ្យកាលម៉ែត្រ ហើយជនសង្ស័យនាំគ្នាគេចខ្លួនបាត់អស់ ។
បន្ទាប់ពីទទួលបានសកម្មភាពខាងលើ ភ្លាមកម្លាំងសមត្ថកិច្ចជំនាញខណ្ឌ និងនគរបាលប៉ុស្តិ៍បានបើកការស្រាវជ្រាវឈានទៅឃាត់ខ្លួនជនសង្ស័យ៩នាក់ខាងលើ នៅចំណុចបន្ទប់ជួលលេខ៨ ភូមិដើមិគរ សង្កាត់ជ្រោយចង្វារ ខណ្ឌជ្រោយចង្វារ នៅថ្ងៃទី២៩ ខែវិច្ឆិកា ឆ្នាំ២០២១ វេលាម៉ោង២ យប់ នឹងបាននាំពួកគេទៅកាន់អធិការដ្ធាននគរបាលខណ្ឌឬស្សីកែវ និងបានកសាងសំណុំរឿងតាមនិតិវិធី ៕
ចែករំលែកព័តមាននេះ