កម្លាំងនគរបាលប៉ុស្តិ៍រដ្ឋបាលគគី សហការជាមួយកម្លាំងនគរបាលផ្នែកគ្រឿង.ញៀនស្រុកកៀនស្វាយ បានចុះបង្ក្រាបក្រុមសម្បុកជួញដូរ និងប្រើប្រាស់គ្រឿង.ញៀន បានចំនួន១០នាក់ រួមនឹង
ខេត្តកណ្តាល ៖ កម្លាំងនគរបាលប៉ុស្តិ៍រដ្ឋបាលគគី សហការជាមួយកម្លាំងនគរបាលផ្នែកគ្រឿង.ញៀនស្រុកកៀនស្វាយ បានចុះបង្ក្រាបក្រុមសម្បុកជួញដូរ និងប្រើប្រាស់គ្រឿង.ញៀន បានចំនួន១០នាក់ រួមនឹងថ្នាំ.ញៀនចំនួន០៩កញ្ចប់ធំ-តូចទៀតផង ។ ហេតុការណ៍នេះធ្វើឡើងនៅថ្ងៃទី៣០ ខែវិច្ឆិកា ឆ្នាំ២០២១ វេលាម៉ោង១២និង១០នាទីរសៀល ស្ថិតក្នុងភូមិតារាបដូនស ឃុំគគីរ ស្រុកកៀនស្វាយ ខេត្តកណ្ដាល ។
ជនសង្ស័យមានគ្នាចំនួន១០នាក់ខាងលើនេះ ទី១- ឈ្មោះ ពង្ស សុភារៈ ភេទប្រុស អាយុ១៥ឆ្នាំ ជនជាតិខ្មែរ មុខរបរមិនពិត មានទីលំនៅភូមិតារាបដូនស ឃុំគគីរ ស្រុកកៀនស្វាយ ខេត្តកណ្តាល (ម្ចាស់ផ្ទះ), ទី២- ឈ្មោះ សឿន ចិន្តា (ហៅចិន) ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិត មានទីលំនៅភូមិចន្លក់ក្រៅ ឃុំគគីរ ស្រុកកៀនស្វាយ ខេត្តកណ្តាល, ទី៣- ឈ្មោះ ម៉ឺន គឹមសៀង ភេទប្រុស អាយុ១៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល ។
ទី៤- ឈ្មោះ ទុំ បូរ៉ា (ហៅទក) ភេទប្រុស អាយុ៣៤ឆ្នាំ ជនជាតិខ្មែរ មុខរបរមិនពិត មានទីលំនៅភូមិចន្លក់ក្រៅ ឃុំគគីរ ស្រុកកៀនស្វាយ ខេត្តកណ្តាល, ទី៥- ឈ្មោះ ពាង ធារ៉ា (ហៅជ័រ) ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិ តារាបដូនស ឃុំគគីរ ស្រុកកៀនស្វាយ ខេត្តកណ្តាល, ទី៦- ឈ្មោះ គង់ ដារីម ភេទប្រុស អាយុ១៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិកំរៀង សង្កាត់កន្ទោក ខណ្ឌកំបូល ក្រុងភ្នំពេញ។
ទី៧-ឈ្មោះ ហ៊ីម ចេងហុង ភេទប្រុស អាយុ១៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិអង្គពពាយ សង្កាត់ក្រាំងម្កាក់ ស្រុកអង្គស្នួល ខេត្តកណ្តាល, ទី៨- ឈ្មោះ សុង សុខៃ ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល, ទី៩- ឈ្មោះ ឆេង ណារ៉ាក់ ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិតារាបដូនស ឃុំគគីរ ស្រុកកៀនស្វាយ ខេត្តកណ្តាល និងទី១០- ឈ្មោះ អ៊ុក ស្រីខួច ភេទស្រី អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិយកបាត្រ សង្កាត់ក្បាលកោះ ខណ្ឌច្បារអំពៅ ក្រុងភ្នំពេញ។
បើតាមរបាយការណ៍របស់សមត្ថកិច្ចដែលទទួលបានពីប្រជាពលរដ្ឋល្អ បានរាយការណ៍មកកម្លាំងប៉ុស្ដិ៍នគរបាលរដ្ឋបាលគគីរ ថា នៅចំណុចផ្ទះឈ្មោះ ពង្ស សុភារៈ ភេទប្រុស កំពុងតែធ្វើសកម្មភាពជួញដូរ និងប្រើប្រាស់ថ្នាំ.ញៀន ។
ក្រោយពីទទួលបានព័ត៌មានភ្លាម កម្លាំងប៉ុស្តិ៍នគរបាលរដ្ឋបាលគគីរ សហការជាមួយកម្លាំងប្រឆាំងបទល្មើសគ្រឿង.ញៀនស្រុក បានចុះទៅដល់កន្លែងកើតហេតុ ហើយឃាត់ខ្លួនជនសង្ស័យចំនួន១០នាក់ខាងលើ និងធ្វើការឆែកឆេរក៏បានរកឃើញម្សៅក្រាមពណ៌សថ្លា សង្ស័យជាសារធាតុ.ញៀន (ម៉ាទឹកកក) ចំនួន០៩កញ្ចប់ (តូច០៨កញ្ចប់ និងមធ្យម០១កញ្ចប់) នៅក្រោមគូទ ឈ្មោះ សឿន ចិន្តា (ហៅចិន) និងសំភារៈប្រើប្រាស់ថ្នាំ.ញៀនមួយចំនួនទៀត។
ក្រោយសមត្ថកិច្ចក៏បាននាំខ្លួនជនសង្ស័យខាងលើ រួមនឹងវត្ថុតាង យកមកផ្នែកប្រឆាំងបទល្មើសគ្រឿង.ញៀនស្រុក ដើម្បីសួរនាំ។ ហើយនៅចំពោះមុខសមត្ថកិច្ចកិច្ច ជនសង្ស័យឈ្មោះ សឿន ចិន្តា (ហៅចិន) បានឆ្លើយសារភាពថា ថ្នាំ.ញៀនខាងលើនេះ ពិតជារបស់ខ្លួនប្រាកដមែន ដែលឈ្មោះ និន ភេទប្រុស (មិនស្គាល់ត្រកូល និងមិនស្គាល់ទីលំនៅ) បានផ្ញើអោយខ្លួន ដើម្បីយកមកចែកចាយបន្ត ។
ក្រោយពីសួរនាំចប់ សមត្ថកិច្ចក៏បានបញ្ជូនជនសង្ស័យ រួមទាំងវត្ថុតាង មកកាន់អធិការដ្ឋាននគរបាលស្រុកកៀនស្វាយ ដើម្បីបន្តចាត់ការតាមនីតិវិធីច្បាប់ ៕
ចែករំលែកព័តមាននេះ