ប្រេស៊ីលជាប្រទេសទី២០ រកឃើញករណីឆ្លងកូវីដបំប្លែងថ្មី អូមីក្រុង
ប្រេស៊ីល ៖ ទីភ្នាក់ងារសុខភាពប្រេស៊ីល Anvisa បាននិយាយកាលពីថ្ងៃទី៣០ វិច្ឆិកា ២០២១ថា ជនជាតិប្រេស៊ីល ២នាក់ បានធ្វើតេស្តវិជ្ជមាន…
ប្រេស៊ីល ៖ ទីភ្នាក់ងារសុខភាពប្រេស៊ីល Anvisa បាននិយាយកាលពីថ្ងៃទី៣០ វិច្ឆិកា ២០២១ថា ជនជាតិប្រេស៊ីល ២នាក់ បានធ្វើតេស្តវិជ្ជមាន ចំពោះវីរុសកូវីដបំប្លែងថ្មី អូមីក្រុង Omicron ។
នេះជាករណីដំបូង នៃមេរោគ អូមីក្រុង មាននៅតំបន់អាមេរិកឡាទីន នាំឲ្យប្រេស៊ីល ក្លាយជាប្រទេសទី២០ ដែលឆ្លង Omicron ។
អ្នកដំណើរម្នាក់ ដែលបានហោះហើរពីអាហ្វ្រិកខាងត្បូង កាលពីថ្ងៃទី២៣ វិច្ឆិកា ជាមួយនឹងលទ្ធផលតេស្ត កូវីដ-១៩ អវិជ្ជមាន ។ ហើយបានធ្វើតេស្ដថ្មី ជាមួយប្រពន្ធរបស់គាត់ ដើម្បីត្រៀមខ្លួនសម្រាប់ជើងហោះហើរ ត្រឡប់ទៅអាហ្វ្រិកខាងត្បូងវិញ នៅពេលដែលលទ្ធផលចេញមកវិជ្ជមាន អូមីក្រុង ។
ទីភ្នាក់ងារសុខភាពប្រេស៊ីល សង្កត់ធ្ងន់ថា ការធ្វើដំណើរចូលមកប្រទេសប្រេស៊ីលរបស់អ្នកទាំង២ ធ្វើឡើងកាលពីថ្ងៃទី១១-២៣ ពោលគឺមុនពេលការជូនដំណឹងជាសកល ស្តីពីការរកឃើញអត្តសញ្ញាណវីរុសប្រភេទថ្មី គឺ អូមីក្រុងនេះ ។
ចាប់តាំងពីពេលនេះទៅ ប្រទេសប្រេស៊ីលបានផ្អាកជើងហោះហើរ ពីអាហ្វ្រិកខាងត្បូង ។ ទីភ្នាក់ងារសុខភាពប្រេស៊ីល Anvisa បានបញ្ជាក់ថា សំណាកកំពុងត្រូវបានបញ្ជូនទៅមន្ទីរពិសោធន៍មួយផ្សេងទៀត សម្រាប់ការវិភាគ បញ្ជាក់បន្ថែម ៕
ចែករំលែកព័តមាននេះ