សង្ស័យចុះណែនាំឈ្មួញជីកដីដើម្បីគ្រាន់តែល្អមើលទេដឹង ?
- កណ្តាល
ខេត្តកណ្តាល ៖ លោក ណុប ដារ៉ា អភិបាលរងខេត្តកណ្ដាល និងជាប្រធានគណៈកម្មការចម្រុះ ដើម្បីគ្រប់គ្រងការធ្វើអាជីវកម្មខ្សាច់ រណ្ដៅដី ថ្ម…
ខេត្តកណ្តាល ៖ លោក ណុប ដារ៉ា អភិបាលរងខេត្តកណ្ដាល និងជាប្រធានគណៈកម្មការចម្រុះ ដើម្បីគ្រប់គ្រងការធ្វើអាជីវកម្មខ្សាច់ រណ្ដៅដី ថ្ម…
ខេត្តកណ្តាល ៖ លោក ណុប ដារ៉ា អភិបាលរងខេត្តកណ្ដាល និងជាប្រធានគណៈកម្មការចម្រុះ ដើម្បីគ្រប់គ្រងការធ្វើអាជីវកម្មខ្សាច់ រណ្ដៅដី ថ្ម ក្រួស បានដឹកនាំកម្លាំងចម្រុះ មន្ទីរពាក់ព័ន្ធរួមទាំងអាជ្ញាធរស្រុកចុះពិនិត្យមើល ទីតាំងរណ្ដៅដីមួយកន្លែងដែលកំពុងអនុវត្តន៍ផ្ទុយពីអាជ្ញាប័ណ្ណ និងតម្រូវឱ្យស្ដារឡើងវិញនូវហេដ្ឋារចនាសម្ព័ន្ធដែលទទួលរងការខូចខាតពីររណ្ដៅដីមួយនេះ ។
ការចុះពិនិត្យមើលទីតាំងរណ្ដៅដីក្នុងភូមិសាស្ត្រ ឃុំរលាំងកែន ស្រុកកណ្ដាលស្ទឹង ធ្វើឡើងនៅថ្ងៃទី២៦ ខែវិច្ឆិកា ឆ្នាំ២០២១ លោកអភិបាលបានណែនាំដល់ម្ចាស់អាជីវកម្មថា ពាក់ព័ន្ធនឹងហេដ្ឋារចនាសម្ព័ន្ធ ដែលមានផ្លូវនិងប្រឡាយទឹកដែលរងការប៉ះពាល់ពីរណ្ដៅមួយនេះតម្រូវឱ្យម្ចាស់អាជីវកម្មត្រូវបង្ខិតព្រំដីមកវិញនិងចាក់ដីធ្វើជើងទេដើម្បីពង្រីកផ្លូវប្រឡាយមកឲ្យបាន១០ម៉ែត្រ ព្រោះនេះជាសុវត្ថិភាពប្រជាពលរដ្ឋធ្វើដំណើរទៅមកជាពិសេសពេលយប់ព្រលប់ ។
លោកអភិបាលរងខេត្តបានបន្តថា ការស្តារប្រឡាយទំនប់នេះឡើងវិញ ដើម្បីឱ្យមានផ្លូវទឹកសម្រាប់ធ្វើចរាចរណ៍ ជាពិសេសមិនត្រូវបូមទឹករ៉ែទាំងនេះបង្ហូរចូលក្នុងស្រែរបស់ប្រជាពលរដ្ឋ ព្រោះទឹករ៉ែដ៏ជ្រៅទាំងនេះមិនដឹងថាមានសារជាតិអ្វីខ្លះនោះទេ ដែលធ្វើឱ្យប៉ះពាល់ដល់ស្រែរបស់ពួកគាត់ ។ ត្រូវគោរពទៅតាមអាជ្ញាប័ណ្ណដែលមន្ទីរក៏ដូចជាខេត្តបានផ្ដល់ជូន ម្ចាស់អាជីវកម្មត្រូវធ្វើអាជីវកម្មឱ្យត្រូវ និងទីតាំងដែលខ្លួនបានស្នើសុំ រណ្ដៅត្រូវមានជើងទេឱ្យបានត្រឹមត្រូវ ។
មុនធ្វើការដឹកចេញត្រូវពិនិត្យប្រព័ន្ធការគ្រប់គ្រង (ជញ្ជីង) វិក្កយបត្រត្រូវមានការបោះត្រាឱ្យបានត្រឹមត្រូវពីមន្ទីររាល់ការដឹកជញ្ជូនខ្សាច់ អាចន៍ដី ម្ចាស់អាជីវកម្មត្រូវណែនាំដល់អ្នកដឹក ត្រូវលាងសម្អាតកង់ឡានឱ្យបានស្អាតពេលចេញពីដេប៉ូ ត្រូវគ្របឱ្យបានជិតល្អ កុំដឹកលើសទម្ងន់ បើកបរដោយក្រមសីលធម៌ ត្រូវលាងសម្អាតផ្លូវដែលប្រឡាក់ឱ្យបានស្អាត ។ ក្នុងករណីម្ចាស់អាជីកម្មណាដែលនៅតែប្រព្រឹត្តល្មើសច្បាប់ ធ្វើឱ្យផ្លូវខូចត្រូវទទួលខុសត្រូវជួសជុលផ្លូវឱ្យបានស្អាតឡើងវិញ រងការផាកពិន័យ ឬបិទអាជីវកម្មតែម្ដង ។
លោកក៏បានជំរុញដល់មន្ទីរពាក់ព័ន្ធ និងកងកម្លាំងមានសមត្ថកិច្ច ត្រូវបន្តចាត់វិធានការឱ្យបានម៉ឺងម៉ាត់ដល់ម្ចាស់អាជីវកម្មឱ្យអនុវត្តតាមកិច្ចសន្យា និងច្បាប់ពាក់ព័ន្ធនានា ។ រាល់ការដឹកខ្សាច់ ដឹកដី ត្រូវអនុវត្តតាមបទដ្ឋានបច្ចេកទេសត្រឹមត្រូវ ដឹកកុំឱ្យហុយ និងជ្រុះខ្សាច់មកលើផ្លូវ ដែលបានធ្វើឱ្យប៉ះពាល់ដល់អ្នកធ្វើដំណើរ និងប្រជាពលរដ្ឋរស់នៅតាមដងផ្លូវ ។ ត្រូវរួមសហការគ្នាចុះពិនិត្យដល់ទីតាំង អាជីវកម្មណ្ដៅដី ដើម្បីដឹងថាតើ ម្ចាស់អាជីវកម្មទាំងនោះ មានច្បាប់ និងអាជ្ញាប័ណ្ណត្រឹមត្រូវហើយឬនៅ ។ បើម្ចាស់អាជីវកម្មណាមួយមិនសហការ គ្មានអាជ្ញាប័ណ្ណ ឬអាជ្ញាប័ណ្ណហួសសុពលភាព ត្រូវអនុវត្តតាមច្បាប់ដោយគ្មានការយោគយល់ឡើយ ។
មតិនានាថា ការណែនាំនេះល្អហើយ ប៉ុន្តែច្បាប់នៅតែលើក្រដាស…ការណែនាំនៅតែលើបបូមាត់តែប៉ុណ្ណោះ ។ ដល់ចប់ការណែនាំ លទ្ធផលនៅតែដដែល…គ្មានអ្វីធំជាងលោកតាប្រាក់ទេ…បើមិនជឿទេ ចាំមើលទៅ…ហេ ! ហេ !
ចែករំលែកព័តមាននេះ