រាជធានីភ្នំពេញ ៖ បុរសជនជាតិវៀតណាមម្នាក់ បានរងនូវពាក្យបណ្តឹងចោទប្រកាន់ពីបទ.រំលោ.ភសេពសន្ថវៈ កាលពីព្រឹកថ្ងៃទី២៨ ខែវិច្ឆិ កា ឆ្នាំ២០២១ ហើយត្រូវបានកម្លាំងសមត្ថកិច្ចនគរបាលខណ្ឌដូនពេញ ធ្វើការឃាត់ខ្លួន និងបញ្ជូនទៅកាន់សាលាដំបូងរាជធានីភ្នំពេញ ដើម្បីសាកសួរ នឹងចោទប្រកាន់ជាផ្លូវការយោងតាមពាក្យបណ្តឹងនោះ ។
ជនសង្ស័យខាងលើនេះ មានឈ្មោះ BUI VAN BUT ភេទប្រុស អាយុ៣៤ឆ្នាំ ជនជាតិវៀតណាម មុខរបរកម្មករសំណង់ ស្នាក់នៅរោងកម្មករសំណង់បឹងកក់ ស្ថិតក្នុងភូមិ១ សង្កាត់ស្រះចក ខណ្ឌដូនពេញ រាជធានីភ្នំពេញ ។ ចំណែកជនរងគ្រោះអាយុ៣៥ឆ្នាំ ជនជាតិខ្មែរ មុខរបរកម្មករអនាម័យ ស្នាក់នៅខណ្ឌដូនពេញ ។
តាមពាក្យបណ្តឹងរបស់ជនរងគ្រោះបានប្តឹងនៅសមត្ថកិច្ចប៉ុស្តិ៍នគរបាលរដ្ឋបាលស្រះចក ខណ្ឌដូនពេញ កាលពីថ្ងៃទី២៦ ខែវិច្ឆិកា ឆ្នាំ២០២១ ដោយបញ្ជាក់ថា ជនសង្ស័យដូចមានឈ្មោះខាងលើ បានចាប់រំលោ.ភសេពសន្ថវៈលើនាងនៅចំណុចរោងកម្មករសំណង់ ម្តុំបឹងកក់ ស្ថិតក្នុងភូមិ១ សង្កាត់ស្រះចក ខណ្ឌដូនពេញ បានសម្រេចកាលពីវេលាម៉ោង៧និង៤០នាទីព្រឹក ថ្ងៃខែឆ្នាំដដែលនោះ ខណៈពេលជនសង្ស័យបានឲ្យជនរងគ្រោះខ្ចីលុយ ហើយណាត់គ្នាទៅជួបកន្លែងស្ងាត់ រួចក៏ធ្វើសកម្មភាពចាប់រំលោ.ភសេពសន្ថវៈតែម្តងទៅ ។
បើតាមការរៀបរាប់របស់ជនរងគ្រោះឲ្យសមត្ថកិច្ចដឹងទៀតថា ករណីខាងលើនេះ មិនមែនតែមួយលើកទេ គឺជាច្រើនលើកមកហើយ ឲ្យតែជនរងគ្រោះខ្វះខាតលុយកាក់ ត្រូវការទៅខ្ចីលុយពីជនសង្ស័យនោះដូចទៅប្រគល់ខ្លួនឲ្យគេរំលោ.ភដែរ ។
ក្រោយពីទទួលបានពាក្យបណ្តឹងពីជនរងគ្រោះភ្លាម កម្លាំងសមត្តកិច្ចប៉ុស្តិ៍សហការជាមួយផ្នែកជំនាញផ្នែកព្រហ្មទណ្ឌខណ្ឌដូនពេញ បានចុះទៅដល់កន្លែងកើតហេតុ ក៏ឃើញជនសង្ស័យ រួចក៏ឃាត់ខ្លួននាំទៅប៉ុស្តិ៍នគរបាលរដ្ឋបាលស្រះចក ដើម្បីធ្វើការសាកសួរតែម្តង ។ នៅចំពោះមុខសមត្ថកិច្ចជនសង្ស័យឈ្មោះ BUI VA N BUT ក៏បានសារភាពថា «ខ្លួនពិតជាបានរួមភេទជាមួយជនរងគ្រោះនៅរោងកម្មករសំណង់បានសម្រេចប្រាកដមែន និងកន្លងមកខ្លួនក៏ធ្លាប់បានរួមភេទជាមួយនាង២លើកដែរ តែមិនចាំថ្ងៃ ក្នុងខែវិច្ឆិកា ឆ្នាំ២០២១ នេះ» ។
ដោយយោងទៅលើពាក្យបណ្តឹងរបស់ជនរងគ្រោះ និងចម្លើយសារភាពរបស់ជនសង្ស័យ ពិតជាមានភាពស៊ីសង្វាក់ពាក់ព័ន្ធបទល្មើសរំលោ.ភសេពសន្ថវៈនោះ សមត្ថកិច្ចក៏បានកសាងសំណុំរឿងជនសង្ស័យបញ្ជូនទៅកាន់សាលាដំបូងរាជធានីភ្នំពេញ តាមនីតិវិធី ដែលសំណុំរឿងនេះបានស្ថិតនៅលោក ស៊ិត វណ្ណៈ ព្រះរាជអាជ្ញារង (ប្រចាំការ) អមសាលាដំបូងរាជធានីភ្នំពេញ បើកការស៊ើបសួរ ៕
ចែករំលែកព័តមាននេះ