Erotikaland ឬឧទ្យានសិចនឹងបើកជាផ្លូវការនៅឆ្នាំ២០១៨ ។ ឧទ្យាននេះនឹងមានកន្លែងទស្សនាភាពយន្តកម្រិត 7D ទីតាំងរថយន្តបុកគ្នា (Bumper Cars) មានរាងជាប្រដាប់ភេទ និងអាងហែលទឹកអាក្រាត ។ តម្លៃចូលក្នុងឧទ្យានសិចគឺ១០០ដុល្លារសម្រាប់មនុស្សម្នាក់ ព្រមទាំងផ្តល់ឱ្យអ្នកទស្សានាទៅកាន់ហាងសម្រើប ។ ទោះជាយ៉ាងណាក្តី ការរួមភេទមិនត្រូវគេអនុញ្ញាតនៅក្នុងឧទ្យាននោះទេ ថ្វីបើឧទ្យានដាក់ឈ្មោះថា «ឧទ្យានសិច» ក៏ដោយ ប៉ុន្តែគេអាចរួមរ័កក្នុងសណ្ឋាគារក្បែរផ្លូវបាន ។
ប្រេស៊ីលត្រូវពិភពលោកទទួលស្គាល់ថា ជាប្រទេសមានអ្នករាំរបាំស្លៀកឈុតខ្លីស្តើង និងបិទបាំងកេរ្តិ៍ខ្មាសតែបន្តិចបន្តួចប៉ុណ្ណោះ នោះគឺរបាំសាំបា ប៉ុន្តែការកម្សាន្តបច្ចុប្បន្នក្នុងប្រទេសត្រូវគេធ្វើឱ្យកាន់តែសប្បាយពុះ កញ្ជ្រោលឡើងៗ។ អ្នកអភិវឌ្ឍគម្រោងឧទ្យាននោះសង្ឃឹមថា វានឹងសាងសង់ក្បែរទីក្រុង Piracicaba ប្រហែលជាធ្វើដំណើរពីរម៉ោងពីក្រុងសៅប៉ូឡូ ហើយវានឹងលេចរូបរាងនៅឆ្នាំ២០១៨ ។ ដើម្បីទាក់ទាញឱ្យអ្នកទស្សនាទៅលេងក្នុងឧទ្យាននោះ ពួកគេនឹងជ្រើសរើសយកនារីស្រស់ស្អាត និងបុរសសង្ហានៅចាំរាំ ព្រមទាំងធ្វើកាយវិការទាក់ទាញភ្ញៀវ ។
យោងតាមលោក Matheus Erler ជាសមាជិកគណបក្សសង្គមនិយមគ្រីស្ទាន និងជាថ្នាក់ដឹកនាំនៃក្រុមប្រឹក្សាក្រុង Piracicaba និយាយទៅកាន់កាសែតញូវយ៉កថែមស៍ថា «ពួកយើងមិនអាចធ្វើឱ្យទីក្រុងក្លាយទៅជាទីតាំងសិចទេ ។ អ្វីដែលជាក្តីបារម្ភខ្លាំងបំផុតរបស់យើងគឺ ឧទ្យានសិចនឹងទាក់ទាញបុគ្គលថោកទាបដែលពួកគេគិតថា វានឹងបម្រើផ្លូវភេទដល់ពួកគេទៅវិញ ។ ទោះជាយ៉ាងណាក្តី ក៏ឧទ្យានសិចនឹងបង្កើតការងារចំនួន២៥០ប្រភេទព្រមទាំងលើកកម្ពស់ការរួមភេទដោយសុវត្ថិភាព» ។
Erotikaland ឬឧទ្យានសិចនឹងក្លាយជាឧទ្យានចម្លែកក្នុងចំណោមឧទ្យាន ចម្លែកៗផ្សេងទៀតក្នុងលោក ដូចជាឧទ្យានកម្សាន្ត Bon-Bon Land នៅប្រទេសដាណឺម៉ាក និងឧទ្យាន Shijingshan Amusement Park ដែលគេតែងតែគិតថាជាកន្លែងឌីស្នីឡែងក្លែងក្លាយ ៕
ចែករំលែកព័តមាននេះ