រាជធានីភ្នំពេញ ៖ កំពតជាគោលដៅទេសចរណ៍សំខាន់មួយរបស់កម្ពុជា ។ ស្របពេលដែលផ្លូវជាតិលេខ ៣ បានជួសជុលកែលម្អយ៉ាងស្អាត ការធ្វើដំណើរទៅកាន់ខេត្តកំពត និងខេត្តកែប មានលក្ខណៈកាន់តែងាយស្រួល ។ ប្រធានមន្ទីរទេសចរខេត្តកំពត លោក សយ ស៊ីណុល បានឱ្យដឹងថា វាពិតជាមានសារសំខាន់ខ្លាំងណាស់ក្នុងដំណាក់កាលនៃការស្តារវិសយ័ទេសចរណ៍ទ្បើងវិញក្រោយពីវិបត្តិកូវីដ ១៩ នៅកម្ពុជាមានភាពធូរស្រាល ដោយចាប់ផ្តើមពីការពង្រឹងគុណភាពសេវាកម្មទេសចរផ្ទៃក្នុង ។
លោកបានបញ្ជាក់ថា វិស័យទេសចរណ៍ត្រូវបានទ្រុឌទ្រោមដោយសារជំងឺឆ្លងសកលកូវីដ ១៩ ហើយផ្តើមពីនោះវិសយ័ផ្សេងៗទៀតក៏រងផលប៉ះពាល់ធ្ងន់ធ្ងរផងដែរ ។ លោកថា ការដាក់ចេញនូវនយោបាយពង្រឹងទេសចរផ្ទៃក្នុងរបស់លោករដ្ឋមន្ត្រីទេសចរណ៍ ពិតជាបានរួមចំណែកយ៉ាងសំខាន់ដល់ការស្តារវិសយ័សេដ្ឋកិច្ច ជីវភាពរបស់ប្រជាពលរដ្ឋទ្បើងវិញផង និងការស្តារវិសយ័ផ្សេងៗទៀតផងដែរ ព្រោះថា វិសយ័ទេសចរណ៍មានការពាក់ពន្ធ័នឹងវិសយ័ជាច្រើនទៀត ។ ដូច្នេះអាចនិយាយថា បើវិសយ័ទេសចរណ៍ធ្លាក់ចុះ ឬប្រឈមនឹងវិបត្តិនោះ វិសយ័ផ្សេងជាច្រើនទៀតក៏រងការប៉ះពាល់ផងដែរ ។
ជាការកត់សម្គាល់កាលពីបុណ្យអុំទូក និងឱកាសចុងសប្ដាហ៍នាពេលកន្លងមកថ្មីៗនេះ អ្នកទេសចរផ្ទៃក្នុងជាង ១ លានបានចេញដើរកម្សាន្ត នៅក្នុងនោះខេត្តកំពត ទទួលបានភ្ញៀវទេចរជាង ១០ ម៉ឺននាក់ ។ លោក ថោង ខុន រដ្ឋមន្ត្រីក្រសួងទេសចរណ៍បានបញ្ជាក់ថា លំហូរភ្ញៀវទេសចរជិតមួយសប្តាហ៍នោះ នោះបានបង្កើតបាននូវចរន្តសេដ្ឋកិច្ចដ៏សំខាន់សម្រាប់សេដ្ឋកិច្ចជាតិ និងសេដ្ឋកិច្ចមូលដ្ឋាន ពិសេសសម្រាប់វិស័យឯកជន និងប្រជាពលរដ្ឋទូទៅ ខណៈដែលប្រតិបត្តិករទេសចរណ៍នានាបានប្រមើលមើលពីកាលានុវត្តភាពនៃការងើបឡើងដ៏រហ័សនៃវិស័យទេសចរណ៍ ។ លោករដ្ឋមន្ត្រីបញ្ជាក់ថា ចរន្តភ្ញៀវទេសចរដ៏ផុសផលនេះ បានបង្ហាញផងដែរថា មូលដ្ឋានអាជីវកម្ម ផ្នែកឯកជន និងអ្នករកទទួលទានក្នុងវិស័យទេសចរណ៍បានត្រៀមខ្លួនរួចរាល់ក្នុងការចូលរួមស្តារ និងលើកកម្ពស់វិស័យទេសចរណ៍ក្រោយវិបត្តិជំងឺកូវីដ-១៩ ។
លោក សយ ស៊ីណុល និយាយថា ប្រសិនបើវិសយ័ទេសចរណ៍ងើបទ្បើងវិញនោះ វិសយ័ផ្សេងៗទៀតក៏ងើបដូចគ្នា ។ «នយោបាយស្តារ និងពង្រឹងគុណភាពសេវាកម្មទេសចរណ៍ផ្ទៃក្នុងជាមុនសិន ព្រោះថា មានតែការបោះជំហ៊ានពង្រឹងសេវាកម្មទេសចរផ្ទៃក្នុងប៉ុណ្ណោះ ដើម្បីជាការបង្ហាញនូវទំនុកចិត្តភ្ញៀវទេសចរបរទេស និងទាក់ទាញភ្ញៀរបរទេសឲ្យមកសម្រាកកម្សាន្តនៅកម្ពុជា ៕
ចែករំលែកព័តមាននេះ