រាជធានីភ្នំពេញ ៖ ក្រុមសមាជិកសភាគណបក្សសង្គ្រោះជាតិ ប្រកាសនៅក្នុងសេចក្តីថ្លែងការណ៍ថ្ងៃទី០៤ ឧសភានេះថា តំណាងរាស្ត្រគណបក្សសង្គ្រោះជាតិ នឹងមិនចូលទៅតុលាការតាមដីកាកោះរបស់អយ្យការអម
រាជធានីភ្នំពេញ ៖ ក្រុមសមាជិកសភាគណបក្សសង្គ្រោះជាតិ ប្រកាសនៅក្នុងសេចក្តីថ្លែងការណ៍ថ្ងៃទី០៤ ឧសភានេះថា តំណាងរាស្ត្រគណបក្សសង្គ្រោះជាតិ នឹងមិនចូលទៅតុលាការតាមដីកាកោះរបស់អយ្យការអមសាលាដំបូងរាជធានីភ្នំពេញនោះទេ ព្រោះសមាជិកសភាគណបក្សសង្គ្រោះជាតិយល់ថា ការចេញដីកាកោះហៅតំណាងរាស្ត្រដែលមានអភ័យឯកសិទ្ឋិ ត្រូវមានការយល់ព្រមពីរដ្ឋសភា ឬគណៈកម្មាធិការអចិន្ត្រៃយ៍របស់រដ្ឋសភាក្នុងចន្លោះសម័យប្រជុំនៃរដ្ឋសភា វៀរលែងតែក្នុងករណីបទល្មើសព្រហ្មទណ្ឌជាក់ស្តែង ។
នៅក្នុងសេចក្តីថ្លែងការណ៍ដែលចាត់ទុកការចេញដីកាកោះហៅតំណាងរាស្ត្រគណបក្សសង្គ្រោះជាតិពីសំណាក់អយ្យការអមសាលាដំបូងរាជធានីភ្នំពេញថាជាការបំពានច្បាប់រដ្ឋធម្មនុញ្ញនោះ សមាជិកសភាគណបក្សសង្គ្រោះជាតិក៍បានស្នើឲ្យស្ថាប័នអយ្យការបញ្ឈប់ជាបន្ទាន់នូវរាល់ការចេញដីកាកោះហៅតំណាងរាស្ត្រដែលមានអភ័យឯកសិទ្ឋិសភានិងស្នើឲ្យស្ថាប័នតុលាការគ្រប់ជាន់ថ្នាក់គោរពរដ្ឋធម្មនុញ្ញដែលជាច្បាប់កំពូលរបស់ជាតិ ៕
ចែករំលែកព័តមាននេះ