ច្បាប់ធម្មជាតិពិតជាយុត្តិធម៌ណាស់ ដែលបានកំណត់ថា អ្វីៗគ្រប់យ៉ាងគឺសុទ្ធតែមានការប្រែប្រួល និងផ្លាស់ប្ដូរជានិច្ច ទាំងយើងខ្លួនឯង ទាំងមនុស្សជុំវិញខ្លួន ទាំងមជ្ឈដ្ឋានជុំវិញយើង ទាំងរុក្ខជាតិ ទាំងបរិបទសង្គម និងទូទាំងសកលលោកទាំងមូល…
ច្បាប់ធម្មជាតិពិតជាយុត្តិធម៌ណាស់ ដែលបានកំណត់ថា អ្វីៗគ្រប់យ៉ាងគឺសុទ្ធតែមានការប្រែប្រួល និងផ្លាស់ប្ដូរជានិច្ច ទាំងយើងខ្លួនឯង ទាំងមនុស្សជុំវិញខ្លួន ទាំងមជ្ឈដ្ឋានជុំវិញយើង ទាំងរុក្ខជាតិ ទាំងបរិបទសង្គម និងទូទាំងសកលលោកទាំងមូល សុទ្ធតែមានការផ្លាស់ប្ដូរប្រែប្រួលជានិច្ច វាជាច្បាប់សកលទៅហើយឬហៅថា ច្បាប់វដ្ដធម្មជាតិ ។
តែរឿងដែលសំខាន់ថាតើយើងត្រៀមខ្លួនព្រមទទួលយកនូវរាល់ការប្រែប្រួល ការផ្លាស់ប្ដូរទាំងអស់នេះហើយឬនៅ ? បើតាមច្បាប់សកលលោក ទោះជាយើងទទួលយកក្តី ឬមិនទទួលយកការណ៍ពិតក្តីក៏មិនអាចរារាំងច្បាប់នេះមិនឱ្យដំណើរការបានដែរ ។
ទោះបីការប្រែប្រួល ផ្លាស់ប្ដូរយើងមិនអាចហាមឃាត់បានមែន តែយើងក៏អាចជ្រើសរើសសម្រាប់ការធ្វើឱ្យខ្លួនឯងទៅជាអ្វីបាននៅពេលអនាគដែរ បើយើងតាំងចិត្តថានឹងយកឥទ្ធិបាទធម៌ទាំងបួនជាលម្អាននៃជីវិតពិតប្រាកដ ។
ខ្ញុំត្រៀមខ្លួនជាស្រេចដើម្បីទទួលយកនូវការប្រែប្រួលផ្លាស់ប្ដូរទាំងអស់ដែលកើតមានឡើង ត្រៀមខ្លួនជាស្រេចដើម្បីទទួលយកការផ្លាស់ប្ដូរដ៏ធំនៅក្នុងជីវិតនេះ ៕ សាន សារិន
ចែករំលែកព័តមាននេះ