នរវិទូចិត្តវិជ្ជាបានសិក្សាថា មនុស្សកើតឆ្នាំខាលមានលក្ខណសម្បត្តិ គឺភាពស្មោះត្រង់ អាចទុកចិត្តបាន រហ័សរហួន ភាពឆ្លាតវៃ និងជាអ្នកមានការប្រុងប្រយ័ត្នខ្ពស់ ។ មនុស្សកើតឆ្នាំខាលមិនងាយនឹងទទួលយកមិត្តថ្មីដោយងាយៗឡើយ ។…
នរវិទូចិត្តវិជ្ជាបានសិក្សាថា មនុស្សកើតឆ្នាំខាលមានលក្ខណសម្បត្តិ គឺភាពស្មោះត្រង់ អាចទុកចិត្តបាន រហ័សរហួន ភាពឆ្លាតវៃ និងជាអ្នកមានការប្រុងប្រយ័ត្នខ្ពស់ ។ មនុស្សកើតឆ្នាំខាលមិនងាយនឹងទទួលយកមិត្តថ្មីដោយងាយៗឡើយ ។ ទោះជាយ៉ាងណានៅពេលដែលឆ្នាំខាលទទួលយកមិត្តណាម្នាក់មកជាដៃគូហើយ លុះណាតែគេបានសិក្សាពីចរិតលក្ខណៈបុគ្គលនោះច្បាស់លាស់ជាមុនសិន ដូច្នេះនៅពេលពួកគេក្លាយជាមិត្តនឹងគ្នាហើយតែងតែស្មោះត្រង់នឹងគ្នា ហើយតែងតែគាំទ្រគ្នាទៅវិញទៅមក ។ អ្នកឆ្នាំខាលគឺជាមនុស្សស្មោះត្រង់ ស្រលាញ់ដោយស្មោះ និងជាគ្រួសារដែលអាចទុកចិត្តបាន សូម្បីតែដៃគូការងារ អាជីព និងស្នេហាក្ដី ។
ដៃគូស្នេហាល្អបំផុតសម្រាប់ឆ្នាំខាលគឺឆ្នាំកុរ និងម្សាញ់ ។ នៅពេលពួកគេចាប់ដៃគ្នាជាគូជីវិតពេលណានឹងនាំឱ្យដំណើរជីវិតប្រព្រឹត្តដោយល្អប្រពៃ រាសីខ្ពស់ដូចព្រះឥន្ទ មានវាសនាសោយសម្បត្តិសុខពេញមួយជីវិត ។
ដៃគូការងារល្អបំផុតគឺ ឆ្នាំច ថោះ និងមមី ដរាបណាមនុស្សឆ្នាំខាលសហការជាមួយពួកគេ អាជីពរបស់ពួកគេនឹងទទួលបានជោគជ័យ ។ វក និងរកា ពួកគេទាំងបីត្រូវតែធ្វើការរួមគ្នាដើម្បីសម្រេចបាន តែបើគ្មានការចូលរួមរបស់អ្នកឆ្នាំរកាទេ កិច្ចសហប្រតិបត្តិការរវាង ខាល និងវកមិនមានភាពរលូននោះឡើយ ។
ចំណែកដៃគូការងារអាក្រក់មាន ឆ្លូវ រោង និងមមែ ។ ខាលនិងរោងមានចរិតផ្ទុយគ្នា ទាំងនិស្ស័យក៏ខុសគ្នា ដូច្នេះការសហការគ្នា គឺមិនចុះសម្រុងគ្នាជាដាច់ខាត ។ ច ឆ្លូវ និងមមែ សុទ្ធសឹងតែគិតពីខ្លួនឯង មិនទុកចិត្តគ្នា ហើយអាចធ្វើឲ្យខូចចិត្តគ្នាទៅវិញទៅមក ដែលនាំឲ្យទំនាក់ទំនងសហការបែកបាក់គ្នា ខូចសាមគ្គី ការងារមិនជោគជ័យ ។
ភាពខ្លាំងនៃអ្នកឆ្នាំខាលគឺ ក្លាហាន ស្មោះត្រង់ ទទួលខុសត្រូវ ឆ្លាត រស់រវើក ។ ឯភាពទន់ខ្សោយគឺ រសើបគឺត្រចៀកស, រឹងរូស, អារម្មណ៍រវើរវាយមិននឹងន ។
បុរសកើតឆ្នាំខាលជាមនុស្សចេះសង្កេត និងមានចិត្តស្មោះត្រង់ជានិច្ច ។ លក្ខណសម្បត្តិមនុស្សឆ្នាំខាលតែងតែធ្វើឲ្យពួកគេពេញនិយមក្នុងចំណោមមិត្តភក្តិ និងមិត្តរួមការងារ ។ ទោះយ៉ាងណាក៏ដោយ ពួកគេអាចឆាប់មានអារម្មណ៍ញាប់ញ័រព្រោះតែមិនអាចទ្រាំទ្រនឹងភាពមិនច្បាស់លាស់ណាមួយបានទេ ។ ភាពរឹងចចេសនឹងផ្តល់លទ្ធភាពឲ្យពួកគេដើរទៅមុខយ៉ាងក្លាហាន និងមិនបោះបង់ដោយងាយឡើយ ។
ចំពោះស្ត្រីដែលកើតឆ្នាំខាលតែងមានការប្រុងប្រយ័ត្នខ្ពស់ ។ វាពិបាកសម្រាប់ពួកគេក្នុងការជឿទុកចិត្តនរណាម្នាក់ដោយងាយស្រួលទេ ប៉ុន្តែពួកគេនឹងព្យាយាមឲ្យអស់ពីសមត្ថភាព ដើម្បីជួយមិត្តភក្តិដែលគួរឲ្យទុកចិត្ត ។ មនុស្សនេះតែងមានទម្លាប់យកចិត្តទុកដាក់ចំពោះគ្រួសារយ៉ាងខ្លាំង ។ តែពេលខ្លះក៏ឆាប់់ឆេវឆាវខឹងសម្បាខ្លះដែរ ប៉ុន្តែភាគច្រើនពួកគេខ្វល់ខ្វាយពីអារម្មណ៍អ្នកដទៃ ហើយស្ទាត់ជំនាញក្នុងការធ្វើការជាមួយមនុស្សគ្រប់គ្នាដោយក្តីរីករាយ ៕ សាន សារិន
ចែករំលែកព័តមាននេះ