រាជធានីភ្នំពេញ ៖ រថយន្តម៉ាកព្រុស ពណ៌ប្រផេះមួយគ្រឿង ដែលត្រូវបានកម្លាំងមានសមត្ថកិច្ចនគរបាលប៉ុស្តិ៍ស្រះចក ប្រទះឃើញយកមកចតទុកចោល កាលពីវេលាម៉ោង១០ព្រឹក ថ្ងៃទី១២ ខែវិច្ឆិកា ឆ្នាំ ២០២១ នៅលើផ្លូវលំមួយកន្លែង ម្តុំផ្លូវរថភ្លើង ដែលស្ថិតនៅក្នុងភូមិ២ សង្កាត់ស្រះចក ខណ្ឌដូនពេញ។
ដោយមានការសង្ស័យពាក់ព័ន្ធអំពើចោរកម្ម កម្លាំងមានសម្ថកិច្ចក៏បានចុះធ្វើការត្រួតពិនិត្យ ហើយក៏ប្រទះឃើញស្លាកលេខចំនួន២បន្ទះ គឺលេខ ភ្នំពេញ ២AW-៥២៤២ ដែលត្រូវគេដោះទុកខាងក្នុង និងធ្វើការបង្ហោះតាម facebook ដើម្បីស្វែងរកម្ចាស់ ប៉ុន្តែមិនបានប៉ុន្មានម៉ោងផង ក៏ស្រាប់តែកម្លាំងមានសមត្ថកិច្ចខណ្ឌពោធិ៍សែនជ័យ បានធ្វើការទំនាក់ទំនងមក និងទទួលយករថយន្តមួយគ្រឿងទៅប្រគល់អោយម្ចាស់ដើមវិញ។
តាមប្រភពពីនគរបាលប៉ុស្តិ៍ស្រះចក បានប្រាប់ឱ្យដឹងថា មុនពេលកើតហេតុ គេបាបប្រទះឃើញរថយន្តម៉ាកព្រុស ពណ៌ប្រផេះមួយគ្រឿង គ្មានស្លាកលេខ ដែលត្រូវបានជនមិនស្គាល់អត្តសញ្ញាណបើកយកមកចតទុកចោលមិនដឹងពីតាំងពីពេលណានោះទេ លុះដល់ម៉ោងប្រមាណជា១០ព្រឹកទៅហើយ នៅតែមិនឃើញមានអ្នកណាម្នាក់បើកយកចេញសោះ។
ប្រភពដដែលបន្តថា ដោយមានការសង្ស័យ កម្លាំងរបស់លោកក៏បានទៅធ្វើការត្រួតពិនិត្យ ហើយក៏រកឃើញមានស្លាកលេខរថយន្តចំនួន២បន្ទះ ដែលត្រូវគេដោះទុកខាងក្នុង ដោយមានលេខ ភ្នំពេញ២AW-៥២៤២ និងសង្ស័យថា ពាក់ព័ន្ធអំពើរចោរកម្ម ក៏ធ្វើការបង្ហោះលើបណ្តាញសង្គម Facebook សួររកម្ចាស់ផងដែរ។
តាមប្រភពដដែលបានប្រាប់បន្តទៀតថា ក្រោយពីកម្លាំងនគរបាលប៉ុស្តិ៍ស្រះចករបស់លោកធ្វើការបង្ហោះរថយន្តម៉ាកព្រុសមួយគ្រឿង និងស្លាកលេខរថយន្តទាំង២បន្ទះខាងលើនេះ មិនបានប៉ុន្មានម៉ោងផង ក៏ស្រាប់តែមានកម្លាំងនគរបាលខណ្ឌពោធិ៍សែនជ័យ ធ្វើការទំនាក់ទំនងមកកាន់ពួកលោកភ្លាមៗនាព្រឹកថ្ងៃដដែលនោះ ដោយបានបញ្ជាក់ថា រថយន្តម៉ាកព្រុស ពណ៌ប្រផេះ ពាក់ស្លាកលេខភ្នំពេញ ២AW-៥២៤២ មួយគ្រឿងនេះ ត្រូវបានចោរលួចចេញពីសង្កាត់ចោមចៅទី៣ ក្នុងខណ្ឌពោធិ៍សែនជ័យ កាលពីយប់មិញ និងយកមកប្លុងចោលនៅក្នុងសង្កាត់ស្រះចក ខណ្ឌដូនពេញ ទើបបានមកទទួលយករថយន្តនោះទៅប្រគល់អោយម្ចាស់វិញផងដែរ។
គួរបញ្ជាក់ថា ៖ ចតរថយន្តមុខផ្ទះ! ស្ត្រីម្នាក់ដើរទៅមើលលើកទី១ឃើញ លុះអើតមើលលើកទី២ផ្អើលឆោឡោ ៕
ចែករំលែកព័តមាននេះ