ភូមិមួយនៅចក្រភពអង់គ្លេសល្បីមានខ្មោចលងខ្លាំងបំផុត
ភូមិតូចមួយឈ្មោះ Pluckley ក្នុងក្រុង Kent ស្ថិតនៅភាគខាងកើតឆៀងខាងត្បូង ចក្រភពអង់គ្លេសបានទទួលរហស្សនាមពីសៀវភៅកំណត់ត្រាប្រវត្តិសាស្ត្រពិភពលោក (Guinness World Record) ថា
ភូមិតូចមួយឈ្មោះ Pluckley ក្នុងក្រុង Kent ស្ថិតនៅភាគខាងកើតឆៀងខាងត្បូង ចក្រភពអង់គ្លេសបានទទួលរហស្សនាមពីសៀវភៅកំណត់ត្រាប្រវត្តិសាស្ត្រពិភពលោក (Guinness World Record) ថា
ភូមិតូចមួយឈ្មោះ Pluckley ក្នុងក្រុង Kent ស្ថិតនៅភាគខាងកើតឆៀងខាងត្បូង ចក្រភពអង់គ្លេសបានទទួលរហស្សនាមពីសៀវភៅកំណត់ត្រាប្រវត្តិសាស្ត្រពិភពលោក (Guinness World Record) ថាជាភូមិមានខ្មោចលងខ្លាំងបំផុតនៅឆ្នាំ ១៩៨៩ ។
ដំណើររឿងខ្មោចលងនៅភូមិ Pluckley កើតឡើងដោយសារវិញ្ញាណចំនួន២ គឺវិញ្ញាណរបស់នារី Gypsy និងចោរម្នាក់ នៅក្នុងកំណត់ហេតុការណ៍ឆ្នាំ១៩៥៥ ។ ចាប់តាំងពីពេលនោះមក ភូមិ Pluckley ត្រូវបានគេស្គាល់ថា ជា «ភូមិខ្មោច» និងក្លាយជាទីកន្លែងដែលបណ្តាអ្នកដេញខ្មោច នាំគ្នាស្វែងរកការណ៍ពិតឲ្យខាងតែបាន ។
រឿងរ៉ាវរបស់ស្ត្រី Gypsy គេនិយាយ តៗគ្នាថា នាងជាអ្នកលក់បន្លែដែលស្លាប់បាត់បង់ជីវិត ព្រោះត្រូវភ្លើងឆេះក្នុងឧប្បត្តិហេតុលើស្ពាន Pinnock ។ ស្ពាននោះជាទីតាំងដែលមានមនុស្សធ្លាប់ឃើញវិញ្ញាណរបស់នាង Gypsy គ្រប់ពេល ។
អ្នកដែលធ្លាប់ឃើញបញ្ជាក់ថា ខ្មោចស្រីនោះនៅកន្លែងធ្លាក់អ័ព្ទ និងរមែងអង្គុយជក់ខ្សៀលើបង្កាន់ដៃស្ពាន ។
ចំណែកវិញ្ញាណម្នាក់ទៀត ដែលចុះផ្សាយក្នុងកំណត់ហេតុ គឺចោរប្លន់នៅតាមផ្លូវ ដោយមានមនុស្សប្រទះឃើញនៅតំបន់ «Fright Corner» ភាគខាងរបស់ភូមិ ។ រឿងរ៉ាវនៃដួងវិញ្ញាណចោររូបនេះគ្មាននរណាម្នាក់ដឹងព័ត៌មានលំអិតទេ ។ គេគ្រាន់តែដឹងថា ចោរនោះត្រូវគេលួចវាយប្រហារ និងកាប់ដោយកាំបិតបណ្តាលឲ្យស្លាប់ ។ ខ្លះទៀតនិយាយថា ចោរនោះត្រូវគេចងនៅដើមសែន (Osk) រួចកាត់សាច់ជា ចំណិតៗ ។ អ្នកខ្លះនិយាយថា ចោរចូលទៅលាក់ខ្លួននៅគល់ដើមសែន ហើយត្រូវគេចាក់ស្លាប់តែម្តង ។
ដួងវិញ្ញាណរបស់ចោររូបនោះ បង្ហាញឲ្យឃើញនៅកណ្តាលផ្លូវ និងមានបង្ហាញឈុតឆាកនៃការធ្វើឃាតជាញឹកញាប់ ។
ក្រៅពីនេះមានរឿងរ៉ាវនៃវិញ្ញាណជាច្រើនទៀតនៅក្នុងភូមិ ដូចជាមានខ្មោចស្រីម្នាក់ឈ្មោះ «Red Lady» ដើរវង្វេងរករណ្តៅសពកូនប្រុសនៅទីប៉ាឆា «St Nicholas» ។ នៅមានវិញ្ញាណរបស់មេទ័ពម្នាក់ទៀតដែលធ្វើអត្តឃាតដោយចងក នៅឧទ្យានសាធារណៈ «Parkwood» ធ្វើឲ្យវិញ្ញាណរបស់គេនៅវិលវល់ក្នុងឧទ្យានគ្រប់ពេលវេលា និងចាត់ទុកថាជារឿងរ៉ាវខ្មោចលងរបស់ភូមិ Pluckley ដែលមានការនិយាយ តៗគ្នារហូតដល់បច្ចុប្បន្ន ៕
ចែករំលែកព័តមាននេះ