រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានប្រកាសអនុញ្ញាតឲ្យរៀបចំរៀបអាពាហ៍ពិពាហ៍ដោយមានមនុស្សចូលរួមប្រមាណ២០០នាក់ ស្មើ២០តុ មិនគិតអ្នកចុងភៅ អ្នកភ្លេង និងភ្នួងជាដើម ។…
រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានប្រកាសអនុញ្ញាតឲ្យរៀបចំរៀបអាពាហ៍ពិពាហ៍ដោយមានមនុស្សចូលរួមប្រមាណ២០០នាក់ ស្មើ២០តុ មិនគិតអ្នកចុងភៅ អ្នកភ្លេង និងភ្នួងជាដើម ។
ថ្លែងក្នុងពិធីបើកសម្ពោធដាក់ដំណើរការទីស្តីការក្រសួងរៀបចំដែនដី នគររូបណីយកម្ម និងសំណង់ នាព្រឹកថ្ងៃទី៨ វិច្ឆិកា ឆ្នាំ២០២១សម្តេចតេជោហ៊ុន សែន នាយករដ្ឋមន្ត្រីបានគូសបញ្ជាក់ថា ៖«ខ្ញុំបញ្ជាក់រៀបការអនុញ្ញាតឲ្យចូលរួមច្រើនបំផុត២០០នាក់ តែមិនគិតចំពោះអ្នកបំរើសេវា ។ ក្នុងហ្នឹងបើមិនអីចឹងអនុវត្តអត់បានទេ សេវាមានក្រុមចុងភៅ ក្រុមភ្លេង អាចារ្យ អ្នកថតរូប បើយកទៅគិតក្នុង២០០នាក់ដែរ អីញ្ចឹងភ្ញៀវអស់ហើយ ដូច្នេះអាចគិតក្នុងរង្វង់២៦០នាក់» ។
សម្តេចក៏បានលើកឡើងថា ចំនួនអ្នករៀបចំពិធីការទាំងម្ចាស់ដើមការជាង២០០នាក់នេះល្មមសមហើយ ។ ទោះបីជាបើកអនុញ្ញាតឲ្យក្តី តែយើងនឹងតាមដានបន្ថែមចំពោះករណីឆ្លងជំងឺនេះកូវីដ ។ បើសិនយើងអាចធ្វើបានយើងនឹងធ្វើពិធីធំទៀត ។
ជាមួយគ្នានោះដែរ សម្តេចតេជោ ក៏បានលើកឡើងថា នៅថ្ងៃក្រោយពេលអស់ជំងឺកូវីដ១៩ អាចរៀបចំពិធីរៀបការម្តងទៀតឲ្យមានទំហំក៏បាន វាមិនទាស់ខុសទេ ដោយហៅភ្ញៀវទទួលអាហារ ឬចែកវេនគ្នា ។
សម្តេចបន្ថែមការធ្វើបែបនេះ ដើម្បីបែងចែកវេនភ្ញៀវម្តង២០០នាក់ និងម្តងទៀត២០០នាក់ទៀត ។ សម្តេចក៏បានលើកឡើងថា ៖«យើងកំពុងតែបើកប្រទេសឡើងវិញហើយ ប៉ុន្តែការ៉ាអូខេ ខេធីវី ឌីកូតែក …រង់ចាំក្រោយថ្ងៃ៣០វិច្ឆិកា ។ ខ្ញុំសម្រេចយប់មិញ អត្រាឆ្លងជំងឺកូវីដ១៩ គឺធ្លាប់ចុះ ។ យើងបើកសាលារៀនឡើងវិញ មានមនុស្សជាង៣ម៉ឺននាក់ចូលរួម ហើយករណីឆ្លងតិចតូច ។ ចំណុចនេះ មកពីបងប្អូនព្រមទទួលយកវ៉ាក់សាំងបង្ការជំងឺកូវីដ១៩ ក្នុងពេលពួកប្រឆាំងមិនទទួលយក»។
សម្តេចថា បើសិនបងប្អូនមិនទទួលវ៉ាក់សាំងទេ ច្បាស់ជាមកដល់ពេលនេះមិនទាន់មានការបើកដំណើរប្រទេសឡើងវិញទេ ៕
ចែករំលែកព័តមាននេះ