ខេត្តក្រចេះ ៖ បងប្អូនជនជាតិដើមភាគតិចនៅភូមិសង្គម ឃុំសណ្ដាន់ ស្រុសំបូរ ខេត្តក្រចេះ បានស្នើសុំអោយអាជ្ញាធរស្រុកសំបូរជួយពន្លឿនក្នុងការដោះស្រាយបញ្ហាដីធ្លីទីទួលកប់ខ្មោ.ច ដែលពួកគាត់បម្រុងទុកក្នុងសហគមន៍ត្រូវបានគេឈូសឆាយ ។…
ខេត្តក្រចេះ ៖ បងប្អូនជនជាតិដើមភាគតិចនៅភូមិសង្គម ឃុំសណ្ដាន់ ស្រុសំបូរ ខេត្តក្រចេះ បានស្នើសុំអោយអាជ្ញាធរស្រុកសំបូរជួយពន្លឿនក្នុងការដោះស្រាយបញ្ហាដីធ្លីទីទួលកប់ខ្មោ.ច ដែលពួកគាត់បម្រុងទុកក្នុងសហគមន៍ត្រូវបានគេឈូសឆាយ ។
លោក ខា សុខុម តំណាងបងប្អូនប្រជាពលរដ្ឋជនជាតិដើមភាគតិច នៅក្នុងសហគមន៍ បានស្នើសុំឲ្យអាជ្ញាធរ ជួយរកដំណោះស្រាយដើម្បីរក្សាទុកដីទីទួលកប់ខ្មោច និងជាទីតាំងសម្រាប់សត្វគោ ក្របី របស់បងប្អូនប្រជាពលរដ្ឋជនជាតិព្នងនៅតំបន់នោះ ។
ប្រជាពលរដ្ឋថា នៅចុងសប្តាហ៍មុននេះ មានគេយកគ្រឿងចក្រមកភ្ជួរដីបានរំលោភប៉ះមកដល់ដីសហគមន៍ដែលអាជ្ញាធររក្សាទុកអោយជនជាតិដើម ពីព្រោះទីតាំងដីតំបន់នោះមានផ្នូរខ្មោ.ចរបស់ដូនតាពួកគាត់ជាយូរឆ្នាំមកហើយ ។
តាមការអោយដឹងពីអាជ្ញាធរមូលដ្ឋានឃុំសណ្ដាន់បានឲ្យដឹងថា កាលពី២សប្ដាហ៍កន្លងទៅ អាជ្ញាធរភូមិ ឃុំ ស្រុក និងមន្ត្រីជំនាញពាក់ព័ន្ធបានចុះទៅពិនិត្យលើដីទីតាំងនោះរួចទៅហើយ ដើម្បីធ្វើការត្រួតពិនិត្យជាក់ស្តែង វាស់វែងរកដំណោះស្រាយណាមួយសមស្របជូនពួកគាត់ ។
លោកមេឃុំសណ្តាន់បានបញ្ជាក់ឱ្យដឹងដែរថា ដីនេះ មានបញ្ហាតាំងពីជំនាន់មេភូមិ និងមេឃុំអាណត្តិមុន ដោយសារពួកគាត់ធ្វើការខុសបច្ចេកទេស មេភូមិ ភូមិបង្កើតថ្មី បានចុះហត្ថលេខាលក់ ខណៈដីនោះមានទីតាំងស្ថិតនៅក្នុងភូមិសង្គម គ្រាន់តែថាភូមិទាំងពីរនេះមានព្រំប្រទល់ជាប់គ្នា ការចុះហត្ថលេខានេះគឺមិនមានការពិនិត្យអោយបានត្រឹមត្រូវ ។
លោកថា អ្នកទិញដីនោះបានទៅធ្វើការកាប់ឆ្ការព្រៃ ក៏ត្រូវបានសមត្ថកិច្ចជំនាញពាក់ព័ន្ធចុះ ចាប់ម៉ាស៊ីនត្រង់សឺន័ររួចម្ដង ហើយ និងឲ្យធ្វើកិច្ចសន្យាបញ្ឈប់ មិនឲ្យធ្វើការកាប់ឆ្ការព្រៃបន្ដទៀត ប៉ុន្តែក្រោយមកដីនោះត្រូវបានគេលក់បន្តទៅឱ្យបុគ្គលផ្សេងមួយទៀត ហើយនៅពេលផ្ទេរលិខិតស្នាមនោះ គេបានយកមកមេឃុំលោកចុះហត្ថលេខាដឹងឮដែរ។ ប៉ុន្តែលោក ត្រួតពិនិត្យលើលិខិតទិញលក់ដីនៅទីតាំងនោះឃើញថា មានភាពមិនប្រក្រតី លោកក៏មិនហ៊ានធ្វើការចុះហត្ថលេខា ទទួលដឹងឮនោះទេ មិនតែប៉ុណ្ណោះគាត់ក៏បានណែនាំប្រាប់ទៅបុគ្គលដែលទិញដីនោះថា កុំឲ្យទិញពីព្រោះក្រែងមានការខាតបង់ ដោយសារដីនេះគឺស្ថិតនៅក្នុងសហគមន៍របស់ជនជាតិដើមភាគតិច មានឯកសារនៅអាជ្ញាធរភូមិឃុំស្រុកដឹងរួចទៅហើយ ។
ចែករំលែកព័តមាននេះ