ករណីប្លន់ប្រដាប់អាវុធ យកម៉ូតូស្គូពីបានសម្រេច
រាជធានីភ្នំពេញ ៖ នៅវេលាម៉ោង១១និង១៥នាទី ថ្ងៃទី០៣ ខែមេសា មានករណីប្លន់ប្រដាប់អាវុធលើនារីពីរនាក់ ដោយជនសង្ស័យប្រដាប់ដោយអាវុធ ភ្ជង់ប្លន់យកម៉ូតូបានសម្រេច ។
រាជធានីភ្នំពេញ ៖ នៅវេលាម៉ោង១១និង១៥នាទី ថ្ងៃទី០៣ ខែមេសា មានករណីប្លន់ប្រដាប់អាវុធលើនារីពីរនាក់ ដោយជនសង្ស័យប្រដាប់ដោយអាវុធ ភ្ជង់ប្លន់យកម៉ូតូបានសម្រេច ។ ករណីប្លន់ខាងលើនេះ កើតឡើងនៅផ្លូវសហព័ន្ធរុស្ស៊ី សង្កាត់ស្រះចក ខណ្ឌដូនពេញ ។
ប្រភពពីសមត្ថកិច្ចបានឱ្យដឹងថា នារីទាំងពីរនាក់ខាងលើបានចេញពីពិធីខួបកំណើតមិត្តភក្ដិនៅមជ្ឈមណ្ឌលកោះពេជ្រ ធ្វើដំណើរតាមដងផ្លូវសហព័ន្ធរុស្ស៊ីក្នុងទិសដៅពីកើតទៅលិច គោលបំណងត្រឡប់ទៅផ្ទះ លុះមកដល់ត្រង់ចំណុចកើតហេតុ ក៏លេខមុខជនសង្ស័យបានជិះម៉ូតូម៉ាក ZoomerX មិនចាំពណ៌ និងស្លាកលេខ តាមពីក្រោយប្រដាប់ដោយអាវុធ បានភ្ជង់ប្លន់ ធ្វើឱ្យនារីរងគ្រោះមានការភិតភ័យយ៉ាងខ្លាំង ក៏បានឈប់ម៉ូតូដោយមិនអាចតដៃបាន ជនសង្ស័យបានយកម៉ូតូជនរងគ្រោះជិះគេចខ្លួនទៅបាត់ស្រមោលតែម្ដង ។
ម៉ូតូដែលជនសង្ស័យយកទៅបាត់ម៉ាកស្គូពី ពណ៌ស ពាក់ស្លាកលេខ ភ្នំពេញ 1BQ-0774 បន្ទាប់មកសមត្ថកិច្ចបានមកដល់ ហើយបានត្រឹមតែយកនារីរងគ្រោះទៅដាក់ពាក្យបណ្ដឹងនៅប៉ុស្ដិ៍តែប៉ុណ្ណោះ ។ គួររំលឹកផងដែរថា ការធ្វើដំណើរនាពេលរាត្រីក្នុងរាជធានីភ្នំពេញ មិនមានសុវត្ថិភាពទេ ហើយនេះមិនមែនជាលើកទី១នោះទេ ៕
ចែករំលែកព័តមាននេះ