ស្ត្រីម្នាក់ឮសំឡេងប្រឹបៗ លុះងើយមើលដំបូល ភ័.យស្លុ.ត ស្ទុះបីកូនរត់ចេញក្រៅ ផ្អើ.លព្រឹកថ្ងៃសីល
រាជធានីភ្នំពេញ ៖ មានករណីប្រទះឃើញសត្វពស់ថ្លាន់ធំមួយក្បាល ចំថ្ងៃសីល នៅចំណុចក្នុងបន្ទប់ជួលមួយកន្លែង ស្ថិតក្នុងភូមិ
រាជធានីភ្នំពេញ ៖ មានករណីប្រទះឃើញសត្វពស់ថ្លាន់ធំមួយក្បាល ចំថ្ងៃសីល នៅចំណុចក្នុងបន្ទប់ជួលមួយកន្លែង ស្ថិតក្នុងភូមិ
រាជធានីភ្នំពេញ ៖ មានករណីប្រទះឃើញសត្វពស់ថ្លាន់ធំមួយក្បាល ចំថ្ងៃសីល នៅចំណុចក្នុងបន្ទប់ជួលមួយកន្លែង ស្ថិតក្នុងភូមិចំរើនផល សង្កាត់បឹងទំពុន ខណ្ឌមានជ័យ រាជធានីភ្នំពេញ បង្កការភ្ញាក់ផ្អើលកាលពីវេលាម៉ោង៧ព្រឹកថ្ងៃទី២៩ តុលា ឆ្នាំ២០២១ ។ នៅពេលមានអ្នកស្នាក់នៅក្នុងបន្ទប់ជួលនេះជួយចាប់ពស់ថ្លាន់ធំនេះចេញពីបន្ទប់ជួល ក៏បានយកទៅដាក់ក្នុងទ្រុងថ្លឹង ឃើញមានទម្ងន់ជិត១៨គីឡូក្រាម ។
បើតាមប្រភពពីស្ត្រីម្នាក់ដែលជាអ្នកស្នាក់នៅបន្ទប់ជួលខាងលើនេះបានឱ្យដឹងថា មុនពេលកើតហេតុ នៅវេលាម៉ោងប្រមាណជា៥ព្រឹកថ្ងៃទី២៩ ខែតុលា ខណៈគាត់កំពុងអង្គុយវេចនំអន្សមនៅក្នុងបន្ទប់ជួលសុខៗ ក៏បានឮសំរឹបដំបូលស័ង្កសីប្រឹបៗ លុះគាត់ងើយមើលដំបូលបន្ទប់ជួល ស្រាប់តែប្រទះឃើញពស់ថ្លាន់១ក្បាលធំ កំពុងពេនពន់នៅជាប់ធ្នឹមដំបូលបន្ទប់ជួល ពេលនោះគាត់ភ័.យខ្លាំងណាស់ ក៏ស្ទុះងើបទៅស្រវាបីកូនតូចម្នាក់ដែលកំពុងដេកលង់លក់លើគ្រែក្នុងមុង រត់ចេញមកក្រៅ និងស្រែកហៅអ្នកនៅជិតខាងអោយមកជួយមើល និងបង្កការផ្អើលឆោឡោតែម្តង ។
បើតាមអ៊ំប្រុសម្នាក់ដែលជាម្ចាស់បន្ទប់ជួលខាងលើបានរៀបរាប់អោយដឹងថា បន្ទាប់ពីមានអ្នកជួលបន្ទប់ផ្អើលឆោឡោប្រទះឃើញពស់មួយក្បាលខាងលើនេះ គាត់ក៏រត់ទៅមើល ក៏ឃើញពស់ថ្លាន់នោះពេនព័ទ្ធជាប់នឹងធ្នឹមបន្ទប់ជួលនៅនឹងថ្កល់អស់រយៈពេលជាច្រើនម៉ោង ដោយមិនកម្រើកខ្លួន ឬរេខ្លួនទៅណាឡើយ ។ បន្ទាប់ពីឃើញបែបនេះ គាត់ក៏មានការភ័.យខ្លា.ច មិនហ៊ានចាប់នោះទេ ដោយសារនឹកឃើញថាជាថ្ងៃសីលផង គាត់ក៏បានទិញចេក១ស្និត និងអុជធូបបន់នៅមុខបន្ទប់ជួលខាងលើនោះ ដើម្បីសុំចាប់ទុកប្រគល់ជូនអាជ្ញាធរ ឬមន្ត្រីជំនាញអភិរក្សសត្វ យកទៅលែងនៅកន្លែងដែលមានសុវត្ថិភាព ។
អ៊ំប្រុសខាងលើបានបន្តថា នៅពេលគាត់ដាក់ចេកសែន និងដុតធូបបន់ ស្រាប់តែពស់១ក្បាលរេខ្លួន រួចវារលូនទៅកាន់បន្ទប់ជួលមួយផ្សេងទៀត ទើបបុរសម្នាក់ដែលជាអ្នកស្នាក់នៅបន្ទប់ជួលខាងលើនោះចាប់បាន និងយកខ្សែច.ងទុក រួចដាក់ចូលក្នុងទ្រុងតែម្តង ។
អ៊ំប្រុសបានបន្តថា នេះជាការប្រទះឃើញសត្វពស់ថ្លាន់បែបនេះ ជាលើកទី២ហើយ ដោយកាលពីពេលបុណ្យកាន់បិណ្ឌ នៅពេលអ្នកស្នាក់នៅជួលបន្ទប់ គេទៅស្រុកអស់ជាច្រើនបន្ទប់ ស្រាប់តែមានពស់ថ្លាន់មួយក្បាលវារមករកស៊ីមាន់របស់គាត់ដែរ នៅពេលឮសូរមាន់ផ្អើល គាត់ក៏រត់ទៅមើល ក៏ប្រទះឃើញពស់ថ្លាន់១ក្បាលបំរុងនឹងចាប់មាន់ស៊ី បន្ទាប់ពីឃើញបែបនេះ គាត់ក៏ហៅអ្នកស្នាក់នៅបន្ទប់ជួលអោយមកជួយមើល បន្ទាប់ពីមានមនុស្សឆោឡោបែបនេះ មិនទាន់ទាំងចាប់ផង ស្រាប់តែពស់នោះផ្អើលចូលលូនៅខាងផ្ទះរបស់គាត់បាត់តែម្តង ។
ពាក់ព័ន្ធនឹងករណីប្រទះឃើញសត្វពស់ថ្លាន់ខាងលើនេះដែរ ម្ចាស់ផ្ទះខាងលើនេះបានសម្តែងការព្រួយបារម្ភពីសុវត្ថិភាពរបស់ខ្លួននិងបងប្អូនអ្នករស់នៅបន្ទប់ជួលផ្សេង ព្រោះលូ និងផ្លូវនៅខាងក្រោយផ្ទះរបស់គាត់មិនមានការធ្វើអោយបានស្អាតបាតនោះទេ ជាហេតុធ្វើអោយមានសត្វពស់ឡើងមកបែបនេះម្តងជាពីរដង ហើយគាត់ក៏អំពាវនាវដល់អាជ្ញាធរអោយជួយធ្វើផ្លូវ និងដាក់លូ នៅចំណុចខាងក្រោយផ្ទះរបស់គាត់ ចៀសវាងមានសត្វពស់បែបនេះឡើងមកចូលផ្ទះគាត់ បង្កហានិយភ័យណាមួយកើតឡើងជាយថាហេតុ ៕
ចែករំលែកព័តមាននេះ