ក្រុមអ្នកវិទ្យាសាស្ត្របាននិយាយថា មានគ្រួសារធំមួយគឺផ្តល់ផលល្អដល់សុខភាពបេះដូងស្ត្រីជាម្តាយ។ អ្នកវិទ្យាសាស្ត្ររបស់អាមេរិកបានរកឃើញថា ស្ត្រីដែលធ្លាប់មានផ្ទៃពោះចាប់ពី៤ដងឡើងទៅប្រឈមនឹងការស្លាប់
ក្រុមអ្នកវិទ្យាសាស្ត្របាននិយាយថា មានគ្រួសារធំមួយគឺផ្តល់ផលល្អដល់សុខភាពបេះដូងស្ត្រីជាម្តាយ។ អ្នកវិទ្យាសាស្ត្ររបស់អាមេរិកបានរកឃើញថា ស្ត្រីដែលធ្លាប់មានផ្ទៃពោះចាប់ពី៤ដងឡើងទៅប្រឈមនឹងការស្លាប់ដោយជំងឺបេះដូងតិចជាងស្ត្រីដែលមិនធ្លាប់មានកូនសោះ ។
ការសិក្សាលើស្ត្រីអស់រដូវប្រមាណ១៣០០នាក់មកពីរដ្ឋកាលីហ្វ័រនីញ៉ាភាគខាងត្បូងបានរកឃើញថា ប្រសិទ្ធភាពដ៏ចម្បងនោះគឺទប់ស្កាត់ជំងឺដាច់សរសៃឈាមក្នុងខួរក្បាល។ ស្ត្រីដែលជាអ្នកម្តាយមកពីគ្រួសារធំ(គ្រួសារមានកូនច្រើន)ប្រឈមនឹងការស្លាប់ដោយជំងឺប្រភេទនេះតែពាក់កណ្តាលប៉ុណ្ណោះ។
ក្រុមអ្នកស្រាវជ្រាវមកពីសាកលវិទ្យាល័យUniversity of California ក្រុង San Diegoសហរដ្ឋអាមេរិកបាននិយាយថា កម្រិតដ៏ខ្ពស់នៃអ័រម៉ូនធ្វើឲ្យមានផ្ទៃពោះប្រហែលជាអាចបន្សល់ទុកនូវផលប្រយោជន៍ចំពោះសរសៃឈាមរយៈពេលយូរ ។ ពួកគេបានបន្ថែមថា ស្ត្រីដែលមានកូនច្រើនប្រហែលជាអាចទទួលបានការគាំទ្រដ៏ធំធេងមួយពីសង្គមក្នុងខណៈដែលពួកគេមានវ័យចាស់ ។
អ្នកដឹកនាំការស្រាវជ្រាវ Marni Jacobsបានសរសេរនៅក្នុងព្រឹត្តិបត្រ Fertility and Sterility ថា បណ្តាស្ត្រីដែលបានចូលរួមក្នុងការពិសោធន៍លើកនេះមានការប្រឈមនឹងការស្លាប់ដោយជំងឺបេះដូងតិចតួចបំផុតប្រសិនជាពួកគេធ្លាប់មានផ្ទៃពោះច្រើនជាង៤ដង ។
ចំណែកសាស្ត្រាចារ្យ Donald Peeblesអ្នកនាំពាក្យ Royal College of Obstetricians and Gynaecologists បាននិយាយថា វាអាចថាស្ត្រីដែលគ្មានកូនមួយចំនួនគ្មានសមត្ថភាពផ្តល់កំណើតដែលបញ្ហានេះអាចនាំទៅរកការប្រឈមនឹងជំងឺបេះដូង ។ យើងដឹងថា បណ្តាស្ត្រីដែលចង់មានកូន ប៉ុន្តែបែរជាមិនមាននោះការប្រឈមនឹងជំងឺបេះដូងគឺមានធំធេងណាស់ ។ នេះក៏ព្រោះតែលក្ខខណ្ឌដែលគេហៅថា polycystic ovaries (គឺជាភាពមិនប្រក្រតីក្រពេញងង់ដូគ្រីនរបស់មនុស្សស្រី) ៕
ចែករំលែកព័តមាននេះ