មេរត់ពន្ធគ្រឿង.ញៀនបារាំងត្រូវចាប់ខ្លួនបាននៅក្នុងគ្លីនិកមួយកន្លែង
មេរត់ពន្ធគ្រឿង.ញៀនបារាំង SOPHIANE HAMBLI ត្រូវបានចាប់ខ្លួនកាលពីថ្ងៃទី២២ ខែតុលា ឆ្នាំ២០២១ កន្លងមកនេះ ក្នុងគ្លីនិកមួយនៃទីក្រុង
មេរត់ពន្ធគ្រឿង.ញៀនបារាំង SOPHIANE HAMBLI ត្រូវបានចាប់ខ្លួនកាលពីថ្ងៃទី២២ ខែតុលា ឆ្នាំ២០២១ កន្លងមកនេះ ក្នុងគ្លីនិកមួយនៃទីក្រុង
ប្រទេសបារាំង ៖ មេរត់ពន្ធគ្រឿង.ញៀនបារាំង SOPHIANE HAMBLI ត្រូវបានចាប់ខ្លួនកាលពីថ្ងៃទី២២ ខែតុលា ឆ្នាំ២០២១ កន្លងមកនេះ ក្នុងគ្លីនិកមួយនៃទីក្រុងTANGER ម៉ារ៉ុកកន្លែងដែលរូបគេចូលព្យាបាលរបួស ក្រោយពីរងការវាយប្រហារនៅតាមដងវិថីនៃទីក្រុងនេះមក។
ដោយដកស្រង់ប្រភពពីប៉ូលិសម៉ារ៉ុក ទីភ្នាក់ងារព័ត៌មានបារាំង AFP រាយការណ៍កាលពីថ្ងៃទី២៥ ខែតុលាថា មេរត់ពន្ធគ្រឿង.ញៀនរូបនោះ ត្រូវបានចាប់ខ្លួនកាលពីថ្ងៃទី២២ ខែតុលា ក្នុងគ្លីនិកដែលគេចូលទៅព្យាបាលរបួស។ ជននោះជាមនុស្សដែលល្បីល្បាញនៅបារាំង ជាពិសេសក្នុងការរត់ពន្ធគ្រឿង.ញៀនកញ្ឆាដល់ទៅ៧តោនកាលពីឆ្នាំ២០១៥។ ជននោះត្រូវបានតាមរកចាប់ខ្លួនក្នុងក្របខណ្ឌនៃរឿងរត់ពន្ធគ្រឿង.ញៀនធំបំផុតមួយទៀត។
SOPHIANE HAMBLI ជាជនជាតិបារាំង មានដើមកំណើតអាល់ហ្សេរី អាយុ៤៦ឆ្នាំ បានបន្លំខ្លួនចូលព្យាបាលរបួសក្នុងគ្លីនិកក្រោមលិខិតស្នាមអាល្លឺម៉ង់ក្លែងក្លាយ ជាមួយស្នាមរបួសទំហំ២០សង្ទីម៉ែត្រត្រង់ថ្ពល់ មកពីរងការវាយប្រហារដោយដាវ ឬកាំបិត។ នេះបើតាមប្រភពជិតដិតនឹងសំណុំរឿងនោះ។
ផ្នែកសន្តិសុខជាតិម៉ារ៉ុក ធ្លាប់បានប្រកាសថា បានចាប់ខ្លួនជនជាតិបារាំងដើមកំណើតអាល់ហ្សេរីម្នាក់ ពីបទជាប់ទាក់ទិននឹងរឿងរត់ពន្ធគ្រឿង.ញៀនជាអន្តរជាតិ និងក្នុងក្របខណ្ឌនៃបណ្ដាញឧក្រិដ្ឋឆ្លងជាតិ តែមិនបញ្ជាក់ពីអត្តសញ្ញាណរបស់គេឡើយ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ