រាជធានីភ្នំពេញ ៖ រថយន្ត ចាគ័រ អ៊ិចអ៊ី ឆ្នាំ២០១៦ (Jaguar XE 2016) ដែលជាស៊េរីទំនើបបច្ចេកវិទ្យាចុងក្រោយតម្លៃជាង១០ម៉ឺនដុល្លារ បានមកដល់ទីផ្សារកម្ពុជា តាមរយៈការនាំចូលដោយក្រុមហ៊ុន អ អឹមម អេ ខេមបូឌា។
រាជធានីភ្នំពេញ ៖ រថយន្ត ចាគ័រ អ៊ិចអ៊ី ឆ្នាំ២០១៦ (Jaguar XE 2016) ដែលជាស៊េរីទំនើបបច្ចេកវិទ្យាចុងក្រោយតម្លៃជាង១០ម៉ឺនដុល្លារ បានមកដល់ទីផ្សារកម្ពុជា តាមរយៈការនាំចូលដោយក្រុមហ៊ុន អ អឹមម អេ ខេមបូឌា។
គម្រប់ខួបពីរឆ្នាំនៃអគារតាំងបង្ហាញ Jaguar និង Land Rover ក្រុមហ៊ុនអ អឹម អេ ខេមបូឌា បានប្រារព្ធពិធីសម្ពោធជាផ្លូវការនូវការបើកលក់រថយន្តកាលីបខ្ពស់ម៉ាក Jaguar ផលិតឆ្នាំ២០១៦ កាលពីល្ងាចថ្ងៃទី២៥ មីនា ២០១៦ នៅអគារតាំងបង្ហាញរាជធានីភ្នំពេញ។
លោក ងន សាំង អគ្គនាយកគ្រប់គ្រងក្រុមហ៊ុន អ អឹម អេ ខេមបូឌា បានថ្លែងថា លោកមានមោទនភាពខ្ពស់ដែលបានឈរក្នុងចំណោមភ្ញៀវកិត្តិយសទាំងអស់ ដើម្បីអបអរសារទរការទទួលសិទិ្ធនាំចូល និងចែកចាយផ្តាច់មុខក្នុងព្រះរាជាណាចក្រកម្ពុជា នូវរថយន្តប្រណីតម៉ាក Jaguar និង Land Rover ។ មានន័យថា មានតែក្រុមហ៊ុន អ អឹម ខេមបូឌាតែមួយគត់ ដែលមានសិទ្ធិនាំចូល និងចែកចាយរថយន្តសុទ្ធ និងគ្រឿងបន្លាស់តុបតែងរថយន្តផ្ទាល់ពីរោងចក្រចក្រភពអង់គ្លេស ។
លោកបានឱ្យដឹងថា រថយន្តដែលទើបនាំចូល និងចែកចាយទីនេះ មានលក្ខណៈពិសេសខុសពីហាងលក់រថយន្តនៅខាងក្រៅ ។ រថយន្តលក់នៅហាងខាងក្រៅ ពុំមានប្រភពដើម និងប្រវត្តិច្បាស់លាស់ ហើយមានហានីភ័យខ្ពស់ក្នុងការជាវ ដោយសារតែរថយន្តទាំងនោះអាចត្រូវបានគេកែកុនផ្លាស់ប្តូរលេខនាឡិកា គ្រឿងបន្លាស់និងគ្រឿងតុបតែងជាដើម ។ ចំណែកឯរថយន្តយើងវិញ គឺសុទ្ធ ត្រូវបានទទួលការវិភាគច្បាស់លាស់លើស្ថានភាព និងតម្រូវការរបស់ទីផ្សារកម្ពុជា ដូចជាស្ថានភាពផ្លូវថ្នល់ សារធាតុផ្សំរបស់ប្រេងសាំង និងអាកាសធាតុ។ រថយន្តយើងមាននៅទីនេះសុទ្ធតែត្រូវបានផលិតឡើងឱ្យសមស្របតាមស្ថានភាព និងតម្រូវការរបស់ទីផ្សារកម្ពុជាទាំងអស់ ។
លោក ងន សាំង បានប្រកាសធានាថា គ្រប់រថយន្តម៉ាក Jaguar , Land Rover និង Rage Rover ទាំងអស់របស់ក្រុមហ៊ុន អ អឹម អេ ខេមបូឌា ជារថយន្តសុទ្ធថ្មីស្រឡាងផ្ទាល់ពីរោងចក្រដើមនៅចក្រភពអង់គ្លេស ។ ការជាវរថយន្តពីហាងខាងក្រៅមិនអាចធានាជូនថា សុទ្ធ និងថ្មីបានទេ។
ជាបន្ថែមក្រុមហ៊ុនយើងមានផ្តល់ជូនសេវាកម្មថែទាំរថយន្ត ដែលអ្នកបច្ចេកទេសជំនាញយើងអាចជួយឆែកជូនភ្ញៀវថា តើរថយន្តខាងក្រៅនោះត្រូវបានគេផ្លាស់ប្តូរអ្វីខ្លះ ដោយភ្ជាប់បំពាក់ម៉ាស៊ីនវិភាគ diagnostic នាំមកពីចក្រភពអង់គ្លេស។ លើសពីនេះទៅទៀត យើងខ្ញុំមានបទពិសោធន៍ជំនាញឯកទេស ថ្នាក់គ្រប់គ្រង និងបុគ្គលិកមានចំណេះ ដឹងខ្ពស់ក្នុងអាជីវកម្ម ដែលត្រូវបានហ្វឹកហាត់ និងទទួលស្គាល់ដោយចក្រភពអង់គ្លេស បំរើជូនអតិថិជនយ៉ាងខ្ជាប់ខ្ជួន។ ជាងបច្ចេកទេសជំនាញយើងក៏ត្រូវបានទទួលការបណ្តុះបណ្តាលខ្ពស់ក្រៅប្រទេសស្របតាមស្តង់ដាររបស់ក្រុមហ៊ុនដើម។
ក្នុងនាមជាអ្នកកាន់យីហោរថយន្តប្រណីតនេះ យើងតែងតែស្វែងរកដំណោះស្រាយតាមការផ្លាស់ប្តូរ និងតម្រូវការរបស់អតិថិជនជានិច្ច។ លើសពីនេះទៀត ក្រុមហ៊ុន យើងក៏មានគំរោងនាំចូលរថយន្តស៊េរី SUV ដំបូងបង្អស់របស់ Jaguar ម៉ូដែល Jaguar ម៉ូដែល Jaguar F-PACE ក្នុងពេលខាងមុខនេះដែរ៕
ចែករំលែកព័តមាននេះ