ជើងហោះហើរខ្លះចាប់ដំណើរការឡើងវិញទាំងស្រុង និងខ្លះចាប់ដំណើរការមួយផ្នែក រាប់ទាំងជើងហោះហើរចេញ និងចូលកម្ពុជាផង ។ រាជធានីភ្នំពេញ ប្រទេសកម្ពុជា, ថ្ងៃទី ០៧ ខែឧសភា…
ជើងហោះហើរខ្លះចាប់ដំណើរការឡើងវិញទាំងស្រុង និងខ្លះចាប់ដំណើរការមួយផ្នែក រាប់ទាំងជើងហោះហើរចេញ និងចូលកម្ពុជាផង ។
រាជធានីភ្នំពេញ ប្រទេសកម្ពុជា, ថ្ងៃទី ០៧ ខែឧសភា ឆ្នាំ ២០២៦ ៖ ក្រុមហ៊ុនអាកាសចរណ៍ Emirates កំពុងស្ដារប្រតិបត្តិការជើងហោះហើររបស់ខ្លួនបានស្ទើរតែទាំងអស់វិញហើយ ដោយក្នុងនោះ ៩៦% នៃបណ្តាញហោះហើរជាសកលត្រូវបានស្តារឡើងវិញ ក្រោយពីមានការផ្អាកមួយរយៈ ។ ក្នុងរយៈពេលប៉ុន្មានសប្តាហ៍មកនេះ ក្រុមហ៊ុនអាកាសចរណ៍ Emirates បានសម្រុកបើកដំណើរការសេវាហោះហើររបស់ខ្លួនឡើងវិញនៅក្នុងតំបន់អាមេរិក អឺរ៉ុប អាហ្វ្រិក អាស៊ីខាងលិច មជ្ឈិមបូព៌ា/GCC អាស៊ីបូព៌ា និងអូសេអានី ដោយរួមទាំងជើងហោះហើរចេញ និងចូលមកប្រទេសកម្ពុជាផងដែរ ។
នៅក្នុងប្រទេសកម្ពុជា ក្រុមហ៊ុនអាកាសចរណ៍ Emirates បានចាប់ផ្តើមជើងហោះហើរប្រចាំថ្ងៃឡើងវិញ ចេញពីអាកាសយានដ្ឋានអន្តរជាតិតេជោ (KTI) ក្នុងរាជធានីភ្នំពេញ ទៅកាន់ទីក្រុងឌូបៃ ដោយឆ្លងកាត់ប្រទេសសិង្ហបុរី និងជើងហោះហើរប្រចាំសប្ដាហ៍ចំនួន ៣ លើក ពីអាកាសយានដ្ឋានអន្តរជាតិសៀមរាបអង្គរ (SAI) ទៅកាន់ទីក្រុងឌូបៃ ដោយឆ្លងកាត់ទីក្រុងបាងកក ។ ក្រុមហ៊ុន អាកាសចរណ៍ Emirates បានចាប់ផ្តើមជើងហោះហើរប្រចាំថ្ងៃពីភ្នំពេញទៅកាន់ទីក្រុងឌូបៃឡើងវិញ កាលពីថ្ងៃទី ០១ ខែឧសភា ។ បច្ចុប្បន្ន ក្រុមហ៊ុនអាកាសចរណ៍នេះកំពុងដំណើរការហោះហើរទៅកាន់គោលដៅចំនួន ១៣៧ ក្នុងប្រទេសចំនួន ៧២ ជាមួយនឹងជើងហោះហើរសរុបជាង ១,៣០០ ជើងក្នុងមួយសប្តាហ៍ ដែលស្មើនឹង ៧៥ ភាគរយ នៃសមត្ថភាពហោះហើរមុនពេលមានការរំខានដោយសង្គ្រាម។
ក្រុមហ៊ុនអាកាសចរណ៍ Emirates កំពុងបង្កើនជើងហោះហើរ ចំនួនកៅអីអង្គុយ និងជម្រើសកាន់តែច្រើនថែមទៀតជារៀងរាល់ថ្ងៃ ដោយបង្ហាញឱ្យឃើញថា ក្រុងឌូបៃជាមជ្ឈមណ្ឌលដ៏សំខាន់ សម្រាប់ការធ្វើដំណើរនៅលើពិភពលោក ។ ទោះបីជាប្រតិបត្តិការហោះហើរមានកម្រិតតិចជាងមុនក្ដី ប៉ុន្តែ ក្រុមហ៊ុនអាកាសចរណ៍ Emirates បានដឹកជញ្ជូនអ្នកដំណើរចំនួន ៤.៧ លាននាក់ ក្នុងអំឡុងពេលមានការរំខានដោយសង្គ្រាម ដែលនេះជាសក្ខីភាពមួយបញ្ជាក់ឱ្យឃើញពីតម្រូវការនៃការធ្វើដំណើរ និងទំនុកចិត្តរបស់អ្នកដំណើរមកលើក្រុមហ៊ុនអាកាសចរណ៍ Emirates ក្នុងការនាំអតិថិជនទៅកាន់គោលដៅដែលពួកគាត់ចង់ទៅ ។
បទពិសោធន៍សេវាកម្មដ៏វិសេសពី Emirates នៅតែរក្សាដដែល មិនថាលោកអ្នកធ្វើដំណើរទៅទីណានោះទេ ៖ មិនថាលោកអ្នកមានបំណងចង់ហោះហើរទៅកាន់ទីកន្លែងណានោះទេ អតិថិជននៅតែទទួលបានសេវាកម្មដ៏ល្អបំផុត ទាំងនៅក្នុងយន្តហោះ និងនៅអាកាសយានដ្ឋាន ទាំងផាសុកភាពល្អឥតខ្ចោះ បដិសណ្ឋារកិច្ចកក់ក្តៅ និងកម្រិតសេវាកម្ម ដែលបានកំណត់ស្តង់ដារនៃការធ្វើដំណើរផ្លូវឆ្ងាយ ។
អំឡុងពេលហោះហើរ អតិថិជននឹងទទួលបានអាហារដ៏មានឱជារស ជាមួយនឹងមុខម្ហូបច្រើនមុខ តម្រូវទៅតាមតំបន់ ដែលមុខម្ហូបទាំងនេះត្រូវបានរៀបចំឡើងដោយក្រុមចុងភៅដែលធ្លាប់ឈ្នះពានរង្វាន់ផ្នែកចម្អិនម្ហូប គួបផ្សំជាមួយនឹងភេសជ្ជៈល្អៗយ៉ាងសម្បូរបែប ។ ប្រព័ន្ធកម្សាន្តលើយន្តហោះ “Ice” ដែលធ្លាប់ឈ្នះពានរង្វាន់ របស់ក្រុមហ៊ុនអាកាសចរណ៍ Emirates ផ្តល់ជូននូវមាតិកាល្បីៗលំដាប់ពិភពលោកចំនួនជាង ៦,៥០០ ប៉ុស្តិ៍ ដែលមានជិត ៤០ ភាសា ដោយក្នុងនោះរួមមាន ខ្សែភាពយន្ត កម្មវិធីទូរទស្សន៍ តន្ត្រី កម្មវិធីផតឃែស្ថ (podcasts) ហ្គេម សៀវភៅជាសំឡេង និងមាតិកាផ្សេងៗជាច្រើនទៀត ដើម្បីធានាថារាល់ការហោះហើរក្នុងផ្លូវចម្ងាយឆ្ងាយនឹងមិនមានភាពធុញទ្រាន់ឡើយ ។
សម្រាប់អ្នកដំណើរដែលត្រូវការប្រាស្រ័យទាក់ទងគ្នា សេវា Wi-Fi ល្បឿនលឿននឹងជួយឱ្យអតិថិជនអាចទាក់ទងគ្នាបាន ទោះបីជាស្ថិតនៅកម្ពស់ ៤០,០០០ ហ្វីត (ប្រហែល ១២,០០០ ម៉ែត្រ) ក៏ដោយ ។ បច្ចុប្បន្ននេះ ក្រុមហ៊ុនអាកាសចរណ៍ Emirates បានបំពាក់ឧបករណ៍ Starlink នៅលើយន្តហោះចំនួន ២៨ គ្រឿងរួចជាស្រេច ដែលផ្តល់សេវាអ៊ីនធឺណិតល្បឿនលឿនខ្លាំងបំផុតនៅលើយន្តហោះ ។
ការធ្វើដំណើរប្រកបដោយភាពបត់បែន និងអត្ថប្រយោជន៍ជាច្រើន ៖ ក្រុមហ៊ុនអាកាសចរណ៍ Emirates មានផ្ដល់នូវលក្ខខណ្ឌពិសេសៗជាច្រើន ដើម្បីឱ្យអតិថិជនធ្វើដំណើរដោយក្តីទុកចិត្ត ពោលគឺតាមរយៈភាពបត់បែននៃការកក់សំបុត្រធ្វើដំណើរ កម្មវិធី Dubai Connect និងអត្ថប្រយោជន៍កាន់តែប្រសើរពីកម្មវិធី Skywards ៖
• កម្មវិធីកក់សំបុត្រប្រកបដោយភាពបត់បែន ៖ អតិថិជនដែលបានកក់សំបុត្រចាប់ពីថ្ងៃទី ២ ខែមេសា នឹងទទួលបាននូវភាពបត់បែនបន្ថែម ដោយអាចផ្លាស់ប្តូរកាលបរិច្ឆេទធ្វើដំណើរបានចំនួនមួយលើកដោយឥតគិតថ្លៃសម្រាប់រាល់ប្រភេទសំបុត្រនៃការធ្វើដំណើរទាំងអស់ ។ អតិថិជនដែលបានកក់សំបុត្រធ្វើដំណើរជាមួយក្រុមហ៊ុនអាកាសចរណ៍ Emirates ក៏អាចពន្យារការទូទាត់ថ្លៃសំបុត្រ បានរយៈពេល ២៤ ម៉ោង ដោយមិនមានការគិតថ្លៃផងដែរ ។
• កម្មវិធី Dubai Connect ៖ សម្រាប់អតិថិជនដែលមានពេលប្ដូរជើងហោះហើរ (Transit) យូរ នៅទីក្រុងឌូបៃ ចាប់ពី ៦ ម៉ោង រហូតដល់ ២៦ ម៉ោង កម្មវិធី Dubai Connect របស់ក្រុមហ៊ុន អាកាសចរណ៍ Emirates នឹងបង្វែរការរង់ចាំរយៈពេលយូរនេះឱ្យក្លាយទៅជាការសម្រាកប្រកបដោយផាសុកភាព ក្រោមការរៀបចំយ៉ាងយកចិត្តទុកដាក់ពីក្រុមហ៊ុនអាកាសចរណ៍នេះ ។ អតិថិជន នឹងទទួលបានការផ្តល់ជូននូវសេវាស្នាក់អាស្រ័យនៅសណ្ឋាគារលំដាប់ផ្កាយ ៤ ឬ ផ្កាយ ៥ ដោយឥតគិតថ្លៃ រួមទាំងការដឹកជញ្ជូនពីអាកាសយានដ្ឋាន និងត្រឡប់មកកាន់អាកាសយានដ្ឋានវិញ ម្ហូបអាហារ និងការរៀបចំទិដ្ឋាការចូលប្រទេសអារ៉ាប់រួម (UAE) ផងដែរ ក្នុងករណីចាំបាច់ ។ សេវាកម្មនេះមានផ្តល់ជូនសម្រាប់អ្នកដំណើរគ្រប់ប្រភេទសំបុត្រទាំងអស់ដែលមានរយៈពេលរង់ចាំស្របតាមលក្ខខណ្ឌដែលបានកំណត់ ដោយលោកអ្នកអាចកក់កម្មវិធី Dubai Connect នេះបាន ក្នុងរយៈពេល ១២ ម៉ោងមុន តាមរយៈមុខងារ “Manage Your Booking” នៅលើគេហទំព័រ emirates.com ។ លក្ខខណ្ឌផ្សេងៗត្រូវបានអនុវត្ត សម្រាប់កម្មវិធីនេះ ។
• កម្មវិធី Skywards ៖ ចាប់ពីថ្ងៃទី ១ ខែឧសភា ដល់ថ្ងៃទី ៣១ ខែសីហា ឆ្នាំ ២០២៦ សមាជិកក្នុងកម្មវិធី Emirates Skywards អាចមានសិទ្ធិចូលរួមក្នុងកម្រិតសមាជិកព្រីមៀមក្នុងកម្មវិធីនេះបានកាន់តែឆាប់រហ័សជាងមុន តាមរយៈការបន្ធូរបន្ថយលក្ខខណ្ឌចូលជាសមាជិក និងទទួលបានអត្ថប្រយោជន៍ពិន្ទុបន្ថែម (Bonus Tier Miles) សម្រាប់ការហោះហើរតាមក្រុមហ៊ុនអាកាសចរណ៍ Emirates និង តាមរយៈ កម្មវិធី flydubai ។
*ពីថ្ងៃទី ១ ខែមីនា ដល់ថ្ងៃទី ៣០ ខែមេសា
អំពី EMIRATES កម្ពុជា
ក្រុមហ៊ុនអាកាសចរណ៍ Emirates មានជើងហោះហើរប្រចាំថ្ងៃរវាងទីក្រុងឌូបៃនិងទីក្រុងភ្នំពេញ ឆ្លងកាត់ប្រទេសសិង្ហបុរីដែលដំណើរការដោយយន្តហោះ Boeing 777-300ER ដែលមានការកំណត់រចនាសម្ព័ន្ធបីថ្នាក់ និងជើងហោះហើរ ៣ ដងក្នុងមួយសប្តាហ៍រវាងទីក្រុងឌូបៃ និងខេត្តសៀមរាប ឆ្លងកាត់ទីក្រុងបាងកកដែលដំណើរការដោយយន្តហោះ Boeing 777-300ER ដែលមានការកំណត់រចនាសម្ព័ន្ធពីរថ្នាក់ ។ អ្នកធ្វើដំណើរទៅមកពីប្រទេសកម្ពុជា នឹងទទួលបានអត្ថប្រយោជន៍ពីសេវាកម្មអាកាសចរណ៍ ដែលឈ្នះពានរង្វាន់ និងផលិតផលឈានមុខគេក្នុងឧស្សាហកម្មពីក្រុមហ៊ុនអាកាសចរណ៍ Emirates បទពិសោធន៍នៅលើអាកាស និងនៅលើដីពីគ្រប់ថ្នាក់សម្ព័ន្ធ ជាមួយនឹងម្ហូបអាហារដ៏ឈ្ងុយឆ្ងាញ់តាមតំបន់ និងភេសជ្ជៈឥតគិតថ្លៃ ព្រមទាំងប្រព័ន្ធកម្មវិធីកម្សាន្តលើយន្តហោះរបស់ក្រុមហ៊ុនអាកាសចរណ៍ ដែលផ្តល់ជាង ៦ ៥០០ ប៉ុស្តិ៍ ការកម្សាន្តតាមតម្រូវការជាង ៤០ ភាសា រួមទាំងភាពយន្ត កម្មវិធីទូរទស្សន៍ និងបណ្ណាល័យតន្ត្រីដ៏ច្រើនសំបូរបែប ជាមួយ ហ្គេម សៀវភៅសំឡេង និងផតខាស់ ៕ អត្ថបទសហការ
ចែករំលែកព័តមាននេះ