ក្រសួងទេសចរណ៍ បានប្រកាសជាចំហថា ៥ខែនៃឆ្នាំ២០២៦កន្លងទៅ ភ្ញៀវទេសចរទាំងពីរចរន្តរបស់កម្ពុជាថយចុះទាំងពីរ ។
ស្ថិតិបានប្រកាស កាលពីថ្ងៃទី២២ ខែមិថុនា ឆ្នាំ២០២៦ បានឲ្យដឹងថា ភ្ញៀវទេសចរបរទេសមកលេងនៅកម្ពុជា បានធ្លាក់ចុះជិត៤៨ភាគរយ ដោយកម្ពុជាទទួលបានភ្ញៀវត្រឹមតែ១,៥៣ លាននាក់ប៉ុណ្ណោះ នៅក្នុងនោះចិន វៀតណាម អាមេរិក អង់គ្លេស និងបារាំង គឺជាភ្ញៀវទេសចរច្រើនជាងគេទាំង៥ ។
ក្រៅពីភ្ញៀវទេសចរបរទេសមកលេងនៅក្នុងស្រុក ពលរដ្ឋកម្ពុជា ដែលចេញទៅក្រៅស្រុកក៏បានធ្លាក់ចុះដែរ ពីខែមករា ដល់ឧសភា ឆ្នាំ២០២៦ ។ នៅក្នុងអំឡុងពេលនោះ ពលរដ្ឋកម្ពុជាទៅលេងនៅក្រៅប្រទេស គឺមានត្រឹមតែជិត៤៥ ម៉ឺនាក់ប៉ុណ្ណោះ គឺធ្លាក់ចុះដល់ទៅ៣៩ភាគរយ ៕
ចែករំលែកព័តមាននេះ