ខេត្តបាត់ដំបង ៖ ខ្មាន់កាំ.ភ្លើ.ងម្នាក់ដែលអះអាងថា ខ្លួនជាមន្ត្រីនៅអង្គភាពប្រឆាំងអំពើពុករលួយ(ACU)ផង ត្រូវបានកម្លាំងកងរាជអាវុធហត្ថឃាត់ខ្លួនភ្លាមៗ ក្រោយពីដកកាំ.ភ្លើ.ងវាយក្បាលបុរសម្នាក់ឲ្យបែកឈាម និងបា.ញ់គំរាមជាច្រើនគ្រាប់ កាលពីវេលាម៉ោង២រំលងអធ្រាត្រឈានចូលថ្ងៃទី២៤ តុលា នៅក្នុងឃុំបឹងរាំង…
ខេត្តបាត់ដំបង ៖ ខ្មាន់កាំ.ភ្លើ.ងម្នាក់ដែលអះអាងថា ខ្លួនជាមន្ត្រីនៅអង្គភាពប្រឆាំងអំពើពុករលួយ(ACU)ផង ត្រូវបានកម្លាំងកងរាជអាវុធហត្ថឃាត់ខ្លួនភ្លាមៗ ក្រោយពីដកកាំ.ភ្លើ.ងវាយក្បាលបុរសម្នាក់ឲ្យបែកឈាម និងបា.ញ់គំរាមជាច្រើនគ្រាប់ កាលពីវេលាម៉ោង២រំលងអធ្រាត្រឈានចូលថ្ងៃទី២៤ តុលា នៅក្នុងឃុំបឹងរាំង ស្រុកកំរៀង។ នេះបើតាមប្រភពកងរាជអាវុធហត្ថ ដែលបាននិយាយ។
មន្ត្រីអាវុធហត្ថបានប្រាប់ថា ខ្មាន់កាំ.ភ្លើ.ងខ្លីនោះឈ្មោះ ឆាយ សេរីបុត្រ ភេទប្រុស អាយុ៣០ឆ្នាំ មុខរបរជាមន្ត្រីអង្គភាពប្រឆាំងអំពើពុករលួយ ( ACU ) រស់នៅភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ ។ បើតាមប្រភពដដែលបានបញ្ជាក់ថា ការឃាត់ខ្លួនមន្ត្រី អេ ស៊ី យូ រូបនេះ គឺធ្វើឡើងតាមបណ្ដឹងជនរងគ្រោះម្នាក់ឈ្មោះ រ៉ុម ចន្ថា ប្រុសអាយុ២៥ឆ្នាំ មុខរបរយោធា រស់នៅភូមិអូរដាលើ ឃុំបេងរាំង ស្រុកកំរៀង។ ដែលបានប្ដឹងចោទប្រកាន់ថា ខ្មាន់កាំ.ភ្លើ.ងរូបនេះ បានដកកាំ.ភ្លើ.ងខ្លីវាយក្បាលខ្លួន ហើយថែមទាំងបា.ញ់គំរាមទៀត។ តាមការបំភ្លឺខ្លះៗ ដែលត្រូវបានគេដកស្រង់សំដីយ៉ាងខ្លី ម្ចាស់បណ្ដឹងឈ្មោះ រ៉ុម ចន្ថា បាននិយាយប្រាប់សមត្ថកិច្ចថា អំពើហឹង្សារដ៏ឃោឃៅរវាងខ្លួនជាមួយឈ្មោះ ឆាយ សេរីបុត្រ នេះ គឺ ផ្ដើមចេញពី«ជម្លោះពាក្យសំដីនៅក្នុងវង់ផឹកស៊ី»។
សមត្ថកិច្ចក៏បានបញ្ជាក់ផងដែរថា ក្រោយទទួលបណ្ដឹងនេះ កម្លាំងកងរាជអាវុធហត្ថស្រុកកំរៀង ក៏បានចុះអន្តរាគមន៍ដល់កន្លែងកើតហេតុ និង បានឃាត់ខ្លួនជនសង្ស័យភ្លាមៗដែរ ពីបទ«ប៉ុនប៉ងឃា.ត.ក.ម្ម»។ សមត្ថកិច្ចបានបន្ថែមថា បើយោងការស្រាវជ្រាវបឋម ជាមួយនឹងការដកកាំ.ភ្លើ.ងខ្លីវាយជនរងគ្រោះបែកក្បាល ខ្មាន់កាំ.ភ្លើ.ងរូបនេះ ក៏បានបាញ់ចំនួន០៥ ថែមទៀត ដែលជាការគំរាមជនរងគ្រោះ។ ប៉ុន្តែមន្ត្រីអាវុធហត្ថបានប្រាប់ថា គេមិនទាន់ស្គាល់ម៉ាកកាំ.ភ្លើ.ងខ្លីរបស់ជនសង្ស័យនៅឡើយទេ ព្រោះជនសង្ស័យបានព្យាយាមលាក់កាំ.ភ្លើ.ងនោះ ដកហូតបានតែស្រោម ហើយពេលនេះមន្ត្រីជំនាញកំពុងចាត់ការតាមនីតិវិធីហើយ ៕
ចែករំលែកព័តមាននេះ