គួរដឹងអ្វីខ្លះពីស្ពានឫស្សីកោះប៉ែន
ខេត្តកំពង់ចាម ៖ ស្ពានឫស្សីដែលមានសសររហូតដល់ទៅចំនួន១៥.០០០ដើម និងប្រវែង៩០០ម៉ែត្រសម្រាប់ឆ្លងពីក្រុងកំពង់ចាមទៅកោះប៉ែននោះ អាចត្រូវបានចាត់ទុកជាស្ពាន…
ខេត្តកំពង់ចាម ៖ ស្ពានឫស្សីដែលមានសសររហូតដល់ទៅចំនួន១៥.០០០ដើម និងប្រវែង៩០០ម៉ែត្រសម្រាប់ឆ្លងពីក្រុងកំពង់ចាមទៅកោះប៉ែននោះ អាចត្រូវបានចាត់ទុកជាស្ពាន…
ខេត្តកំពង់ចាម ៖ ស្ពានឫស្សីដែលមានសសររហូតដល់ទៅចំនួន១៥.០០០ដើម និងប្រវែង៩០០ម៉ែត្រសម្រាប់ឆ្លងពីក្រុងកំពង់ចាមទៅកោះប៉ែននោះ អាចត្រូវបានចាត់ទុកជាស្ពានដែលមានសសរច្រើនបំផុតឆ្លងទន្លេមេគង្គនៅរដូវប្រាំង ហើយទំនងជាប់ក្នុងសៀវភៅកំណត់ត្រាជាស្ពានឫស្សីដែលវែងជាងគេបំផុតនៅប្រទេសកម្ពុជា ។ ជាមួយនោះកំពុងតែបានទាក់ទាញភ្ញៀវបរទេសចម្រុះជាតិសាសន៍នាំគ្នាមកទស្សនាស្ពានឫស្សី សម្រស់ធម្មជាតិ ឆ្នេរខ្សាច់កោះប៉ែន និងការរស់នៅរបស់អ្នកស្រុក ព្រមទាំងទទួលទានផ្លែក្រូចថ្លុង មានរសជាតិផ្អែម ទៀតផង ។
លោកតា អ៊ុច លីម អាយុ៧០ឆ្នាំ រស់នៅភូមិកោះប៉ែន«ខ» ឃុំកោះមិត្ត ស្រុកកំពង់សៀម មានប្រសាសន៍ឲ្យដឹងថា រូបគាត់រួមជាមួយនឹងអ្នកផ្សេងទៀតបាននាំគ្នាទៅដឹកភ្ញៀវបរទេសចេញពីក្រុងកំពង់ចាម ដោយក្នុងមួយរទេះដឹកភ្ញៀវម្នាក់ ឬពីរនាក់ ដើម្បីឆ្លងស្ពានឫស្សីនាព្រឹកថ្ងៃទី២៤មីនា ដើម្បីមកលេងនៅវត្តកោះប៉ែន ដែលស្ថិតនៅភូមិរបស់គាត់ ។ លោកតាលីម បានរំលឹកថា ចាប់តាំងពីក្រោយឆ្នាំ១៩៧៩មក រូបគាត់បានប្រកបរបររត់រទេះសេះដើម្បីរកថវិកាដោះស្រាយជីវភាពគ្រួសារ ដោយបានដឹកកសិផលពីកោះប៉ែន ក្នុងនោះមានដូចជា ពោត ថ្នាំជក់ គ្រួស ខ្សាច់ បន្លែបង្ការ យកទៅលក់នៅលើទីផ្សារ ជាមធ្យមអាចរកបានប្រាក់ពី២ម៉ឺនរៀលទៅ៤ម៉ឺនរៀលក្នុង១ថ្ងៃ ។ ទោះបីជាស្ថិតនៅក្នុងវ័យ៧០ឆ្នាំប្លាយក្តី ក៏រូបលោកនូវតែបន្តរកដដែលមិនទាន់សម្រាកនោះទេ ព្រោះមិនចង់ពឹងទៅលើកូនៗ នៅពេលណាដែលកម្លាំងថមថយនោះនឹងត្រូវទៅវត្តសុំសីលនឹងគេហើយ ។ កន្លងមកគាត់មិនដែលបានដឹកភ្ញៀវបរទេសមកមើលប្រឌឹសកោះប៉ែន និងមើលពីការរស់នៅរបស់ប្រជាពលរដ្ឋនៅភូមិកោះប៉ែន«ខ»ទេ រូបលោកទើបតែដឹកបរទេសតាមរទេះសេះបានប្រហែល១០លើកប៉ុណ្ណោះក្នុងឆ្នាំ២០១៦នេះ ។
លោក DA VINN អ្នកនាំភ្ញៀវបរទេសចំនួន១៣រទេះសេះ ស្មើនឹង២៤នាក់ ប្រាប់ឲ្យដឹងដែរថា ជនជាតិបរទេសទាំងនោះមានជនជាតិអាល្លឺម៉ង់ ស្វីស និងអូទ្រីស ដែលពួកគាត់មកលេងភាគច្រើនជាប្តីប្រពន្ធ បាននាំគ្នាមើលការចាប់អារម្មណ៍ដំបូងគឺស្ពានឫស្សីកោះប៉ែន និងបានបររទេះសេះកាត់តាមភូមិឃើញមានដើមឈើមានស្លឹកពណ៌បែតងដុះអមនៅសងខាងផ្លូវបេតុង ព្រមទាំងដំណាំហូបផ្លែរបស់អ្នកភូមិកោះប៉ែន ៕
ចែករំលែកព័តមាននេះ