គិតដល់ឆ្នាំ១៨៨៦ ជម្រើសនៃរថយន្ត Mercedes-Benz មានតិចតួចបំផុតត្រឹមតែមួយម៉ូឌែលប៉ុណ្ណោះ នោះ គឺរថយន្ត Benz Patent Motor Car។ ដោយឡែកនាពេលបច្ចុប្បន្ននេះ អ្នកដែលចង់បានរថយន្ត Mercedes-Benz ពិតជាមានលទ្ធភាពអាចជ្រើសរើសបានច្រើនម៉ូដែលទៅតាមបំណង និងរសនិយមរបស់ខ្លួន រួមមានដូចជា រថយន្តទេសចរណ៍ប្រភេទ Saloons ដែលជារថយន្តដ៏ទំនើប ស្រស់ស្អាត 0និងទាន់សម័យជាងគេ ហើយនឹងរថយន្តកូនកាត់ប្រភេទ Coupes ដែលមានរាងស្ព័រ មានភាពទាក់ទាញសម្រាប់យុវវ័យ ក៏ដូចជារថយន្តខ្ពស់ៗប្រភេទ SUVs ដែលផ្តល់នូវភាពរីករាយក្នុងការបើកបរលើគ្រប់ស្ថានភាពផ្លូវ ជាពិសេសនោះគឺរថយន្តសម្រាប់ដឹកអ្នកដំណើរ ឬដឹកទំនិញផ្សេងៗប្រភេទ Vans ដែលជាតម្រូវការចាំបាច់សម្រាប់ការងារផ្ទាល់ខ្លួន ក្រុមគ្រួសារ និងសម្រាប់ធុរកិច្ចតូចធំជាដើម។
ប្រាកដណាស់ថា រថយន្ត Mercedes-Benz ពិតជាមានម៉ូដែលច្រើនជាងក្រុមហ៊ុនផលិតរថយន្តណាៗទាំងអស់នៅកម្ពុជា និងនៅទូទាំងសកលលោក។ គ្រប់ម៉ូដែលនៃរថយន្ត Mercedes-Benz សុទ្ធតែមានលក្ខណៈពិសេសដូចៗគ្នា ស្ថិតនៅត្រង់ថា រថយន្តទាំងនោះសុទ្ធតែត្រូវបានផលិតឡើងស្របតាមគុណភាពស្តង់ដាអន្តរជាតិដែលមានការត្រួតពិនិត្យយ៉ាងម៉ត់ចត់បំផុត ពីវិស្វកររថយន្តដ៏ជំនាញលំដាប់អន្តរជាតិពីប្រទេសអាល្លឺម៉ង់ ដើម្បីធានាឲ្យបាននូវគុណភាព សុវត្ថិភាព និងលក្ខណៈបច្ចេកទេសផ្សេងៗប្រកបដោយការជឿទុកចិត្ត១០០%។ ហេតុដូច្នេះហើយ ក្រុមហ៊ុនផលិតរថយន្ត Mercedes-Benz នៅតែរក្សាបាននូវបាវចនាដ៏យូរអង្វែងរបស់ខ្លួនហៅថា «The best or nothing !» ដែលមានន័យថា ក្រុមហ៊ុននេះ ចាំបាច់ត្រូវតែផលិតរថយន្តដែលមានគុណភាពល្អដាច់គេ មានសុវត្ថិភាពខ្ពស់បំផុត និងមានប្រណីតភាពដ៏ល្អឯកគ្មានគូប្រៀបឲ្យខានតែបាន បើមិនដូច្នោះទេ គឺគេមិនអាចបង្កើតឲ្យមាននូវកេរដំណែលអ្វីដែលពិសេសជាងរថយន្តរបស់ក្រុមហ៊ុនដទៃទៀតបានឡើយ។
សូមបញ្ជាក់ថា ចាប់ពីថ្ងៃទី១ មេសា ២០១៦ នេះតទៅ «តម្លៃអាករពិសេស» ដែលកំណត់លើការនាំចូលរថយន្តនឹងរឹតតែមានការកើនឡើងខ្ពស់ជាងមុន បើធៀបនឹង «តម្លៃអាករពិសេស» កាលឆ្នាំ២០១៥។ ដូច្នេះក្រុមហ៊ុន ស្តារ អូតូ (ខេមបូឌា) ខូអិលធីឌី ដែលជាក្រុមហ៊ុនក្រៅស្រុក ១០០% ទទួលសិទ្ធិផ្តាច់មុខក្នុងការនាំចូល និងចែកចាយទូទៅនូវគ្រប់ប្រភេទរថយន្តម៉ាក Mercedes-Benz ប្រចាំនៅព្រះរាជាណាចក្រកម្ពុជា សូមធ្វើការផ្តល់ជូនដល់អតិថិជនទាំងអស់នូវឱកាសចុងក្រោយមួយដ៏ពិសេស ដើម្បីទទួលយកនូវបទពិសោធន៍ថ្មីក្នុងការទិញយករថយន្តដ៏ប្រណីតម៉ាក Mercedes-Benz ជាច្រើនប្រភេទក្នុងតម្លៃដ៏ពិសេសបំផុតដែលមិនធ្លាប់មានពីមុនមក។ នេះជាឱកាសចុងក្រោយដែលអតិថិជនគួរធ្វើការសម្រេចចិត្តទិញយករថយន្តប្រណីតក្នុងក្តីស្រមៃរបស់ខ្លួនជាមួយនឹងតម្លៃដ៏សមរម្យបំផុត ឲ្យបានមុនថ្ងៃដែល «តម្លៃអាករពិសេស» (ពន្ធនាំចូលរថយន្ត) មានការកើនឡើងនៅក្នុងរយៈពេលដ៏ខ្លីខាងមុខនេះដែលជាហេតុធ្វើឲ្យរថយន្តមានតម្លៃរឹតតែខ្ពស់កប់ពពក។ តើលោកអ្នកចង់ទិញរថយន្តប្រណីតក្នុងតម្លៃធូរថ្លៃពីក្រុមហ៊ុននាំចូលស្របច្បាប់ដែលមានការធានាច្បាស់លាស់ ឬមួយលោកអ្នករង់ចាំរហូតដល់រថយន្តទាំងនោះមានតម្លៃរឹតតែឡើងខ្ពស់ ទើបលោកអ្នកសម្រេចចិត្តទិញ0x017d7 ដើម្បីចាប់យកនូវភាពសន្សំសំចៃខ្ពស់ក្នុងការចំណាយដ៏ត្រឹមត្រូវមួយសម្រាប់គ្រួសាររបស់អតិថិជន ។
ក្រុមហ៊ុន ស្តារ អូតូ (ខាមបូឌា) ខូអិលធីឌី បានរៀបចំព្រឹត្តិការណ៍ដ៏កក្រើកមួយហៅថា «ការតាំងបង្ហាញផ្តាច់មុខនូវរថយន្តដ៏ប្រណីតជាច្រើនម៉ូឌែលម៉ាក Mercedes-Benz (Exclusive Mercedes-Benz Experience Days)» ដែលនឹងប្រព្រឹត្តិទៅនៅថ្ងៃព្រហស្បតិ៍ ទី២៤ មីនា ២០១៦ ខាងមុខនេះ នៅសណ្ឋាគារ សូហ្វីតែល ភ្នំពេញ ភូគីត្រា ចាប់ពីម៉ោង៦ល្ងាច រហូតដល់ម៉ោង១០យប់។ សម្រាប់រាត្រីថ្ងៃទី១នេះ គឺអនុញ្ញាតិចូលរួមសម្រាប់តែភ្ញៀវពិសេសៗដូចជា សម្តេច ទ្រង់ ឯកឧត្តម អ្នកឧកញ៉ា លោកឧកញ៉ា លោកជំទាវ លោក លោកស្រី អ្នកនាង កញ្ញា ដែលទទួលបានលិខិតអញ្ជើញនេះតែប៉ុណ្ណោះ។ នៅក្នុងរាត្រីនោះផងដែរ យើងខ្ញុំនឹងមានភោជនាអាហារ និងភេសជ្ជៈផ្សេងបម្រើជូនដោយក្តីរីករាយ។
សូមបញ្ជាក់ថា ក្នុងរាត្រីនោះជារាត្រីឯកជនរបស់ភ្ញៀវកិត្តិយសទាំងអស់ ដូច្នេះរាល់អ្នកសារព័ត៌មានទាំងឡាយ មិនត្រូវបានអនុញ្ញាតិឲ្យចូលរួមនោះទេ។ សូមអញ្ជើញទស្សនារថយន្តដ៏ប្រណីតៗជាមួយក្រុមគ្រួសារ និងមិត្តភក្តិប្រកបដោយភាពកក់ក្តៅ ស្ថិតក្នុងបរិយាកាសដ៏ស្រស់បំព្រង និងរីករាយបំផុត។
ដោយឡែកកម្មវិធីនេះ នឹងបន្តបើកជូនទស្សនារហូតដល់ថ្ងៃសុក្រ ២៥ មីនា ២០១៦ ចាប់ពីម៉ោង១០ព្រឹករហូតដល់ម៉ោង៦ល្ងាច ដែលអនុញ្ញាតិចូលរួមទស្សនាដោយក្តីរីករាយពីសំណាក់អ្នកសារព័ត៌មានគ្រប់អង្គភាព និងភ្ញៀវកិត្តិយសផ្សេងៗជាច្រើនទៀតដោយសេរី និងប្រកបដោយការស្វាគមន៍យ៉ាងកក់ក្តៅជាទីបំផុតពីសំណាក់ក្រុមហ៊ុនយើងខ្ញុំ។ នៅក្នុងថ្ងៃនោះផងដែរ យើងខ្ញុំក៏មានអាហារសម្រន់ខ្លះៗសម្រាប់ផ្តល់ជូនភ្ញៀវកិត្តិយសទាំងអស់ដែលបានអញ្ជើញចូលរួមទស្សនាក្នុងកម្មវិធីរបស់យើងខ្ញុំ។ យើងខ្ញុំសង្ឃឹមថា លោកអ្នកនឹងមិនឲ្យឱកាសដ៏កម្រមួយនេះ មានការខកខានចំពោះលោកអ្នកឡើយ។
ចែករំលែកព័តមាននេះ