ADផ្ទាំងផ្សព្វផ្សាយពាណិជ្ជកម្ម

Picture

លោកតា វ៉ិ​ច​ទ័​រ ប្រាប់​រឿង ខ្ញុង តើ​បន្ត​លេង​កំប្លែង​ទៀត ឬ​យ៉ាងណា?

1 ខែ មុន
  • ភ្នំពេញ

រហូត​មក​ទល់​នា​ពេល​នេះ រឿងរ៉ាវ​ដ៏​ក្រ​ក្រើ​ក​ក្នុង​វិស័យ​សិល្បៈ​ពាក់ព័ន្ធ​អ្នក​នាង ខ្ញុង នៅ​មិន​ទាន់​ស្ងប់​រលក​នៅឡើយ​ទេ ខណៈ​ពេល​មាន​មហាជន និង​អ្នកសិល្បៈ​មួយ​ចំនួន​បាន​ចេញ​មក​រិះគន់​លើ​តារា​កំប្លែង​រូប​នេះ ដែល​ធ្វើ​អោយ​

រាជធានី​ភ្នំពេញ ៖ រហូត​មក​ទល់​នា​ពេល​នេះ រឿងរ៉ាវ​​ក្រ​ក្រើ​ក​ក្នុង​វិស័យ​សិល្បៈ​ពាក់ព័ន្ធ​អ្នក​នាង ស្រេង សុខាន់ដា ហៅថា ខ្ញុង នៅ​មិន​ទាន់​ស្ងប់​រលក​នៅឡើយ​ទេ ខណៈ​មាន​មហាជន និង​អ្នកសិល្បៈ​ជើងចាស់ មួយ​ចំនួន​បាន​ចេញ​មក​រិះគន់​ទង្វើរបស់​តារា​កំប្លែងស្រី​រូប​នេះ ថា​ធ្វើ​អោយ​អាប់ឱន​ដល់​អ្នកសិល្បៈ​ស្រុក​ខ្មែរ​ ។

ការ​លើកដៃ​សុំ​អង្វរ​ពី​មហាជន​អោយ​ជួយ​ម្នាក់​១​ដុល្លារ​ពី​អ្នក​នាង ខ្ញុង ដោយអះអាងថាជាងជំពាក់បំណុលម្ចាស់បំណុលជាង ៣០ នាក់ គិតជាទឹកប្រាក់ជិត ៦០ម៉ឺន ដុល្លារអាមរិកនោះ បាន​ធ្វើ​អោយ​មហាជន ជា​ពិសេស​អ្នកសិល្បៈ​ជើង​ចាស់​មួយ​ចំនួន​បាន​ចាត់ទុកជា​រឿង​មិន​គប្បី ត្បិត​អ្នកសិល្បៈ​ជា​មនុស្ស​មហាជន ពេល​ធ្លាក់ខ្លួន​មិន​គួរ​លើកដៃ​សុំ​គេ​បែប​នេះ​ឡើយ​។

Picture

បញ្ហា​នេះ បាន​ធ្វើ​អោយ​កេរ្តី៍​ឈ្មោះ ​ដែល​អ្នក​នាង ខ្ញុង បាន​សាង​ក្នុង​អាជីព​សិល្បៈ​ប៉ុន្មាន​ឆ្នាំ​មកនេះ​បាន​ធ្លាក់​ស្ទើរ​ដល់​ចំណុចសូន្យ ហើយ​មហាជន​មួយ​ចំនួន​អាច​នឹង​លែង​គាំទ្រ​ដល់​ការ​សម្តែង​របស់​នាង​ថែម​ទៀត​ផង​។

យ៉ាងណា​មិញ ពាក់ព័ន្ធ​ការ​បន្ត​អាជីព​សម្តែង​កំប្លែងរបស់នាងខ្ញុង បន្តទៀត ឬ​យ៉ាងណា​នោះ លោក សុវណ្ណ រិ​ទ្ធី ហៅ​តា វ៉ិ​ច​ទ័​រ បាន​អះអាង​ថា លោក​មិន​ហ៊ាន​សម្រេច​នោះ​ឡើយ ពោល​គឺ​អ្វី​ៗ​ត្រូវ​ចាំ​រង់ចាំ​ការ​សម្រេច​ពី​ថ្នាក់ដឹកនាំ​របស់ CTN​។

Picture

លោក សុវណ្ណ រិ​ទ្ធី ហៅ​តា​វ៉ិ​ច​ទ័​រ ដែល​ជា​អ្នកដឹកនាំ​កម្មវិធី​កំសាន្ត និង​កំប្លែង​របស់​ស្ថានីយទូរទស្សន៍ CTN បាន​អះអាង​ប្រាប់​កោះសន្តិភាព​តាម​សារ​អេ​ឡិច​ត្រូ​និ​ច​ថា ចំណុច​ខាងលើ​នេះ លោក​មិន​ទាន់​ថា​យ៉ាងម៉េច​ទេ គឺ​អាស្រ័យ​លើ​អ្នកគ្រប់គ្រង​របស់ CTN​។ លោក​បញ្ជាក់​ថា សម្រាប់​លោក​គឺ​លោក​នៅ​តែ​ផ្តល់​ឱកាស​សម្រាប់​កូនក្រុម​កំប្លែង​របស់​លោក​គ្រប់​ៗ​គ្នា បើ​ទោះ​មានរឿង​អ្វី​កើតឡើង​ក៏​ដោយ​។

Picture

លោកបន្ត​ថា លោក​មានការ​សោកស្តាយ​នូវ​រឿងរ៉ាវ​ដែល​បាន​កើតឡើង​លើ​អ្នក​នាង ខ្ញុង ហើយ​លោក​ក៏​មិនដឹង​ខាង CTN គេ​នឹង​សម្រេច​យ៉ាងម៉េច​ចំពោះ​នាង​ដែរ​។ លោកតា វ៉ិ​ច​ទ័​រ លើក​ឡើ​ថា នៅ​ក្នុងអំឡុងពេល​នេះ បើ​ទោះបីជា​លោក​ហៅ​នាង ខ្ញុង មក​សម្តែង​ដូច​ធម្មតា លោក​ក៏​មិនដឹង​ថា ខ្ញុង មក​ឬ​អត់? ព្រោះ​កំពុង​មានរឿងក្តៅបែបនេះអ៊ី​ចឹ​ង​។

Picture

លោក​ថា កម្មវិធី​របស់​លោក​បាន​រៀបចំ​រួច​អស់ហើយ តែ​ដល់​ពេល ខ្ញុង មានរឿង​ចឹ​ង​កើតឡើង លោក​ក៏​មិន​ទាន់​គិត​ថា ត្រូវធ្វើ​យ៉ាងណា​ដែរ ព្រោះ​វា​កើតឡើង​ភ្លាម​ៗ​ពេក​។ យ៉ាងណា បើ​តាម​លោកតា វ៉ិ​ច​ទ័​រ ថា ក្នុង​ករណី​នាង ខ្ញុង មិន​បាន​មក​សម្តែង ហើយ​លោក​ត្រូវ​ផ្លាស់​ប្តូរ​ ឬ​យ៉ាងណា​នោះ លោក​នៅ​មិន​ទាន់​គិតដល់​នៅឡើយ​ទេ ព្រោះ​លោក​កំពុង​រវល់​កិច្ច​ការងារ​ច្រើន​។

Picture

យ៉ាងណា​លោក នៅ​រង់ចាំ​មើល​ការ​សម្រេច​ពី​អ្នកគ្រប់គ្រង CTN ជា​មុន​សិន ទើប​លោក​អាច​សម្រេច​ជា​ក្រោយ​ថា តើ​អនាគត​នាង ខ្ញុង អាច​បន្ត​សម្តែង​នៅ CTN បាន​ទៀត ឬ​មិន​បាន​យ៉ាងណា​នោះ?​៕

Picture
Picture
Picture
Picture
Picture
Picture
Picture
Picture
Picture
Picture
Picture