សមត្ថកិច្ចចម្រុះពួកស្ទាក់ចាប់រថយន្តដឹកឈើគ្រញូង២គ្រឿង
ខេត្តឧត្តរមានជ័យ ៖ ជនសង្ស័យ២នាក់ រួមទាំងរថយន្តស៊េរីទំនើប២គ្រឿង ត្រូវបានកម្លាំងចម្រុះចាប់ឃាត់ ពាក់ព័ន្ធបទល្មើសដឹកឈើគ្រញូងប្រមាណជិត១ពាន់គីឡូក្រាម
ខេត្តឧត្តរមានជ័យ ៖ ជនសង្ស័យ២នាក់ រួមទាំងរថយន្តស៊េរីទំនើប២គ្រឿង ត្រូវបានកម្លាំងចម្រុះចាប់ឃាត់ ពាក់ព័ន្ធបទល្មើសដឹកឈើគ្រញូងប្រមាណជិត១ពាន់គីឡូក្រាម
ខេត្តឧត្តរមានជ័យ ៖ ជនសង្ស័យ២នាក់ រួមទាំងរថយន្តស៊េរីទំនើប២គ្រឿង ត្រូវបានកម្លាំងចម្រុះចាប់ឃាត់ ពាក់ព័ន្ធបទល្មើសដឹកឈើគ្រញូងប្រមាណជិត១ពាន់គីឡូក្រាម កាលពីវេលាម៉ោង១រសៀលថ្ងៃទី២២ មីនា ២០១៦ នៅចំណុចមុខវិទ្យាល័យសម្តេច ហ៊ុន សែន ត្រពាំងប្រាសាទ ស្ថិតនៅក្នុងភូមិតាសេក ឃុំត្រពាំងប្រាសាទ ស្រុកត្រពាំងប្រាសាទ ។
ជនសង្ស័យទាំង២នាក់នេះ ម្នាក់ឈ្មោះ ម៉ៅ ធា ភេទប្រុស អាយុ៣៤ឆ្នាំ បើកបររថយន្តម៉ាកឡិចស៊ីស ពណ៌ខ្មៅ និងម្នាក់ទៀត ឈ្មោះ ផាន សុភ័ណ្ឌ ភេទប្រុស អាយុ៣៥ឆ្នាំ បើកបររថយន្តម៉ាកហាយប្រីដ ពណ៌ស ទាំង២នាក់ រស់នៅក្នុងភូមិអូរអំបឹល សង្កាត់អូរអំបឹល ក្រុងសេរីសោភ័ណ្ឌ ខេត្តបន្ទាយមានជ័យ ។
មន្ត្រីសមត្ថកិច្ចបានឲ្យដឹងថា មុនពេលឃាត់រថយន្តទាំង២គ្រឿងខាងលើនេះ មានកម្លាំងដែលជាបណ្តាញរបស់សមត្ថកិច្ចរាយការណ៍ពីកន្លែងគោលដៅ ដែលជនសង្ស័យទាំង២នាក់កំពុងលើកឈើដាក់ចូលក្នុងរថយន្ត រួចធ្វើដំណើរតាមបណ្តោយផ្លូវជាតិលេខP.R១៧៤ បន្ទាប់ពីទទួលបានព័ត៌មាននេះភ្លាម សមត្ថកិច្ចចម្រុះបានពួនស្ទាក់ ស្រាប់តែរថយន្តទាំង២គ្រឿងនេះក៏បានធ្វើដំណើរមកដល់ ហើយសមត្ថកិច្ចចម្រុះក៏ចាប់ឃាត់តែម្តង ។
ជនសង្ស័យទាំង២នាក់ រួមទាំងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ