ខេត្តព្រះសីហនុ ៖ លោក ប្រាក់ ប្រាកដ ប្រធានមន្ទីរឧស្សាហកម្ម និងសិប្បកម្មខេត្ត បានថ្លែងអះអាងថា នៅរដូវប្រាំងឆ្នាំនេះ ការផ្គត់ផ្គង់ទឹកស្អាតនៅទីប្រជុំជនក្រុងព្រះសីហនុ
ខេត្តព្រះសីហនុ ៖ លោក ប្រាក់ ប្រាកដ ប្រធានមន្ទីរឧស្សាហកម្ម និងសិប្បកម្មខេត្ត បានថ្លែងអះអាងថា នៅរដូវប្រាំងឆ្នាំនេះ ការផ្គត់ផ្គង់ទឹកស្អាតនៅទីប្រជុំជនក្រុងព្រះសីហនុ និងនៅទីប្រជុំជនស្រុកស្ទឹងហាវ មិនមានបញ្ហាខ្វះខាតទឹកទេ ។ ដោយឡែក នៅស្រុកព្រៃនប់វិញ ពិសេសទីប្រជុំផ្សារវាលរេញ ប្រជាពលរដ្ឋអាចប្រឈមនឹងការខ្វះខាតទឹកប្រើប្រាស់នៅក្នុងខែមេសា ឆ្នាំ២០១៦ នាពេលខាងមុខនេះ ប្រសិនបើពុំមានភ្លៀងធ្លាក់ខ្លះនោះទេ ។
ជុំវិញបញ្ហាខ្វះទឹកនៅតំបន់ផ្សារវាលរេញស្រុកព្រៃនប់ មន្ទីរជំនាញបានជំរុញឱ្យម្ចាស់មូលដ្ឋានផលិតទឹកស្អាតនៅតំបន់នោះ ត្រូវជីកស្តារស្រះដែលជាកន្លែងយកទឹកកន្លងមកបន្ថែម ឬក៍អាចរកវិធីបូមទឹកពីអាងទឹកជើងគោ ដែលមានចម្ងាយប្រហែលជាង១គីឡូម៉ែត្រពីអាងទឹកស្អាតបច្ចុប្បន្ន ដែលអាចនឹងរីងក្នុងខែមេសារនេះ និងត្រៀមរថយន្តសម្រាប់ដឹកទឹកអណ្តូងជូនប្រជាពលរដ្ឋ ក្នុងករណីពិសេសណាមួយ ។
ចំពោះស្រុកកំពង់សិលាឯណោះវិញ មានសេចក្តីរាយការណ៍មកថា ការខ្វះខាតទឹកមិនទាន់មានសភាពធ្ងន់ធ្ងរទេ ៕
ចែករំលែកព័តមាននេះ