រាជធានីភ្នំពេញ ៖ ស្ត្រីម្នាក់ដែលតែងតែបីកូនតូច អាយុជាង១ឆ្នាំ ដើរឆបោកប្រាក់ពីប្រជាពលរដ្ឋ និងក្រុមអាជីវករគ្រប់រាជធានី-ខេត្ត-ក្រុង ក្រោមលេសថា «យកប្រាក់ទៅព្យាបាលជំងឺកូន និងប្ដីសរសៃប្រសាទ» ។ មិនតែប៉ុណ្ណោះ បានបង្កាច់បង្ខូចដល់មន្ទីរពេទ្យខេត្តកំពង់ឆ្នាំងថា មិនបានព្យាបាលកូនរបស់ខ្លួន ដែលមានជំងឺនោះទេ ។
រាជធានីភ្នំពេញ ៖ ស្ត្រីម្នាក់ដែលតែងតែបីកូនតូច អាយុជាង១ឆ្នាំ ដើរឆបោកប្រាក់ពីប្រជាពលរដ្ឋ និងក្រុមអាជីវករគ្រប់រាជធានី-ខេត្ត-ក្រុង ក្រោមលេសថា «យកប្រាក់ទៅព្យាបាលជំងឺកូន និងប្ដីសរសៃប្រសាទ» ។ មិនតែប៉ុណ្ណោះ បានបង្កាច់បង្ខូចដល់មន្ទីរពេទ្យខេត្តកំពង់ឆ្នាំងថា មិនបានព្យាបាលកូនរបស់ខ្លួន ដែលមានជំងឺនោះទេ ។
ជាក់ស្តែង កាលពីព្រឹកថ្ងៃទី២២ មីនា ២០១៦ ស្ត្រីរូបនោះបានប្រើស្ទីលដដែលនេះ ដោយមានបីកូនតូចម្នាក់ និងមានបិទកៅអៀកថ្ងាសកូនផង ដើរសុំលុយពីប្រជាពលរដ្ឋ និងអាជីវករក្នុងផ្សារបុរីសន្តិភាព២ ក្នុងភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែន
ជ័យ ហើយក៏ត្រូវប៉ួលិសឃាត់ខ្លួន និងនាំទៅប៉ុស្តិ៍ចោមចៅ ដើម្បីសួរនាំ និងធ្វើការអប់រំ ។ ពេលទៅដល់បុស្តិ៍ ស្ត្រីខាងលើបានលើកដៃសំពះ និងបាននិយាយសុំទោស ហើយត្រូវប៉ូលិសឱ្យធ្វើកិច្ចសន្យារួច ទើបដោះលែងវិញ ។
ស្ត្រីបោកប្រាស់នោះមានឈ្មោះផា ស្រីនី អាយុ៣០ឆ្នាំ ស្នាក់នៅភូមិអណ្ដូង៤ សង្កាត់គោករកា ខណ្ឌសែនសុខ មានស្រុកកំណើតនៅក្នុងភូមិបឹងគ្រំ ឃុំល្វាឯម ស្រុកល្វាឯម ខេត្តកណ្ដាល ។
កន្លងមក ក្រោយពីស្ដាប់សម្ដីស្ត្រីរូបនោះ អ្នកដែលមិនធ្លាប់ដឹងជឿជាក់ និងមានការអាណិតអាសូរខ្លាំងណាស់ ខ្លះឱ្យ៥.០០០រៀល ១០០០០រៀល ឬ២០០០០រៀល ហើយស្ត្រីនោះ បានដើរធ្វើបែបនេះ នៅគ្រប់រាជធានី ខេត្ត ក្រុង នៅទូទាំងប្រទេស ។ មិនតែប៉ុណ្ណោះ បានបង្កាច់បង្ខូចមន្ទីរពេទ្យ ខេត្តកំពង់ឆ្នាំងថា មិនបានព្យាបាលជំងឺកូនរបស់ខ្លួនទេ ដែលបង្កឱ្យមានការរិះគន់ដល់មន្ទីរពេទ្យ ខាងលើ ពីសំណាក់មជ្ឈដ្ឋាននានាផងដែរ ប៉ុន្តែក្រោយមក ទើបការពិតត្រូវបានទម្លាយ បន្ទាប់ពីគេដឹងពីល្បិចកលរបស់ស្ត្រីម្នាក់នេះ និងមានការចុះផ្សាយតាមបណ្ដាញសង្គមហ្វេសប៊ុក ។
ចែករំលែកព័តមាននេះ