ចិនកាត់ទោសមនុស្ស២០នាក់ ពាក់ព័ន្ធការបាក់រលំអគារធ្វើចត្តាឡីស័ក
ចិន ៖ ប្រទេសចិន កាលពីថ្ងៃអង្គារកន្លងទៅនេះ បានកាត់ទោសមនុស្សចំនួន២នាក់ពីបទពុករលួយដែលបណ្តាលឲ្យមានការបាក់
ចិន ៖ ប្រទេសចិន កាលពីថ្ងៃអង្គារកន្លងទៅនេះ បានកាត់ទោសមនុស្សចំនួន២នាក់ពីបទពុករលួយដែលបណ្តាលឲ្យមានការបាក់រលំសណ្ឋាគារធ្វើចត្តាឡីស័កកាលពីឆ្នាំមុន។
មនុស្សចំនួន ២៩នាក់បានស្លា.ប់ និង៥០នាក់រងរបួស នៅពេលសណ្ឋាគារ Xinjian ស្ថិតនៅទីក្រុង Quanzhou បានបាក់រលំកាលពីខែមីនាឆ្នាំមុន។
ពេលបាក់រលំសណ្ឋាគារដែលមាន ៦៦បន្ទប់នោះមានមនុស្សជាច្រើននាក់កំពុងស្នាក់នៅដើម្បីធ្វើសត្តាឡីស័ក ដោយសារពួកគេធ្វើដំណើរមកទីក្រុង។ ការធ្វើចត្តាឡីស័កគឺជាវិធានការដើម្បីទប់ស្កាត់ការរីករាលដាលវីរុសកូវីដ ១៩។
ម្ចាស់សណ្ឋាគារឈ្មោះ Yang Jinqian ត្រូវបានកាត់ទោសឲ្យជាប់ពន្ធនាគាររយៈពេល២០ឆ្នាំ ពីបទបង្កើឲ្យមានគ្រោះថ្នាក់ធ្ងន់ធ្ងរ តាមរយៈការក្លែងឯកសារ និងធ្វើការសូកប៉ាន់។ នេះបើយោងតាមតុលាការក្រុង Quanzhou ថ្លែងនៅក្នុងសេចក្តីប្រកាសតាមអនឡាញ។
មនុស្សចំនួន ១២នាក់ផ្សេងទៀតត្រូវកាត់ទោសឲ្យជាប់ពន្ធនាគារចន្លោះពី ២ឆ្នាំកន្លះ និង ១៣ឆ្នាំពីបទល្មើសស្រដៀងគ្នា។
លើសពីនេះទៅទៀត មន្ត្រីសាធារណៈចំនួន ៧នាក់ ត្រូវបានផ្តន្ទាទោសឲ្យជាប់ពន្ធនាគារពី២ឆ្នាំ ទៅ៦ឆ្នាំពីបទទទួលសំណូក និងធ្វើមិនទទួលខុសត្រូវលើតួនាទី។
សូមបញ្ជាក់ថា បើយោងតាមការស៊ើបអង្កេតផ្លូវការ បានបង្ហាញថា មានការសាងសង់អគារ ៣ជាន់បន្ថែមទៀតដោយខុសច្បាប់ទៅលើរចនាសម្ព័ន្ធអគារទាំងមូល ហើយសវនករសុវត្ថិភាព បានធ្វើការសហការជាមួយនឹងម្ចាស់សណ្ឋាគារដើម្បីបង្កើតរបាយការណ៍ក្លែងក្លាយពីការសាងសង់៕ (យោងតាមប្រភព៖ Channel News Asia)
ចែករំលែកព័តមាននេះ