រាជធានីភ្នំពេញ ៖ ព្រឹកថ្ងៃទី១៩ មីនា ២០១៦ នៅស្នាក់ការគណបក្សប្រជាជនកម្ពុជាខេត្តកំពត លោកបណ្ឌិតទេសរដ្ឋមន្ត្រី ប៉ែន ស៊ីម៉ន ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
រាជធានីភ្នំពេញ ៖ ព្រឹកថ្ងៃទី១៩ មីនា ២០១៦ នៅស្នាក់ការគណបក្សប្រជាជនកម្ពុជាខេត្តកំពត លោកបណ្ឌិតទេសរដ្ឋមន្ត្រី ប៉ែន ស៊ីម៉ន ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អនុប្រធានទី១ ក្រុមការងារថ្នាក់កណ្តាល ចុះជួយខេត្តកំពត លោកជំទាវ អ៊ុន សុគន្ធា សភាតំណាងរាស្ត្រមណ្ឌលកំពត រួមនឹងអាជ្ញាធរខេត្តគ្រប់លំដាប់ថ្នាក់បានអញ្ជើញជួបសំណេះសំណាលជាមួយនិស្សិតសាលាសុខាភិបាលភូមិភាគកំពត ចំនួន៤៤៧នាក់ មកពីខេត្តចំនួន០៦ គឺខេត្តកំពត តាកែវ កែប ព្រះសីហនុ កោះកុង និងខេត្តកំពង់ស្ពឺ ដែលកំពុងសិក្សាផ្នែកគិលានុប្បដ្ឋា និងគិលាននុប្បដ្ឋាយិការ និងពេទ្យឆ្មបជនបទ ព្រមទាំងគរុសិស្ស លោកគ្រូ អ្នកគ្រូចំនួន២២៧នាក់ មុនពេលធ្វើដំណើរទស្សនកិច្ចសិក្សាកម្សាន្តនៅទឹកដីអង្គរខេត្តសៀមរាប តបតាមប្រសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសសម្ពោធដាក់ឱ្យប្រើប្រាស់ផ្ទះកុមារ SOS នៅភូមិរលួស ឃុំបឹងទូក ស្រុកទឹកឈូ ខេត្តកំពត កាលពីថ្ងៃទី០៥ មីនា ២០១៦ កន្លងទៅ ។
ក្នុងពិធីសំណេះសំណាល លោកបណ្ឌិតបានបញ្ជាក់ពីកម្មវិធីនៃដំណើរទស្សនកិច្ចកម្សាន្តនៅប្រាង្គប្រាសាទអង្គរ ព្រមទាំងរៀបរាប់ពីប្រវត្តិ អាយុកាល និងអត្ថន័យនៃការកសាងប្រាង្គប្រាសាទនីមួយៗ ដូចជាប្រាសាទអង្គរវត្ត ប្រាសាទតាព្រហ្ម ប្រាសាទបាយ័ន្ត ទីលានជល់ដំរី ប្រាសាទនាគព័ន្ធ និងប្រាសាទបន្ទាយស្រីជាដើម ។
លោកបណ្ឌិតទេសរដ្ឋមន្ត្រី ប៉ែន ស៊ីម៉ន សុំឱ្យអជ្ញាធរខេត្ត រួមសហការ ការពារសុខសុវត្ថិភាព សុខភាព អនាម័យឱ្យបានល្អ គោរពកម្មវិធីឱ្យបានច្បាស់លាស់ គឺការធ្វើដំណើរស្រួលស្រាល និងត្រឡប់មកវិញដោយសុវត្ថិភាព ។ លោកបណ្ឌិតទេសរដ្ឋមន្ត្រី ប៉ែន ស៊ីម៉ន បានឧបត្ថម្ភថវិកាជាប្រាក់ហោប៉ៅដល់និស្សិតពេទ្យ និងគរុសិស្សទាំង៩៧៣នាក់ ក្នុងម្នាក់ៗថវិកា៥ម៉ឺនរៀល ៕
ចែករំលែកព័តមាននេះ