យានយន្ត ២២៩គ្រឿង ដែលដឹកលើសទម្ងន់ ក្រសួងប្រគល់ជូនម្ចាស់វិញ ប៉ុន្តែមិនលើកលែងជាលើកទី២ទៀតឡើយ
រាជធានីភ្នំពេញ ៖ ក្រសួងសាធារណការ និងដឹកជញ្ជូន បានប្រគល់យានយន្តចំនួន ២២៩គ្រឿង ជូនម្ចាស់វិញហើយ គិតត្រឹមថ្ងៃទី១៣ ខែតុលា ឆ្នាំ២០២១…
រាជធានីភ្នំពេញ ៖ ក្រសួងសាធារណការ និងដឹកជញ្ជូន បានប្រគល់យានយន្តចំនួន ២២៩គ្រឿង ជូនម្ចាស់វិញហើយ គិតត្រឹមថ្ងៃទី១៣ ខែតុលា ឆ្នាំ២០២១…
រាជធានីភ្នំពេញ ៖ ក្រសួងសាធារណការ និងដឹកជញ្ជូន បានប្រគល់យានយន្តចំនួន ២២៩គ្រឿង ជូនម្ចាស់វិញហើយ គិតត្រឹមថ្ងៃទី១៣ ខែតុលា ឆ្នាំ២០២១ ។
យានយន្តចំនួន ២២៩គ្រឿង ដែលប្រគល់ជូនម្ចាស់វិញនេះ ដោយយោងតាមអនុសាសន៍ណែនាំដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ស្របពេលស្ថានភាព នៃការរាតត្បាតជំងឺកូវីដ-១៩ មានសភាពធូរស្រាល និងការរៀបចំកែសម្រួល និងដាក់ចេញនូវយុទ្ធសាស្ត្រ និងវិធានការដើម្បីជំរុញកំណើនសេដ្ឋកិច្ចជាតិរបស់រាជរដ្ឋាភិបាល ក្រោយវិបត្តិ នៃជំងឺកូវីដ-១៩ ។
យានយន្តទាំង ២២៩គ្រឿង ជាយានយន្តល្មើសច្បាប់ ដោយបានដឹកលើសទម្ងន់កម្រិតកំណត់លើសពី ២០% នៃទម្ងន់អនុញ្ញាត ដែលបានឃាត់ដោយស្ថានីយជញ្ជីងអចល័ត និងក្រុមចល័តចម្រុះ ហើយរក្សាទុកនៅតាមស្ថានីយជញ្ជីងអចល័ត និងមន្ទីរសាធារណការ និងដឹកជញ្ជូនតាមបណ្តារាជធានី-ខេត្តមួយចំនួន ។
សូមរម្លឹកថា កាលពីថ្ងៃទី២៨ ខែកញ្ញា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឲ្យក្រសួងសាធារណការ និងដឹកជញ្ជូន ដោះលែងយានយន្តចំនួន ២២៩គ្រឿងខាងលើ ជូនទៅម្ចាស់យានយន្ត ដើម្បីប្រកបអាជីវកម្មឡើងវិញ ដោយស្របពេលស្ថានភាព នៃការរាតត្បាតជំងឺកូវីដ-១៩ មានសភាពធូរស្រាល ហើយរាជរដ្ឋាភិបាលបានរៀបចំកែសម្រួល និងដាក់ចេញនូវយុទ្ធសាស្ត្រ និងវិធានការដើម្បីជំរុញកំណើនសេដ្ឋកិច្ចជាតិ ក្នុងបរិបទក្រោយវិបត្តិ នៃជំងឺកូវីដ-១៩ ដូចជា ៖ ការបើកឲ្យដំណើរការឡើងវិញ សាលារៀន ផ្សារទំនើប ផ្សារសាធារណៈ តំបន់ទេសចរណ៍ និងការស្ដារសកម្មភាពធុរកិច្ច អាជីវកម្ម សេដ្ឋកិច្ច និងសង្គម ផ្សេងៗទៀត ។ ម្យ៉ាងវិញទៀត ដើម្បីស្ដារសេដ្ឋកិច្ចជាតិឡើងវិញ ជាពិសេសការគាំទ្រដល់ការរស់ឡើងវិញរបស់វិស័យឯកជន និងជាការលើកលែងបន្ធូរបន្ថយ និងផ្ដល់ឱកាសសារជាថ្មី នៅក្នុងឱកាសបុណ្យភ្ជុំបិណ្ឌប្រពៃណីជាតិខ្មែរ ។
ក្រសួងសាធារណការ និងដឹកជញ្ជូន ក៏បានបញ្ជាក់ជូនម្ចាស់យានយន្ត ម្ចាស់អាជីវកម្មដឹកជញ្ជូនទាំងឡាយ មេត្តាជ្រាបថា ៖ «ថ្វីត្បិតតែរាជរដ្ឋាភិបាលបា នអនុញ្ញាតឱ្យមានការដោះលែង និងបន្ធូរបន្ថយនាពេលនេះមែន តែក្រសួងសាធារណការ និងដឹកជញ្ជូន នឹងបន្តអនុវត្តច្បាប់ និងទប់ស្កាត់ការដឹកជញ្ជូនលើសទម្ងន់កម្រិតកំណត់យ៉ាងតឹងរ៉ឹងបំផុត ដោយមិនមានការលើកលែងជាលើកទី២ ទៀតឡើយ ហើយក្រសួងនឹងខិតខំធ្វើការផ្សព្វផ្សាយជូនដំណឹង ឱ្យបានទូលំទូលាយបន្ថែមទៀត អំពីច្បាប់និងលិខិតបទដ្ឋានគតិយុត្តនានាដល់សាធារណជនទូទៅឱ្យបានយល់ដឹង និងជ្រួតជ្រាបកាន់តែច្បាស់ ជាពិសេសច្បាប់ស្តីពីផ្លូវថ្នល់ មាត្រា២៦ មាត្រា៦០ និងសេចក្ដីជូនដំណឹង លេខ០៤៩ សជណ សក. គតលទ ស្តីពីការពង្រឹងវិធានការយ៉ាងតឹងរ៉ឹងបន្ថែម ចំពោះយានយន្តដឹកជញ្ជូនធុនធ្ងន់ ដែលបើកបរលើបណ្តាញផ្លូវថ្នល់» ៕
ចែករំលែកព័តមាននេះ