ខេត្តបន្ទាយមានជ័យ ៖ គោឈ្មោល-ញីចំនួន៦ក្បាល ក្រោយពីបាត់ រកឃើញ៥ក្បាលមកវិញ នៅបាត់គោញីផើមមួយក្បាលទៀត សង្ស័យសម្ងំកើតកូនក្នុងព្រៃ ហើយសមត្ថកិច្ចបាននិងកំពុងរុករកបន្តទៀត ។
ខេត្តបន្ទាយមានជ័យ ៖ គោឈ្មោល-ញីចំនួន៦ក្បាល ក្រោយពីបាត់ រកឃើញ៥ក្បាលមកវិញ នៅបាត់គោញីផើមមួយក្បាលទៀត សង្ស័យសម្ងំកើតកូនក្នុងព្រៃ ហើយសមត្ថកិច្ចបាននិងកំពុងរុករកបន្តទៀត ។
លោកវរសេនីយ៍ទោ ស៊ិន ណារ៉ាក់ នាយរងការិយាល័យកណ្តាលនគរបាលព្រហ្មទណ្ឌ បានឲ្យដឹងថា កាលពីវេលាម៉ោង៨និង៣០នាទីយប់ថ្ងៃទី១៨ ខែមីនា ឆ្នាំ២០១៦ នគរបាលប៉ុស្តិ៍រដ្ឋបាលសំបួរ បានទទួលបណ្តឹងពីប្រជាពលរដ្ឋជាម្ចាស់គោឈ្មោះ ថា ប៊ុនសឿត ហៅធូ ភេទប្រុស អាយុ៣៦ឆ្នាំ នៅភូមិស្រណាល ឃុំសំបួរ ស្រុកមង្គលបុរី បានប្រាប់សមត្ថកិច្ចថា គាត់បានបាត់គោចំនួន៦ក្បាលមានឈ្មោល-ញី ក្នុងនោះមានគោសម្បុរស៣ក្បាល ក្រហម២ក្បាល និងត្នោត១ក្បាល មានផើម១ក្បាល ដែលគាត់បានលែងឲ្យស៊ីស្មៅនៅចំណុចបឹងចក ចម្ងាយ៥០០ម៉ែត្រពីភូមិស្រណាល ឃុំសំបួរស្រុកមង្គលបុរី ។
លោកនាយរងការិយាល័យកណ្តាលនគរបាលព្រហ្មទណ្ឌ បានបញ្ជាក់ថា បន្ទាប់ពីទទួលបានព័ត៌មាន លោកឧត្តមសេនីយ៍ទោ អាត់ ខែម ស្នងការនគរបាលខេត្តបានដឹកនាំកម្លាំងនគរបាលរបស់ស្នងការដ្ឋាននគរបាលខេត្ត និងកម្លាំងនគរបាលអធិការដ្ឋាននគរបាលស្រុកមង្គលបុរី ចុះប្រតិបតិ្តការរុករករហូតឈានតៅរកឃើញគោឈ្មោល-ញីចំនួន៥ក្បាល នៅវេលាម៉ោង៩ព្រឹកថ្ងៃទី១៩ ខែមីនា ឆ្នាំ២០១៦ នៅចំណុចបឹងយាយសុនខាងលិចឆៀងខាត្បូងភូមិតាសល់ ឃុំគោកបល្ល័ង្គ ឃុំគោកបល្ល័ង្គ ស្រុកមង្គលបុរី និងបានប្រគល់ជូនម្ចាស់ដើមវិញ ។ ចំណែក១ក្បាលដែលផើមនោះ សមត្ថកិច្ចដាក់ការសង្ស័យថា សម្ងំកើតកូននៅកន្លែងណាមួយ ដែលពេលនេះកំពុងរុករកបន្តទៀត ៕
ចែករំលែកព័តមាននេះ