មានការកត់សម្គាល់ថា ប៉ុន្មានឆ្នាំចុងក្រោយនេះ ការឡើងកម្តៅនៃភពផែនដីដែលហៅថាគ្រោះធម្មជាតិកាន់តែខ្លាំងឡើងធ្វើឱ្យប្រទេសមួយចំនួននៅលើពិភពលោកទទួលរងនូវឥទ្ធិពលនេះបង្កវិនាសកម្មមិនតិចទេ។
មានការកត់សម្គាល់ថា ប៉ុន្មានឆ្នាំចុងក្រោយនេះ ការឡើងកម្តៅនៃភពផែនដីដែលហៅថាគ្រោះធម្មជាតិកាន់តែខ្លាំងឡើងធ្វើឱ្យប្រទេសមួយចំនួននៅលើពិភពលោកទទួលរងនូវឥទ្ធិពលនេះបង្កវិនាសកម្មមិនតិចទេ។ ចាំបានទេកាលពីមួយឆ្នាំកន្លងទៅនេះ ប្រទេសឥណ្ឌាបានជួបគ្រោះរាំងស្ងួតក្តៅហួតហែងហួសពីការទ្រាំ ធ្វើឱ្យពលរដ្ឋដែលរស់នៅក្នុងប្រទេសនេះស្លាប់មិនតិចរយនាក់ទេដោយសារការវាយប្រហារពីកត្តាធម្មជាតិ។
ខាងក្រោមនេះជារោគសញ្ញាមួយចំនួនដែលបណ្តាលមកពីអាកាសធាតុក្តៅខ្លាំងមានដូចជា៖
-បែកញើសខ្លាំង
-ខ្សោយកម្លាំង
-រាងកាយស្លេកស្លាំង
-ស្បែកស្អិតជាប់ជានិច្ច
-ជីពចរដើរញាប់
-ចង្អោរ ឬក្អួត
-នឹងអាចដួលសន្លប់
របៀបជួយសង្គ្រោះនៅពេលលោកអ្នកជួបបញ្ហាទាំងនេះ ៖
-ប្តូរទិសដៅទៅកន្លែងត្រជាក់
-សណ្តូកខ្លួនដេក និងដោះសម្លៀកបំពាក់ក្រៅចេញរួចដកដង្ហើមវែងៗ
-ជូតនឹងកន្សែងត្រជាក់លើខ្លូនប្រាណដើម្បីបញ្ចុះកម្តៅក្នុងខ្លួន
-ទទួលទានទឹកសន្សឹមៗកុំបង្ខំ
-បើមានក្អួតនៅតែបន្តរហូត គួរបញ្ជូនគេទៅកាន់មន្ទីរពេទ្យជាបន្ទាន់ ព្រោះជាអាការធ្ងន់ធ្ងរហើយ។
សីតុណ្ហភាពកម្តៅដែលបង្កឱ្យដួលសន្លប់នោះ ស្ថិតក្នុងកម្រិត ៖
-កម្តៅក្នុងខ្លួនលើសពី៣៩,៥អង្សាសេ
-ស្បែកឡើងជាំក្រហម ឬស្បែកស្ងួតក្រៀម
-ជីពចរដើរញាប់ ក្តៅដង្ហក់
-អាចបាត់បង់ស្មារតី ។
ជារួមរាងកាយមនុស្សយើងបើកាលណាទទួលរងនូវឥទ្ធិពលអាកាសធាតុក្តៅខ្លាំងពេកធ្វើឱ្យ ស្បែកឡើងក្រៀម ហេវហត់អស់កម្លាំង រាងកាយស្លេកស្លាំងដោយសារខ្សោះជាតិទឹកក្នុងខ្លួន ក្តៅដង្ហក់ខ្លាំងនឹងអាចឈានទៅដួលសន្លប់…ដែលសញ្ញាទាំងអស់នេះតម្រូវឱ្យមានការជួយសង្គ្រោះជាបន្ទាន់ ៕
ចែករំលែកព័តមាននេះ