ADផ្ទាំងផ្សព្វផ្សាយពាណិជ្ជកម្ម

Picture

ស្ថានភាពកម្ពស់ទឹក នៅខេត្តពោធិ៍សាត់ បាត់ដំបង មណ្ឌលគិរី រតនគិរី ឧត្តរមានជ័យ និងនៅខេត្តបន្ទាយមានជ័យ នាថ្ងៃអាទិត្យ ទី១៧តុលានេះ

2 ឆ្នាំ មុន
  • ភ្នំពេញ

ភ្នំពេញ​៖ ស្ថានភាព​កម្ពស់​ទឹក នៅ​ខេត្តពោធិ៍សាត់ បាត់ដំបង មណ្ឌលគិរី រតនគិរី ឧ​ត្ត​រ​មានជ័យ និង​នៅ​ខេត្តបន្ទាយមានជ័យ ត្រូវបាន​គណៈកម្មាធិកា​រ​គ្រប់គ្រង​គ្រោះមហន្តរាយ និង​ក្រសួង​ធនធានទឹក…

ភ្នំពេញ​៖ ស្ថានភាព​កម្ពស់​ទឹក នៅ​ខេត្តពោធិ៍សាត់ បាត់ដំបង មណ្ឌលគិរី រតនគិរី ឧ​ត្ត​រ​មានជ័យ និង​នៅ​ខេត្តបន្ទាយមានជ័យ ត្រូវបាន​គណៈកម្មាធិកា​រ​គ្រប់គ្រង​គ្រោះមហន្តរាយ និង​ក្រសួង​ធនធានទឹក និង​ឧតុនិយម ប្រកាស​ផ្សព្វផ្សាយ នា​ថ្ងៃអាទិត្យ ទី​១៧​តុលា​នេះ​។​

​ស្ថានភាព​កម្ពស់​ទឹក ក្នុង​ខេត្តពោធិ៍សាត់ គិត​ត្រឹម​រសៀល​ថ្ងៃទី​១៧ ខែតុលា ឆ្នាំ​២០២១ គឺ​ទឹកស្ទឹង​ក្រវាញ ២,៦៣​ម (​កម្ពស់​ប្រកាសអាសន្ន ៦​ម​) និង​ទឹកស្ទឹង​ក្រុង​ពោធិ៍សាត់ ៤,៩០​ម (​កម្ពស់​ប្រកាសអាសន្ន ៥​ម​)​។​

​ចំណែក​នៅ​ខេត្តមណ្ឌលគិរី គឺ​ទឹកភ្លៀង ដែល​ធ្លា​ក់ជាប់​គ្នា រយ​:​ពេល ០៧​ថ្ងៃ​មកនេះ នៅ​ភូមិសាស្ត្រ​ស្រុក​កោះ​ញែក បាន​បង្ក​ជំនន់​ទឹកភ្លៀង​, ទន្លេស្រែពក និង​អូរ​ច្បារ បាន​ហក់​ឡើង​ហៀ​រលើ​មាត់ច្រាំង​ដោយ​អន្លើ​ចន្លោះ​ពី ០៣​ម​-០៥​ម និង​តំបន់​ទំនាប​មួយចំនួន រួមទាំង ក្នុងភូមិ​សាស្ត្រ​ស្រុក​កែវ​សីមា ហៀរ​តាម​មាត់​អូរ​ឆ្លូង​។​

​ដោយឡែក នៅ​ខេត្តរតនគិរី គិត​ត្រឹម​រសៀល​ថ្ងៃទី​១៧ ខែតុលា ឆ្នាំ​២០២១ ទឹក​ទន្លេស្រែពក មាន​កម្ពស់ ១១.២០​ម (​កម្រិត​ប្រកាសអាសន្ន ១២,៥០​ម​) ដោយមាន​ការ​ជន់​លិច​ចំណុច​មួយចំនួន នៅ​ស្រុក​តាម​បណ្ដោយ​ទន្លេស្រែពក​។​

​ក្រុមការងារ​លេខាធិកា​រដ្ឋា​ន​គ្រប់គ្រង​គ្រោះមហន្តរាយ​ខេត្ត បាន​ចុះ​ពិនិត្យ​ស្ថានភាព​ទឹកទន្លេ ស្រែ​ពក នៅ​ស្រុក​លំផាត់ ព្រមទាំង​ចុះ​ផ្សព្វផ្សាយ​ដល់​ប្រជាពលរដ្ឋ​ឱ្យ​ត្រៀមលក្ខណៈ និង​បង្កើន​ការយកចិត្តទុកដាក់ ប្រុងប្រយ័ត្ន ចំពោះ​ករណី​ជាយថាហេតុ​ផ្សេងៗ​។​

​ចំណែក​នៅ​ខេត្ត​ឧ​ត្ត​រ​មានជ័យ គឺ​បរិមាណ​ទឹកភ្លៀង ដែល​បាន​ធ្លាក់​បន្ត​ជាប់ៗ គ្នា​រយៈពេល​៥​ថ្ងៃ ចាប់ពី​ថ្ងៃ​១៣-១៧ ខែតុលា ឆ្នាំ​២០២១ នៅ​បន្ត​ធ្លាក់ គិត​ត្រឹម​វេលា​ម៉ោង​៣​រសៀល​នេះ​កម្រិត​ពី​៩៧-១៦៦ ម​ម នៅ​តំបន់​ផ្ទៃ​រងទឹក​ភ្លៀង​ស្រុក​ត្រពាំង​ប្រាសាទ និង​ស្រុក​អន្លង់វែង បាន​បង្ក​ឲ្យ​កម្ពស់​ទឹក​ក្នុង​អាងទឹក​តា​ម៉ុក ស្ថិតនៅ​ឃុំ​អន្លង់វែង ស្រុក​អន្លង់វែង ហក់​ឡើងដល់​កម្រិត​ប្រកាស​ឲ្យ​មានការ​ប្រុងប្រយ័ត្ន គឺ ៣,៨០​ម៉ែត្រ ហើយ​កម្រិត​ប្រកាសអាសន្ន ៤,៥០​ម៉ែត្រ​។​

​យោង​ទិន្នន័យ​របស់​ក្រុមការងារ​បច្ចេកទេស​នៃ​មន្ទីរ​ធនធានទឹក និង​ឧតុនិយម​ខេត្តបាត់ដំបង គឺ​ស្ថានភាព​កំពស់​ទឹក​នៅ​ស្ទឹង​សង្កែ ក្នុង​ក្រុង​បាត់ដំបង ត្រង់ចំណុច​ស្ពាន​សម្ដេច​តេ​ជោ បាន​ថយចុះ មក​នៅត្រឹម ១២.៨៥​ម៉ែត្រ គិត​ត្រឹម​ម៉ោង ០៣:១០​នាទី នៅ​រសៀល​ថ្ងៃទី​១៧ ខែតុលា ឆ្នាំ​២០២១​។​

​ដោយឡែក នៅ​ខេត្តបន្ទាយមានជ័យ ស្ថានភាព​ទឹក​តាម​ច្រក​ព្រំប្រទល់ កម្ពុជា​-​ថៃ នៅ​ថ្ងៃទី​១៧ ខែតុលា ឆ្នាំ​២០២១ វេលា​ម៉ោង ៦:០០​ល្ងាច ដូចជា​៖ ១-​ច្រក​ក្បាលស្ពាន ទឹកអូរ​ស្រក​វិញ មក​នៅ​ស្ថានភាព​ដើម ទឹក​ហូរ​ខ្សោយ ស្ថិតនៅ​ស្រុក​ម៉ាឡៃ​។ ២-​ច្រក​អូរ​ល្ងុង ទឹកអូរ​កើន ១.១៣​ម៉ែត្រ ស្ថិតនៅ​ក្រុង​ប៉ោយប៉ែត​។ ៣-​ច្រក​អូរ​បី​ជាន់ ទឹកអូរ​កើន ១.៤​ម៉ែត្រ ស្ថិតនៅ​ស្រុក​អូរ​រ​ជ្រៅ​។ ៤-​ច្រក​អូរ​កំបុត ទឹក​កើន ១.២​ម៉ែត្រ ស្ថិតនៅ​ស្រុក​ថ្មពួក​។ ស្ថានភាព ច្រក​ទឹក​ទាំង ០៤ ទទួល​ទឹកភ្លៀង ២​ថ្ងៃ​ជាប់ៗ​គ្នា ស្ថានភាព​ស្រែ ស្រូវ ផ្ទះ ពុំទាន់​លិចលង់​ទេ​។ ៥-​ជំនន់​វាល​សែ​សិន ស្ថានភាព​ទឹក នឹងមិន​កើន​ទេ​។ ស្រក សរុប ០.៥៧​ម៉ែត្រ​។

​រហូតដល់​ល្ងាច​ថ្ងៃអាទិត្យ ទី​១៧ ខែតុលា នៅ​ខេត្តបន្ទាយមានជ័យ មាន​ភ្លៀង​ធ្លាក់​ខ្សោយ នៅ​គ្រប់​ស្រុក​-​ក្រុង​ទាំ​៩៕​

អត្ថបទសរសេរ ដោយ

កែសម្រួលដោយ